1
Unɖo foébé, mi nɔnvi nyɔnun, xé wɛ nyi amɛsɛntɔ ɖo agun xé ɖo sanklénu lɛ tɔn mɛ ɖé ɖo wlan mi,
2
na éwa lɔ na mina kpewu yi bona wlébonɛ ɖo axwetɔ lɔ mɛ. Mi bɔblo numɔntɔn ganji nɛ ɖi walɔ ɖagbé xé na amɛ mimɛ lɛ nɔn nyiwanna ɖé ɖɔhun, mi bo kpédo minɔnvi nyɔnun lɔ wu ɖo nu lɛ bimɛ xé lɛ mɛ na éna ɖo huɖo té jlo ɖo mi ɖé ɖé. Ɖo wulɔ su căn konyi alɔ gɔnamɛtɔ na amɛsusu xé ènyi na nyɛn lɔsu gá ɖé.
3
Mi dogbé na azɔn wa xɛuntɔ vɛ na vɛna ce, Plisilu kpo Akilasi kpo ɖo Klisi-Jezu mɛ;
4
Amɛ xé lɛ wɛ sɔ agbɛ yé tɔn bosɔ savɔ nyi bosɔ hwlɛn agbɛ ce găn. Un do akpɛ na yéé, bɔ nyɛn ɖo kpo kɛ ɖo akpɛlɔ do ă, agun lɛ xé mă nyi amɛxé lɛ mă nyi Jwifu lɛ ă ɖétɔn càn ɖo xwé yétɔn gbé ɖé gă.
5
Midogbé na Epayinɛtu wanyi nɔnɔnce, xé wɛ nyi amɛ nukɔntɔn na klisi bo sin Azi ɖé.
6
Mi dogbé na Mali, xé wazɔn táhun na mi ɖé.
7
Mi dógbé na Andlonikusi kpo Juniasi kpo, amɛjitɔ ce lɛ, bɔ yé lɛ nyi hagbɛ mɛ nɔn xɛ amɛ tɔ ce lɛ ɖo kanumɔn gbéji. Amɛ vɛna vɛna lɛ wɛ yé nyi ɖo Azinzɔn lɛ sin a tɛn tɛn, amɛ xé lɛ ko ɖo klisi mɛ jɛ nukɔn na nyɛn.
8
Mi dógbé na Ampliyasi wanyi mɔnɔn ce ɖo axwetɔlɔ mɛ.
9
Mi dogbé na Ulbɛn, hazɔn watɔ mitɔn ɖo Klisi mɛ, kpɔ sitacysi wanyi mɔnɔn ce.
10
Mi dógbé na Apélɛsi, sisimɛ dokpo wɛ ényi ɖo klisimɛ. Mi dogbé na amɛ lɛ bi xé ɖo Alustobulu sin xwegbéɖè.
11
Mi dogbé na Hélodiɔn, ajitɔ ce. Mi dogbé na amɛ lɛ bi Nalsisu sin xwégbé, xé ɖo axwetɔ lɔ mɛ ɖé.
12
Mi dogbé na Tlyfɛnu, xé nɔ wazɔn tahun ɖo axwetɔ lɔ mɛ ɖé.
13
Mi dógbé na Lufusi, amɛ ciancian ɖo axwetɔ lɔ mɛ, kpo ajinɔn untɔn xé ényi na un gă ɖé.
14
Mi dǒgbé na Asynklitu, flényɔn, Helumɛsi, Patloba si, Helumasi, kpo nɔnvi xé ɖo kpɔ xɛ yé lɛ ɖé.
15
Mi dǒgbé na Filologu kpo Julie kpo, Nélée kpo nɔnvyɔ kpo, olympu kpo, kpo amɛ wiwe lɛ bi xé ɖo kpɔ xɛ yéɖé.
16
Mi dǒgbé ɖo nɔnvi nɔnvi mɛ kpo sikiki mimɛtɔn kpo. Agun Klisitɔn lɛ bi dogé na mi.
17
Din ɔ hun ɖo wusyɛn domi, nɔnvi lɛ bovɛ mi na mi à butamɛ sin amɛ xé lɛ nɔn hɛn minma kpo afɔklin kpo wa ɖé, bo nɔn yi ɖo nu wa gbɔn vo na nu xé yé kpɔn mi klɛ ɖé. Milɛkɔ sin gido na yé.
18
Agbɛtɛ alɔ kpa xé ka ɖo Klisi sɛn ă, axwetɔ mitɔn, amɔn xodo yétɔn lɔsu wɛ yé ɖo sɛn yé nɔn ɖɔ xo vivi lɛ bonɔnsɔ blɛamɛ amɛ ma nyɔn ɖé nyi sin ji yé tɔn mɛ lɛ.
19
Ɖo amɛlɛ bi konyɔn kpɔndéwu toɖiɖo Mawu mitɔn nyi. Un ɖo xomɛ hun, ɖo mi lɛ wutu, bɔ un jlo ɖɔ mi ă ɖo nu nywɛn, ɖo nuxé lɛ nyi nudagbé ɖé ji. Bo hɔnna nu hɔn na nubaɖa badalɛ.
20
Bɔ Mawu na gba lɛgba ɖo afɔ mitɔn lɛ glɔ Zanɖé din. Na jɔmyɔn axwétɔ mitɔn Jezu Klisi nɛ nɔn kpɔ xɛ mi.
21
Timɔte, hazɔnwatɔ ce, dogbé nami, bɔ lusiwusi, kpo Jasɔn kpo Sosipatu xé lɛ nyi hɛn numɔ ce lɛ ɖé can dogbé ɖo wlan mi.
22
Nyɛn, Tɛlutiwusi xé wɛ ɖo wéma xéwlan ɖó hlan ɖé, un dógbé na mi ɖo axwetɔ lɔ mɛ.
23
Gayusi, amɛ xé wɛ yi ɖo xwé untɔn gbé, xé gbé wɛ agun lɔ bi nɔn wa kplété ɖé dogbé ɖo hlanmi. Elasiti, tǒ lɔ sin akwɛgba hɛn tɔ lɔ, dogbé ɖo hlan mi mɔn ké nɔnvi kalutusi dogbé ɖo hlanmi ga.
24
Na jɔmyɔn axwétɔ mitɔn Jezu Klisitɔn nɛ nɔn kpɔn xɛ mi! Amɛn! (wiwulan xo xo ɖé lɛ yɔn afɔ xé jodo).
25
Din ɔ, na amɛ xé we kpéwu bona nami hlɔnhlɔn bɔ mina kpewu nɔnté kpo mawu xo ce xé undɔ nami ɖé, kpo, Jezu-klisi sin Mawu wɛn ɖagbé kpo, ɖialé xé yé sɔ nu hlahla xé yésɔ hladomi sin xoxo hwénu lɛ ɖé.
26
Amɔn din lo ɔ, yésɔwɛ ɖo xlɛmi gbɔn ɖɔ nayi xo wlanwlan lɛ mɛ ɖi alé xé sɛn didǒ Mawu mavɔ mavɔ l tọn ɖɔ ɖéɖɔ̌hun, na tǒɖiɖo xé nyi yisé tɔn ɖé ɖo amɛ xé lɛ wɛ ma nyi Jwifu lɛ ă ɖé sin ă tɛn tɛn.
27
Na Mawu nunyɛntɔ lɔ ɖokpo dɔgé, gbɔn Jezu-Klisi ji, tɔn nyi gigo tɛgbɛ tɛgbɛ. Amɛn.