¹ A nasɔ kasyatin sɔblo agba xe ji e nɔsavɔ te ɖenyi akpaxwe untɔnlɛ bi naɖo gaɖiɖimɛ ɖokpo unkunmɛ akpaxwe agatɔnlɛ nanyi nujlɛkpo awe kufan bɔ jiyiyi untɔn nanyi nujlɛkpo ɖokpo kufan ² A nablo agbalɔ bɔ e naɖo azo ɖo azgwe enɛlɛ ɖokpoɖokpo ji azolɛ natɔn ganji bɔ azojilɛ kpo agbalɔ kpo nanɔ ɖokpo unkunmɛ bɔ ana kɔn gan vɛɛ do e ³ A nasɔ ganvɛɛ sɔblo nuxe e nɔzan ɖo agbalɔ kɔnlɛ ɖe binyi agban xemɛ afinfin nanɔ kɔndolɛ ɖe, pɛlilɛ , agbanlɛ , ganfɔlɛ , kpo nuxemɛ e nɔflɔ zanlinkpɔn myɔ dolɛ ɖe kpo ⁴ A nablo ganvɛɛ sin ganja ɖokpo na vɔsagbalɔ bonablo ganvɛɛ sin alɔgan enɛ ɖo ganjalɔ sin azo enɛlɛji ⁵ A nasɔ ganjalɔ sɔɖo vɔsagbalɔ glɔ bɔ jiyiyi untɔn nawa atɛntɛn na vɔsagbalɔ ⁶ A na kpa kasyakpogaa awe bɔ e nanɔ sɔ ze vɔsagbalɔ nyi bona kɔn gan vɛɛ dewu ⁷ E nasɔ kpogaalɛ dogbɔn alɔganlɛ sin alinmɛ ɖo vɔsagbalɔ sin akpaxwe awelɛ bɔ e nanɔ sɔ ze vɔsagbalɔ nyi ⁸ A nasɔ agbowungblo sɔ blo vɔsagbalɔ nyi bɔ nuɖe kana nɔ xomɛ na ɛ ă bɔ e nasɔgbe xɛ naxe un doxlɛwe xwe pɛpɛpɛ ɖo solɔji ɖe ⁹ A naɖo kɔxo lilɛdo xɔlɔ bonasɔ avɔlunkan xe dɛ gaanji ɖe sɔ lilɛ do e Avɔ xe e nasɔ lilɛdo kɔxolɔ ɖe gaɖiɖi untɔn nanyi nujlɛkpo kanɖewo 50 ɖo xɔlɔ sin afɔlingbe ¹⁰ E nasin avɔlɛ ɖo dotin ko wu bɔ dotinlɛ ɖokpoɖokpo naflɛn afɔ ɖokpo ɖokpo ji ganvɛɛ wɛ e nasɔblo dotinlɛ kpo afɔlɛ kpo nyi ganvɛɛ keewɛ e nasɔblo aklɛn xe ɖo dotinlɛ wulɛ kpo gankpo xe e nasɔ hɛn dotinlɛ nyi ɖe kpo nyi ¹¹ ɖo mawusɛnxɔlɔ sin talingbe lɔ avɔ xe e nasɔgba mawusɛnxɔlɔ nyi ɖe sin gaɖiɖi nanyi nujlɛkpo kanɖewo bɔ e nasiin gbɔn alɔkpa ɖokpolɔ aklɛnlɛ kpo gankpolɛ kpolɔ ganvɛɛwɛ e sɔblo yee nyi ¹² Avɔ xe e nado ɖo gblogblotɛn Mawusɛnxɔlɔ tɔn sin hweyixɔ kpaji ɖe nanyi nujlɛkpo ko atɔɔn 25 Dotinlɔwu wɛ e nasin avɔlɔ do bɔ dotin ɖokpoɖokpo naflɛn anyi ɖo afɔ ɖokpo ɖokpo ji aklɛnlɛ kpo ganlɛ kpolɔ ganvɛɛ wɛ e sɔ blo yeenyi ¹³ Xwelɔ sin agbodenu xe kpan hwezɛtɛn kpaji ɖe nanyi nujlɛkpo ko atɔɔn ¹⁴ Avɔ xe e nasɔɖo aɖisixwe na agbodenu hɔnlɔ tɔn ɖe nanyi nujlɛkpo canwe kufan bɔ dotinlɛ nanyi atɔn bonaɖo afɔ ɖokpo ɖokpo ¹⁵ Mɔha kee lɔ avɔ xe e nasɔɖo agbodenu hɔnlɔ tɔn ɖo amyɔxwe ɖe nablo nujlɛkpo canwe ku fan bɔ dotinlɛ nanyi atɔn bonaɖo afɔ ɖokpoɖokpo ¹⁶ Avɔlunkan xe dɛ ganji ɖe wɛ nanyi avɔ xe a nasɔɖo agbodenu hɔnlɔ nu ɖe Avɔ xe a nasɔ gbo xɔlɔ mɛnyi ɖe nablo nujlɛkpo wo 10 bonanyi amamu , vɛɛ , kpo vɛɛ , cɛcɛlɔ kpo bɔ avɔkotɔlɛ nako e e naɖo dotin enɛ bɔ bi naɖo afɔ ɖokpoɖokpo ¹⁷ E nasɔ subugan sɔblo gankpo xenahɛn dotin xe e dodo lilɛdo kɔxolɔ lɛ ɖe nyi subugan wɛ e nasɔblo aklɛn yetɔnlɛ nyi bo nasɔ ganvɛɛ sɔblo afɔ untɔnlɛ nyi ¹⁸ Gaɖiɖimɛ kɔxolɔ tɔn nanyi nujlɛkpo kanɖewo 50 gblogblomɛ untɔn nanyi nujlɛkpo ko atɔɔn 25 Avɔlɔ sin jiyiyi nanyi nujlɛkpo awe adaɖe Avɔlunkan xe dɛ ganji ɖe wɛ nalun avɔlɛ Afɔ xeji dotinlɛ naflɛn ɖe nanyi ganvɛɛ ¹⁹ Ganvɛɛ wɛ nablo nuzinzan xɔlɔmɛ tɔnlɛ bi Ganvɛɛ wɛnablo mawusɛnxɔlɔ sin kɔxo kpo xɔmɛ kpo sin azolɛ bi nyi ²⁰ A naɖɔ na Izlayɛlivilɛ ɖɔ : ye nahɛn olivu sin ami aku aku lɔ wa nawe Ami nɛlɔ wɛ mina kɔnɖo kanlingbɛnlɛ mɛ bɔ kanlingbɛnlɛ naɖo tita ganxixolɛ bimɛ ²¹ Alɔɔn kpo vyɔlɛ kpo nanɔ wlebona kanlingbɛnlɛ ɖo mawusɛnxɔlɔ mɛ ɖo xɔmɛgbovɔlɔ gido ɖo vɔsagbalɔ nukɔn kanlingbɛnlɛ naɖo tita zan kpo kle kpo Izlayɛlivilɛ ɖo nanyi sɛn nɛlɛ kaka sɔhɛnyi sin jijimɛ sɔhɛnyi jijimɛT