¹ Kplékplémɛ Izlayɛli ví lɛ́ tɔn bi tɔn sín Elimu, bo wa jɛ sinu ɖo zogbe lɔ́ jí, tó xe ɖo Elimu kpó Sinayii kpó tɛntɛn, ɖo sun awegɔ̀ɔ sín azán afɔ́tɔ́n gɔ́ɔ hwenu. Xe ye tɔn sín Ejipu ɖé. ² Bɔ kplékplémɛ Izlayɛli ví lɛ́ tɔ́n hunnu nú ɖo Mɔyizi kpó Aalɔn kpó wúɖo zogbe lɔ́ jí. ³ Izlayɛli vi lɛ́ ɖɔ nà yé ɖɔmɔɖé: hwenu xéna mi mɔ xá dó lanzɛn bonɔ ɖu bɔ xóto nɔ gɔ́ miɖo Ejipu ɖé, é nyí Mawu mavɔmavɔ ko hu mi ganɛmɛ wɛ bé ényɔ́ hú. Ɖó mi kplan mi wa zogbe xe ɔ jí bo ná jó mi agbɛtɔ́ gbógbó xé lɛ́ dó bɔ mi ná kú xovɛkú. ⁴ Mawu mavɔmavɔ ka ɖɔ ná Mɔyizi ɖɔmɔɖé: ɖotó bo se. Un ná bló bɔ nuɖúɖú ná ja kɔn nyi anyigbá ná mi sín jixwésín. Togun lɔ́ ná nɔ́ tɔ́n bo& ná bɛ́ xé ná sui gbeɖokpó ɖé, nɛ ma ɖó dó e kpɔ́n bóná kpɔ́n ɖɔ éná zinzɔnlin ɖó sɛ́n cé jí alo éwo. ⁵ Azán ayizɛn gɔ́ɔ gbe lɔ́, mi ná bɛ́ xe mi nɔ bɛ́ ayihɔngbé ayihɔngbe ɖé donu awebó ná ɖa gblɛngbé. ⁶ Mɔyizi kpó Aalɔn kpó ɖɔ ná Izlayɛli ví ɖɔmɔɖe yé gbadanu wɛ mi nà nywɛ nyi dɔ Mawu mavɔmavɔ wɛ kplan mi tɔn sín tóxo Ejipu tɔn mɛ. ⁷ Bɔ é jɛ zanflunɔ, mi ná mɔ ná xe Mawu mavɔmavɔ ná dó nuwukpiké untɔn xlɛ mi, ɖó ese hunnu hunnu mitɔ lɛ̀ sín Mawu mavɔmavɔ wú, ɖó nokɛ milɛ̀ ɔ nyí, bɔ mi ná hunnú nu ɖó mi lɛ wú? ⁸ Mɔyizi ɖɔmɔɖé: Mawu mavɔmavɔ nà nà mi lan yé gbadanu bɔ mi ná ɖu, bɔ é jɛ sɔ́ zanflún bé é ná ná mi nuɖúɖú bɔ mi ná ɖú bɔ xóto ná gɔ́ mi, ɖó Mawu mavɔmavɔ se nu xe mi hunnu bo ɖɔ sin wú lɛ́ ɖé; ɖó amɛ nɔkɛ mi lɛ́ ɔ́ nyí? Mi lɛ́ wú kɛ́ mi hunnu nú ɖó a, Mawu mavɔmavɔ wú wɛ mi hunnu nú ɖó. ⁹ Mɔyizi ɖɔ nà Aalɔn ɖɔmɔɖé: nɛ ɖɔ nà Izlayɛliví lɛ́ ɖɔ: Mi wá Mawu mavɔmavɔ nukɔn, ɖó é se hunnú hunnú mitɔn lɛ́ ɖɔ sín wú ɖé. ¹⁰ Hwenu xe Aalɔn ɖo xó ɖɔ ná Izlayɛli ví lɛ́ ɖé ɔ, ye lilɛ́ nukumɛ yetɔn kpan zogbe, mi kpɔn, súsú Mawu mavɔmavɔ tɔn jɛn wɛ zé ɖo azizɔ mɛ. ¹¹ Mawu mavɔmavɔ ɖɔ ná Mɔyizi ɖɔmɔɖé: ¹² Un se nu xe Izlayɛli ví lɛ́ hunnú ɖɔ́ ɖé. Ɖɔ nà yé ɖɔ éjɛ yé gbadanu ɔ mi nà ɖu lan bɔsɔ zanflúnɔ mi ná ɖu kpɔnnɔ́ bɔ xóto mitɔn ná gɔ́: Nɛ ɔ gbɔn nuwiwá ce lɛ́ mɛ ɔ mi ná nywɛ nyi ɖɔ nyɛ wɛ nyi Mawu mavɔmavɔ mitɔn. ¹³ Xé gbadanu lɔ́ sú ɖé, káyi wá jɛ ɖo fixe ye ɖó sɔ́nu ɖó ɖé, xená éjɛ zanflún ɖé, ahún sú lɛ́ dó fi xe ye ɖó sɔ́nu te ɖé. ¹⁴ Xená ahún lɔ́ gbadó ɖe, nú ɖi atínkun ɖɔhun ɖé kpé fi bisese, bo wé ɖi akɛ́n jí ɖɔhun ɖo anyigbá lɔ́ bi jí. ¹⁵ Izlayɛli ví lɛ́ glokpɔ́n kaka, bó nɔ kanbyɔ yé ɖéké lɛ́ ɖɔ, nɔkɛ nyi xe? Ɖo ye ka nyɔ́ nu xé wɛ ɖé a. Mɔyizi ka ɖɔ nà yé ɖɔmɔɖé kpɔnnɔ xe Mawu mavɔmavɔ ná mì bɔ mi na ɖu ɖé wɛ. ¹⁶ Nu xe Mawu mavɔmavɔ dɔ e nɛ bló ɖé ɖie: amɛ ɖokpó ɖokpó ɖo mi mɛ nɛ bɛ́ xe ná kpé ɖuɖu nɛ ɖé, lita enɛ wɛ ɖokpó dokpó ná ná bɛ́ ɖo amɛ nemú xé do goxɔ untɔn mɛ ɖé kanta nu. ¹⁷ Izlayɛlivi lɛ́ bló mɔha; bɔ amɛ ɖélɛ súsú bɔ amɛ ɖé bɛ́ kpɛɖé. ¹⁸ Nɛ gidómɛ ɔ è wa jlɛ ɛ kpɔ́n. Amɛ xe bɛ̀ súsú ɖé ɖekpékpé e gá a. Ame ɖokpó ɖokpó bɛ́ xe ná kpé ɖuɖu nɛ ɖé. ¹⁹ Mɔyizi ɖɔ ná Izlayɛli ví lɛ́ ɖɔmɔɖé sí ɔ: Nɔkpɔ́n amɛ ɖé ná sɔ nuɖúɖú lɔ́ ɖe ɖanyi ná sɔ zanflún bo. ²⁰ Ye ká ɖó tó xó xé Mɔyizi ɖɔ ɖé a, bɔ amɛ ɖée sín nuɖúdú kpo jɛ zanflún; Vɔ lo bɔ wanvú ká byɔ ɛ me, bɔ é gblé. Mɔyizi ka sin xomɛ dó yé amɛ nɛ lɛ́. ²¹ Zanflún tɛ́gbɛ ɔ, amɛ ɖokpó ɖokpó nɔ bɛ̀ nuɖuɖú xe éná ɖu bɔ é nákpé e ɖé, bɔ enyi hwevɔ́ hun bɔ awufyɛ gbɛ́ ɔ, nuɖúɖú xe kpo ɖo kɔmɛ ɖo anyigbá ɖe nɔ́ lolo. ²² Azán anyizɛn gɔ́ɔ gbé ɔ, ye bɛ́ xe ye nɔ́ bɛ́ sán ɖé do awe, lita cantɔ́n ná amɛ ɖokpó. Amɛ xe ɖo nukɔn nà kplékplémɛ yetɔn lɛ́ ɖé wá dɔnu xe amɛ lɛ́ bló ɖé ná Mɔyizi. ²³ Mɔyizi ka ɖɔ ná ɖɔmɔɖé: Mɔ wɛ Mawu mavɔmavɔ ɖɔ sɔ́ wɛ nyi gbɔjɛ zán, azán xee ɖe ɖó vo ná Mawu mavɔmavɔ ɖé; mi ɖa nu xe miɖó ná ɖá ɖé, bó fyɛ asin ná nu xe mi ɖó ná fyɛ́ asin ná ɖé, bo sɔ xé kpo ɖé hwlá jɛ sɔ́ zanflún. ²⁴ Ye jódó jɛ zanflúnná xe mɔyizi ɖɔ e nɛ bló gbɔnɛ ɖé bɔ nɛ ɔ ká gblé ba a bɔ e ká jí wanvú baa. ²⁵ Mɔyizi ɖɔ nà yé ɖɔmɔdé: Miɖui yé, ɖó gbɔjɛzán Mawu mavɔmavɔ tɔn wɛ nyi yé, mi ká ɖo nuɖé na mɔ́ bɛ́ yé a. ²⁶ Azán anyizɛn wɛ mina nɔ́ bɛ́ xɔ́. Vɔ́ɔ azań canwe gɔ́ɔ xe nyi gbɔjɛzán ɖé ɔ, éká ná tiin a. ²⁷ Azán cánwe gɔ́ɔ gbéɔ, amɛ kun awe ɖé ɖo togun lɔ́ mɛ bo tɔ́n bó gbé bɔ ye ká mɔ a. ²⁸ Dinɔ Mawu mavɔmavɔ ɖɔ ná Mɔyizi ɖɔmɔɖé: Kaka jɛ hwetɛnú wɛmi nà gbɛ́ nu xe un ɖɔ lɛ́ ɖé blóbló kaka jɛ hwetɛnú wɛmi ná gbɛ́ sɛ́n ce lɛ́ nyi nyi? ²⁹ Mi nywɛ nyi ɖɔ mi ná gbɔ́jɛ́ wútú wɛ un ná gbɔ́jɛ́zán mi nu xe nútú nun nɔ́ ná nu xe mi ná ɖú ɖé azán ae tɔn mi ɖo azán anyizɛn gɔ́ɔ gbe. Ame ɖokpó ɖokpó ne nɔ atɛn untɔn mɛ, nɔkpɔ́n amɛ ɖe ná tɔ́n sin fi xe e te ɖé ɖo azán cánwe gɔ́ɔ gbe bo. ³⁰ Bɔ togun lɔ́ nɔ́ gbɔ́jɛ́ azán canwe gɔ́ɔ gbe. ³¹ Izlayɛli ví lɛ́ ná nyikɔ nuɖúɖú nɛɖɔ mana. Eci atín xé enɔ ylɔ́ ɖɔ kolyandli ɖé kún ɖɔhun: É we, bɔ e vivi di kpɔ́nnɔ xe mɛ é dówiisi sín ɖé dɔhun. ³² Mɔyizi dɔmɔɖé: nú xe Mawu mavɔmavɔ ɖɔ enɛ bló ɖé ɖie: é ɖɔ́mɔɖé sí ɔ: Mi nɛ bɛ́ mana gɔ́ nu ɖokpó bó sɔ ɖɛ ná ví mitɔn lɛ́, nɛ ɔ ye ná mɔ kpɔ́nnɔ́ alɔkpa xe un na mi bɔ mi du do zogbejí, hwenu xe un ɖe mi tɔn sin Ejipu to mɛ ɖé. ³³ Bɔ Mɔyizi ɖɔ ná Aalɔ́n ɖɔmɔɖé: Nɛ sɔ́ zɛ́n ɖokpó, bo jlɛ́ mana amɛ ɖokpó tɔ́n démɛ, bo sɔ ɖó Mawu mavɔmavɔ nukɔn nɛ e ná kpewu nɔ anyi ná ví mitɔn lɛ́. ³⁴ Sɔgbɔn ale ale xe Mawu mavɔ ko ɖɔ gbɔnɛ ná Mɔyizi ɖé, Aalɔ́n sɔ zɛ́n lɔ́ ɖó alɛnunu ɖaka lɔ́ núkɔn nɛ e a kpewú nɔ anyi. ³⁵ Izlayɛli ví lɛ́ ɖu mana ná xwé kanɖé, cobó wá jɛ tó xe mɛ amɛ te ɖé mɛ; ye ɖo mana ɖu kaka bo wá tó kana tɔn dohwin nú. ³⁶ Mana xe nɔ kpé amɛ ɖokpó gbe ɖokpó ɖé yi lita enɛ mɔ bó nyí nu xe ye nɔ́ sɔ jlɛ nu nyí ɖe sín maɖówo.