¹ Yi ki méŋgbé la mékpɔ ɖɔla évé natré ɖé anyigba ki kɔna énéwoji yi élé éya popo énéawo lé anyigba ji bé éya ŋgbɔ polé anyigbaji lè apuméa, lé ati ɖé kpékpé méo. ² Yi mékpɔ ɖɔla bubua ɖé ké co éwé zépé gbana lé Mawu gbagbé ki nutrénu ɖé asi. lé ɖafa kiki égbé désiéré ni ɖɔla énéa wo kéwo hɔ égbé ɖasi bé awɔ vɔɛ ni anyigba kiki apù. ³ "Ŋgbɔ wɔ vɔɛ kiki anyigba o kiki apu o, kiki ati ɖékpékpé o vaséré gakémé miacɔ nutrénu adjési Mawu subɔla wo ki ŋgonu." ⁴ Mélé sé amé néné ké wocɔ nutrénu dojési yiŋu Akpé ɖéka blané vɔ éné yi wocɔ nutrénu dojési yiŋu yi wonyi Israël ki ɖukɔ vovo. ⁵ Yuda ki épomé la wodo jési amé akpé wuiévé. Ruben akpé wuiévé Gad akpé wuiévé. ⁶ Aser ki pomé akpé wuiévé, Néphali akpé wuiévé, Manassé akpé wuiévé. ⁷ Siméon akpé wuievé, Lévi akpé wuiévé Issaca Akpé wuiévé, ⁸ Zabulon akpé wuivé Joseph akpé wuiévé, Benjamin wodojési kplé nutrénu. ⁹ Yiki méŋgbé la mélé trɔ kpɔ yi mélé kpɔ amé ha gàa ɖé ké womateŋ ahlé o wo co duvovomé, pomé vovo womé améhawo kiki égbé vovo wo natré ɖe Efia zi ki kɔŋgbé kiki alévi wodo awu hié yi wolé éɖé baya ɖé wo ki alɔmé. ¹⁰ Yi wolé dafa sésiéɖé" ɖéɖé kpkpọ yi lé nyi mia ki Mawutɔ ké nanyi ɖé fia ziji kiki Alévi". ¹¹ Dolawo natré trɔdé fia zi nu, trɔ ɖé tagbé wo nu kiki amé gbagbé éné wo yi wolé bubɔ nɔ wo cɔ ta le tɔe lé fia zigbɔ wolé subɔ Mawu. ¹² Élé gblɔ bé: "Amen! kafukafu, ŋtikɔkɔé, nunya, ɖɔwɔwɔ, aménuvévé, bubu, ŋusé adawɔwɔ yenyi mia ki mawu tɔ eŋyi mavɔ. Amen" ¹³ Yi tagbé ɖika lé biam: " Amékala woé ɖo awu hié wo gana woco?" ¹⁴ Mélé ɖo yiŋu nɛ bé: "wawoényi amékéwo doco fukpékpé mé wonya wo ki awuwo wofu tititi lé alévi ki éhuamé. ¹⁵ Éyataï wolé Mawu ki fia zi ki ŋkumé yi wolé subɔɛ ŋkéké kiki éza mé lé cɔci hɔmé améké nanyi ɖéfia zìji akéké agbaɖɔ ɖé woji. ¹⁶ Édɔma wu wo yi écikɔ maléwo, ŋdɔ kusu ma léwo, zozo ma léwo. ¹⁷ Alévi kélé efia zi ki doŋdoŋmé anyi kplɔla ni mi yi akplɔ mi éci ŋtɔŋtɔ yi mawu atutu aɖaci sia daci lé woki ŋkuwomé."