ATCHAMADO_BEN-kef_act_text

Eta 13

¹ Fifi lè antioxosia ki Mawu xɔ mela nyagblodilawo, kiki nufialawo wólè, wonyi Banaba, Sèmèon (woyobe Niger) lukio kiki Kireteto, kiki Manahem (kè wonyi kiki Hèrodes jiɖula, kiki Saul). ² Gàkème wòlè subɔ apétɔla wolèblanu. Yi gbɔgbɔkokowè gblobe: Miɔn Banabas kiki Saul ɖèvɔ, bè wawɔ̀ dò kètà mèyɔ̀: ³ Kè woblanu yi dà̀gbèɖa wocòn asiɖè woji yi wódówo. ⁴ Yi Banabas kiki Saul óbu gbogbokowe yi Woyi Selikia. Hócɔlégan yi lile kripo. ⁵ Ke hòɖó Salami dagàme là wòkàkà Mawunya lè yudatowo ki hɔ̀mè. Jean Marc sùbɔ̀la lè wògbɔ̀. ⁶ Ke wòtò ile yiɖè pafo kòkpɔ̀ yudato kènyi ajiɖàdà nakàla, nyagbloɖila kèwoleyle Bar Yésu. ⁷ Èlè dumè ki jiɖulaɖègbɔ sergio poloyùcù nanyadè wòlèyobe Banabas kiki Saul wòlédibè yéwasè Mawunya. ⁸ Yi nakàlà ɛlima (sibè lèkè wodè yiki nyikɔ̀me). Hòcɔ̀ɖèhù yilèdibe yèwàtrɔ̀n amègàwo kisùsù cɔ̀ xɔsèlamè. ⁹ Yi Saul kèwolè yobè Paul yɔ̀ kiki gbɔgbɔ kòkòwè lè ŋùku déji. ¹⁰ Yi égblóbè: éhò àbùsan kivi èyɔ̀ kiki ajidada, nùvòwɔ̀wɔ̀, enyi nùnyuiɛ ki èkètɔ̀ wò matéxu àdàsilè Mawukinungui wò trɔ̀trɔ̀wuwa? ¹¹ Fifià kpɔ̀ Mawu ki àlɔn lèjiwò àtrɔn zi ŋùkùnɔ̀ wòmàgàkpɔ ŋùdòkusu nà gàpòpòɖé» Áhan kiki viviti jè Elima ji ziɖéka yi èbulèdokumè, èlèdi amèdè nèlédokumé, élédi améɖé nèle àsimè ni ya gi nèkplɔ̀yi. ¹² Kédumègàwo kpɔ̀ énuké jɔndéjila hóbubé Mawu nya la tènènègi. ¹³ Paul kiki Exlɔnwo dò ákrɔ̀ yide pafo yi hòdo perge li pamfilia. Yi Jean cɔ̀n lèwogbò gbòtrɔ̀yi Yérusalem. ¹⁴ Paul kiki exlɔ̀nwo hòcɔ̀lè page gi wogi antioxia le pisida yi woyidè ammèxòmè lè sabat ŋùkékéji, yi wonanyi lè kpɔ̀wo. ¹⁵ Lèsè kiki nyagblogblo di xlèxlènègbela hamè mògànxɔ wocɔn ègbèna gblobè nɔvinyèwo nè nùxlɔ̀menya alo xùsènya dè lè là migblɔ̀ ni tonyèwo. ¹⁶ Paul cɔhan yi éhùhù asi yigblobè Israèl ŋùcuwo miàkèwo lèbu Mawu midoto. ¹⁷ Israel dùkowo ki Mawu ècà miatogbèwo èna wojidèji ègàkème holé Egypte nyiglàji yi édéwo kiki yi ki àlon sésé. ¹⁸ Ékpowota lè èfè blànèmè lè ègbeji lèpè Blanemèla élébénɔwo lègbèji. ¹⁹ Ké wògbà dukɔ wàmàdrè vɔla lè kanan dumèla womà hoki anyijinuwo zi hoki domènyinuwo. ²⁰ Ènuwo kàtà lèjɔ̀ li éfè Blanèmè, Mawu na kojoɖotowo lè nuwo mègbe, kaka vado nyagbloɖila Samuel ji ²¹ Yi dukowo lèbià efia, yi Mawu cɔn Saul kis kivi ŋùcu nyi Benyamin pomè bè wonyi éfia éyé blane. ²² Èmègblèla Mawu lòxɔ̀ èfia lési yi èlacɔni David yi wanyi èfia. David Mawu lègblɔ: mèkpɔ̀ yi Isaǐ kivi bèlanyi amèke ji nye jiji, bè wàxɔ̀ nusiànu kè mèlèdi cɔn yigbɔ. ²³ Cɔ̀ ŋùcu kijijime Mawu cɔ̀n ɖélade va Israel, Yésu, sibe lexe édohigbé bé yéléwoɛ. ²⁴ Èjègɔme jɔjɔ gakème, kèkàfè Yésu nàvale, Jean lègblɔn jimè trɔntrɔn ki ècitàdodo ni Israel dùkɔwo. ²⁵ Gàkèmè Jean xùn yikidɔ̀vɔ yikidɔ̀ èlègblobe mibè bubé miamia mènyi? Nyè mènyiwo mièsè nyèmegbèla amèdè lava ke nye mèjèbe màtùtù afɔ̀nèwo, yita nyèmejebé matu nùvɔwo. ²⁶ Novinyèwo Abraham ki jijiméviwo amèkèwo lè sùbɔ, Mawu, miàwò dédékpɔkpɔ kinya làvàna. ²⁷ Amèkewo lè Yérusalem, yi woki éfiawo mènya amèkè kinya wolègblɔwo, yi wolèdrɔ̀nuwo lè sabat ki xlèxlèji. ²⁸ Womèkpɔ mɔn kéjitutu wónèhùlèla, woélébia cɔn Pilatogbɔbè lèxù. ²⁹ Ké wowu nukéwo kpàtàxa wohlɔ̀ndéhuvɔlà, wodé lé atilu yi wocɔ dadé yòdòme. ³⁰ Vɔ̀wa Mawu fɔwè cɔ̀ amékukuwodome. ³¹ Èdè edoku fiawo kiki améku yi Galélia Yérusalem. Amèxowo nyi dasèdilawo la dukɔwo. ³² Miàwo mièlè nyanyumèdè àsi dè yùgbèdodo ké wowo ni miatɔgbèwo. ³³ Mawu lè yiki dasé didi me ni miàwo èviwo gi fɔn Yésu cɔn kùkudome: Yita woxlɔn Psalomowo èvèliamè. Ènyi èninyè ègbè mètrɔn zi étɔnzi étɔnɔwo. ³⁴ Kè wofɔɛ cɔ kukùwòdomè yi àgàtrnyi ŋutila magblèmagblème. Egblobè lèkè mànàmi David ki yàyrà dèwo. ³⁵ Yi ègàgblolè psalmo déné: womànà èmon bè amèkokowè nakpɔgègèwo. ³⁶ Elabe David èkè èsubɔ̀ lè exantinu lè Mawu kilonkilonnula,, èdà àlon yi hodibe ètowa xà kèwomenya gblègblèwo. ³⁷ Yi amèkè Mawu fɔla menya gblègblèwo. ³⁸ Yitala nɔvinye ŋùcuwo minyebè cɔ amewaji wogblɔn nùvɔ cɔcɔké ki nya nimi. ³⁹ Cɔ̀ ya ji amési amè ke womalé cɔn épé nuvɔwo kè lè mose ki èsè nùlà wàcɔn kèe. ⁴⁰ èyata mikpɔnyɔdébé nyagblodiwo ki nyake wogblolà mègàvàmè o. ⁴¹ Mikpɔ mia amézulawo wonè lɔn mi yi ŋùkékéji. Nanɖèkè kèji miba kadè, nènyibe amède gblonimi . ⁴² Ke Paul kiki Banabas wogila dùkɔwo lèɖèkùkùnawo wonè gaglo nyakè ni yayèwo lè Sabat kè làgbɔvaji. ⁴³ Tàkpèkpè ki nùxuxu lè Mawu xɔmè yudatowo zugbɔ kiki trɔzubɔlawo kèwovɔ mawula je Paul, Banabas lèponunawo lèdoxun sèwo bè woleji kiki Mawu ki amènuvèvè. ⁴⁴ Sabat kétixa amègèdèwo lɔn bè yèwàsè apétɔn ki nya. ⁴⁵ Ké yudatɔwo kpɔ amè gbogbowo, àhun vava yɔ homé yi wole tovo dé ènyakè Paul lègblɔxun, yi wole zui. ⁴⁶ Yi Paul kiki Banabas wole ponu kiki anyikadi yi wolè gblobé èlè rèrèrèbè wonè gblon mawunya nimi kèlèkèlè. Mikpɔle miàwoya miligbe, mibè jéni agbè màvɔwo. Mikpɔ miàtrɔnyi trɔnsubɔlàwogbo. ⁴⁷ Yita milègbloni apétɔnbe nègblobè mèdɔ bè manye krèkrè na trɔsulɔlàwo; yi nàcɔn dèdè yidè anyigbà ki sèrèfèwo ⁴⁸ Kè trɔnsubɔlawo sènyala wokpɔ jijɔn yi wokafu Apètɔn kinyala Amègèdèwo kèwo ni agbèmàvɔ la wowésé ⁴⁹ Apètɔn kinya kàkàdé anyigbàkàtaji. ⁵⁰ Yi Yudatɔwo wolézu nyònuwo kèwolèjagbàgbàwa, hàsiwo sibe ŋùcù kpɔlàwo lè dùgàmè: yi wòcitreɖe Paul kiki Banabas, yi wocɔ̀n dadè èduwà ki mègbè. ⁵¹ Yi Paul kiki Banabas wotutu woki àfɔwo ki èkiè yi woyi icone ki dugàme. ⁵² Yi nusrɔlawo yɔ kiki jijɔn kiki gb̀gb̀kókowè.