¹ Pɔlu wu Timonté, fu lɔ ɛsɛ ɔgbawo ransɛ Jesu-kristi yé wa ilu Phillippo ya a sàju fù ijɔn ati diaci ya. ² Oro-ɔfɛ ati alafia kɔ wa wu yé, tidi plɔhùn bɔba wa ati oluwa wu Jesu-kristi. ³ Madupɛ fu ɔlɔhun mi, fu tɔ si yɛ tɛɛ. ⁴ Ngbakigban ma gbadua fu yɛ, ma seé wu inɔn kidɔn. ⁵ Ma dupɛ fu asopɔ yɛ inon oro-titi ɛjɛ akuse fu doni. ⁶ Yé damiloju ni ɛnɛye bɛsi isɛ irɛ ka da daro-dara ɔjɔ Jesu-kristi fu di ru. ⁷ Ɔ tɔ fu mi ni isi se bɛɛ fu nin, ndi kee moyɛ sisi lɔsɔ akan mi. Ɛjɛ ɛrin nan inu ore-ofe bɛɛ ni osiyan inu mi lati ndi ni gudugudu ɛni ipin inɔn ore-ofe ye ɔlɔhun fu mi isin ye mo wa lɛwan wu. ⁸ Ɔlɔhun jeri mi ni mo firan ye ki jigi ɔn i Kristi Jesu. ⁹ Ma gbadua ni ifɛ ko tiko lɔfukon inɔn inan wu ki kɔn ki yénin. ¹⁰ Magbadua ni kɛ man ikan yé sina péé. Ndi kɛ nan yé sé ayi doo. Ma bɛyé ndi ɛnin ko ma fu ijɔ Kristi sira. ¹¹ Ma gbadura so sin n kɛ kɔnfu isiso isɛ ye sian, ti n'di Jesu-kristi wa fu ɔgo iyin ɔlɔhun. ¹² Ɛnɛmian ma wo kɛni ikanyé de ba, mi ya. Osé ni isɛ oroni rere té té ndi mù lɛ. ¹³ O dié se gedé fu ɛnɛni wa lakabaà baàlɛ wu ɛnɛnin bɔyà ni ndi Kristi ni a mu mi si lɛwa. ¹⁴ Ɛ, fu kipɔ lɛ mejiin olugbagbɔ ninɔn oluwa man idi àamulɛ fa asù oronin rere. ¹⁵ Ɛnɛ bubɛ an waasu kristi n'di yé owu ya idi ye an fiyan asɔ ɛnɛ bubɔ yé waasu kristi idi oroni rere. ¹⁶ Ɛ ne bubɔya fira waasu Kristi a man ni a mu mi si mi idi ɛsɛ oronin réré. ¹⁷ Ɛnɛ bubɔya fafɔ kristi idi ikan yé an yi gba idi ɛni, idi an kan ka se ni iya mi kɔgbɔ lɔsɔ ɛwan ni. ¹⁸ A maàn opɛmi, lɔna kan abi lɔna omiin bo sé lɔsɔ itan ni a bi wu otitɔ ànù à san waasu kristi, ikan sé ni inɔn dɔn inɔn iko si dɔn bɛɛni. ¹⁹ Ma so ma ni ki tu mi silɛ ikonin di nipa adura yéya wu bɛni ɛ ko fu jɔɔ. Ɛmi Jesu Kristi. ²⁰ Bɛɛni igbɔkalé wu eriti mi ka di anɔn amààn ma gbé ekɔ Kristi lo ké ninu arami ati ki gboju inu igbagbɔ, bɛɛni ma gbéloke isiin mo ma ni Kristi iko gbe ara rɛ loké larani bo wùù ikù mi abi iyé mi. ²¹ Kristi ni iyé mi, wu iku ni iré mi. ²² Amààn osé ki lo fu isɛ mi fu ni iwa lara, ika tiko foni ma wo. ²³ Man kanju lapala méjéji: mo nin awu la ti lɔ wu ikiwa fu Kristi, ikan yé pɔ ni osian péé. ²⁴ Amààn ndi ɛyɛ ni osé dandan pée ni iya lara. ²⁵ O damiloju, ni mo ma ni ma ni ma wa wu fu iki wuu yɛ, fu ilɔsiwa ju yé fu ayɔ yɛ inu igbagbɔ. ²⁶ Ndi fu, lɛpa yɛɛ ma pada wa wa bayɛ, ɛyɛ ɛkɛ niin idi mi ki fu jɔɔ kan lati ɛyɛ fu to ogo inu Jesu Kristi. ²⁷ Yé sa jɛ géé ɛni, ɛrin bo oyɛ fu oronin rere ti Kristi idifu, abi iwahiɛ, abi imasé wa, ijɔɔ ifɔ fu yé ma wawùù dara dara inɔn ɛmi. Kansoso, ki jo-ogu nɔn na ara fu igbagbɔ inu ori nin rere. ²⁸ Layé si ɛyɛ ikajɔɔ ikan kan ko dojo seyɛ lɛpa ija koya, ikan fu yɛ ki yɛɛ isu bu yɛ wo, amaàn fu igbala yɛ. ²⁹ Wu ye sé ti n'di ti ɔlɔhun, osé yɛ ni oré-ɔfɛ, yɔɔ tɔɔsi Kristi, ko seni jéé ni kɛ gbagbɔ ninu ɛ, amààn siin ki jiya fu ù. ³⁰ I ki ti ogu kan yɛ ɛyɛ eyi iralɔwɔ, wu fu ɛyɛ lati kɔn isin ni fu mati ɛ lɛhin.