¹ Isɛ̌n ɔyɛ̌ ni ka sɔ̌ ara wà nidi onikan kɔman dibɔ n'nɔn iléri yé ànséfu yɛ kofù lu n'nɔn kimi ɔlɔ̌hun. ² N'di yé àntǐ kéde ironyi iré yé fu wa wu fu ɛyɛ gbó. Ama ɛnɛ yé ya ankɔ gbagbɔ̌ anka tiko jérée afɔ yé, bɛɛ̌ni ɛnɛ yé ya sé akansó n'nɔn igbagbɔ ɛ gbo angbuan ɛ. ³ N'di bɛ, awa yé agbagbɔ ɛ, awa géé ni akà lulɔ n'nɔn kimi yɛ, fu yé oni:<< Bɛɛ̌ni mobura n'nɔn ibinon ɛmi ɛ, anka wɔ ninɔn isimi mi. Wu bɛ̌ɛ isɛ̌ ɔwɔ ya bɛɛ si n'kipé ayé. ⁴ ɔ̌fafɔ̌ ɛjɛ ti ɛ̌kéjé n'dikan ni; :<< ɔlɔ̌hun ka sisɛ̌ ɛjɛ ékéjé. ⁵ Afɔ soósɛn ni:<< anka wɔ layé layé n'nɔn isimi mi. ^{6 7} Amasé ni ɛnɛ yé anpé ni Josua ofu yan l'isimiri, ɔlɔhun kiman fafɔ̌ ti ɔjɔ ɔmɔ̌nró. ^{8 9} Ndi bɛɛ ǐsimi ɔmɔ̌n wa sisi fu ɔman ɔlɔ̌hun ya. ¹⁰ N'di ni ɛnɛ yé wɔ lisimǐ ɔlɔ̌hun, ɔwɔ lisimi isɛ̌ ɔwɔɛ yan, bɛɛni ɔlɔhun gbo mǐ n'nɔ̌n ɛ. ¹¹ Ka ya ara wa ni katiko wɔ ninɔ̌n isimi yɛ, ndi onikan kɔman ji n'n'ɔn ayi gbuan yé àn nɛ. ¹² N'di yé afɔ ɔlɔhun ni iyé, ɔ̌lagbàrà ni nko tiko guɛ bɛɛni isɛn a lanù méji, ni aà pin ɛmi wu ɔya. Otiko àdà isée wa yan man. ¹³ ɛ̃daàlayé kan koduku luwaju ɔlɔ̌hun. Aman nkan gudugudu wa n'gbangba wu lewoówo luwaju ɛnɛ̌ yé akà sakɔ̌nta fu ɛ. ¹⁴ N'di yé ɔjɛ ni anɛ̌n ɔgaàn arubɔ yan gbo ɔgba oké ɔrun kɔja ɛ, Jesus ɔman ɔlɔ̌hun ni ka ki igbagbɔ wa gbani. ¹⁵ N'di yé ɔjɛni akɔnɛ ɔgaàn arubɔ yé katiko ran wà lɔwɔ n'nɔn ayi lé arawa aman anɛn onikan gbo nkotiko n'di yé ɔjɛ ni kosé ɛ̌lɛ̌sɛ. ¹⁶ Kà sótómà angbéle oré ɔfɛ wu idaju n'di latiko yi aànɔn wu oré ɔfɛ gba fu ran onian ya lɔwɔ n'gba yé ɔyɛ̌ ɛ.