¹ Hakalia bijua Nehemi maama togida. nani min den ye Suse yaa ŋmaalo niini,Pelisa bado Alitakiselisesi bali binpiiliedi binli, ² Hanani wan yua n tie n kpiibi siiga yendo leni nitoaba den ñani Juda diema ki cua. n den bualiba jufinba, yaaba n den faabi leni ti yonbidi ki den gua ki kpeni Jelusalema laabaalo po. ³ Bi den ye nni: yaa nubi n den sieni leni yaaba n den ñani ti yonbidi nni , ki gua ki kpena Jelusalema diema nni, yee li po leni falaciamo leni ifee kandi ke, Jelusalema bilinciamu mo mumudi , ke mifantama bolini u bulñoana kuli. ⁴ Min den gbadi laa bonli kuli,n den kali ki buudi, dana boncianla n den ye lipaboanli miñoalolima ki jandi ki mia Utienu wani yua n ye tanpoli. ⁵ Ki yedi O: O Limiali Diedo tanpoli Tienu, Fini yua n yaba ki go pia i jeje, Fini yua n tiendi ŋan den bili yaa ŋantaado ki go pia mininñingbadima yaaba n bua ŋa kuli po, ki go kubi ŋa balimaama. ⁶ ŋan cengi nni a nuni mo n ñoanli : cengi a naacemo n jandi ki miadi ŋa yaala u naa yogunu po. yensiinu leni kuni ñiagu ti miadi ŋa, a naacenba Isalele bila po. ti doagidi ti tuonbiadi a nintuali tinba isalelenba bila . kelima ti tieni ti tuonbiadi mini leni n baadiegu nni yaaba. ⁷ Ti tudi ŋa po, tii go den ŋoadi a balimaama,ŋan den teni yaama a naacenmo Musa. ⁸ ŋan tiadi ke a den puogi a naacenmo Musa wan yediti li ne: i yaa tieni ti tuonbiadi n baa yadiyi i nilanboali siiga . ⁹ Ama i yaa lebidi ki guani n kani, ki ŋoadi n bali maama ki go tieni man n yedi mama, baa yi yaa yadi ki ban kali u tinbianu nni, n baa taani ki guani yaa kaanu ke n yeli ciagidi ye li kani. ¹⁰ Bi tie a naacenba leni a nuba , ban yaaba ke a daa ki faabiba leni a paalu , leni a nu paaliciamu. ¹¹ Aa ! O Diedo, ŋan faami ki cengi a naacemo jaandi leni yaaba n bua ki fangi a yeli : teni ke mini a naacemo sanu n pendi. ki pao a seli ke wan baa ki nunmanga o bado nintuali. laa yogunu po, n den tie yua n tendi o bado o bonñokaala.