¹ U Tienu n doagidi ki maadi yaala Ninife dogu po. Elikosi yua Nahumi sawali puama tili nni. ² Li Miali Diedo tie yaa Tienu N pia li nunponli ki tuugi li panli, li Miali Diedo tuugi li panli, O pabienli bia boncianla. Li Miali Diedo tuugi li panli O koankoandi n kaaba, O kan tieni sugili O yibalinba po. ³ Li Miali Diedo pali ki fiidi tontoni, O Paciamu naa pia bianu, O kan nuanli ti tuonbiadi daano nani waa tieni tagili baa kuli O yen cuo li daano. Li Miali Diedo cuoni ku tafanciangu nni, leni o finfinjua nni; Atawala mo tie O taana tangungu. ⁴ O fu leni mi ñinciama ki teni ke mi ñuudi ki kuodi cain. O teni ke i kpeni kuli ñuudi; Basana leni Kalimeli tiidi kuli mali, Libani puuma moko mali. ⁵ A Joana yen digibi O nuntuali, a Joabila mo yen wudi ki nandi, ki tingi yen digibi O nuntuali, ki yen digibi leni yaaba ye ki nii nni kuli. ⁶ ŋme n ba fidi ki sedi O pabienli nni? O pali yaa beni ŋme n baa fidi ki fi ki sedi O nintuali. O pabienli yen co ki yadi nani mi fantama yeni, a joatana mo yen pudi ki yadi O nintuali. ⁷ Li Miali Diedo tie yua ŋani, O tie wuonkaanu li pabiili daali; O bani yaaba n dugi O po. ⁸ Ama O baa teni a ñinguona n bolini u dogu, O baa ŋuadi ki teli O yibalinba ki kuani ba li bigili nni. ⁹ Yi kpagi be ya bonbiadile Li Miali Diedo po? Wani n baa bolini. O baa bolini cebi yema. ¹⁰ Kelima bi baa gali gali nani ti konkondi yeni nani yaaba ñuni mi daama ki gaadi yeni, bi kuli baa buodi cain nani ti moakuondi yeni. ¹¹ Yi siiga ñani yua n den jagi yaali n bia li Miali po, o pia a yantiabiada. ¹² Li Miali Diedo maadi ki yedi: ba leni ban pia u fidu ki go yaba, bi baa ciedi bi kuli ban bodi cain. N baa fiaga mola nne, lan tie min da go faa fiagi ŋa. ¹³ Moala n baa koa yaa nakpakpadidagu ke yi yibalinba faligidi yi n baa cie ban loli yi leni yaala. ¹⁴ Diidi Li Miali Diedo n jagi yi po yaala: Yi kan go baa yaa puoliŋuani n baa kubi yi yela ŋan da bodi. n baa bolini yi buli yii ke yi kpiedi bi yin duadi yi; n baa gbidi yi kula kelima yii pia fuoma ba kuli.