¹ Lanwani danyenli UTienu bila den cua ki sedi Li Miali Diedo nintuali, ke Sutaani moko den cua bi siiga ki sedi Li Miali Diedo nintuali. ² Li Miali Diedo den den buali Sutaani:A nan ñani le yo? Sutaani den goani ki yedi Li Miali Diedo: n daali guadi n goada ki gaandi ki lindi ki tinga nni. ³ Li Miali Diedo den yedi Sutaani: a faami ki laa n naacemo Joba? waa pia kuli lie ki tingi po; o tie papiendaano ki go tiegi mo, ki pia U Tienu fangili, waa go tiendi yaala n bia. o se o teginmi nni, kaa mo tudi nni ki bua ki ñiani o miali fanma fanma. ⁴ Sutaani den goa ki yedi Li Miali Diedo: gbangu n paa gbangu! o nisaali n pia yaala kuli o baa teni la o miali po. ⁵ Ama ŋan tandi a nu ki sii o gbanandi leni o kpaba ki le, n bani cain ke o baa li teli ki sugi ŋa a nunbu nni. ⁶ Li Miali Diedo den yedi sutaani n ŋa o a nu nni a ma ŋan da sii o miali. ⁷ Lan wani Sutaani den fuadi Li Miali Diedo nintuali. o den luni Joba po yaa gbansoama n bia boncianla, ki cili o taafaadi ki ban doni hali o yuli siiga. ⁸ Joba den kali mi fantanpienma nni ki taa li tanciaciali ki kpiadi oba. ⁹ O bua den yedi o: A li baa se a papienli nni! soli U Tienu ki yuandi ki kpe! ¹⁰ Ama Joba den goa ki yedi o: A maadi nani yaa pua n ki pia yama yeni. bee!gandi U Tienu kaani li bonŋanla, naani ki kan go gaa yaala bia wani? lan kuli yaa nii nni Joba naa den ki den tieni ti tuonbiadi o maama nni. ¹¹ Joba den pia danlinba bonba taa, lan tie Elifasa,Temana diema yua, Bilidada Sua diema yua, leni Tisofala, Naama diema yua, bi den gbadi yaa yebiadima n den baa o. bi juogi bi ñiali nni ki den ñani bi denpo ki gedi ki ban mua o po ki go baagi o! ¹² Ban den ye fuagima bi den nuanli o, baa den bandi o, bi den yugidi bi niali ki mua, ki den cuo bi liadi ciandi ki padi padi, ki wuliti bi yula po mi tama. ¹³ Bi den kali leni o tiipo dana lele leni ñiadi lele, ke o baa kuli ki den yaadi o ñoabu ki maadi leni o kelima ban den nua o fala n yaaba ki kandi maama.