¹ Jama kulu margu batama bambata ra danga boro follon noodin hari me jine. I ne Ezra, hantumka se, a ma kande Musa asariya tira, kan Rabbi lordi Israyila izey se. ² Alfaga beero Ezra binde kande asariya tira jama kulu jine, marga ra gonda alboro yan nda wayboro yan nda boro kulu kan ga hin ga faham. Jiiro handu iyyanta zaari sintina. ³ Ezra caw tira ra zaa susubay kala zaaro gama ra batama bambata din ra kan go haro me jine, alborey nda wayborey nda boro kulu kan yan ga hin ga faham jine. Jama kulu mo hangan asariya tira cawyaŋo se. ⁴ Ezra, hantumka, go ga kay beene jama kulu jine, bundu tita kuuku fo boŋ, kan i te marga din hinne maa ga. A jare ga, a kambe ŋwaro ga, gono ga kay Matatiya, Sema, Anaya, Uriya, Halciya nda Maseya, a kambe wa ga mo Pedaya, Misayel, Malciya, Hassum, Hasbadana, Zakariya nda Mesullam. ⁵ Ezra na tira feeri jama kulu moyzey jine, zama a go ga kay bora kulu se beene, waato kan a na feeri, jama kulu tun ga kay. ⁶ Ezra na Rabbi Irkoy albarkandi, Koy beero, jama kulu mo na kambe sambu ga tu ga ne: '' Amin, Amin, Amin! '' Wodin banda, Israyila izey sombu ga sujudu Rabbi Irkoy jine. ⁷ Ga no i tun ga kay, lawitey mo kan ga ti Yesuwa, Bani, Serebiya, yamin, Akkub, Sabetay, Hodiya, Maseya, Kelita, Azariya, Yozabad, Hanan nda Pelaya sintin ga asariya cawandi i se. ⁸ I go ga Irkoy asariya tira caw a ma bori,ga a feeri, ga a fasara mo mate kan cine boro kulu ga hin ga faham. ⁹ Alwaato kan jama maa asariyey sanney, i kulu sintin ga hẽ, wadin sabbey se, Nehemiya kan ga ti mayray koyo, alfa Ezra kan ga ti asariya cawandika, nda lawitey kan gono ga tira fasara ne borey kulu se :" Hano wo Irkoy hannanta, aran koyo wane no. manti londi buney nda hẽni wane no." Kan se bora kulu hẽ alwaato kan i maa asariya sanney. ¹⁰ Kulu Nehemiya ne i se :" wa sobay, aran ma maani ŋwa aran ma han yu , boro kan sinda mo haykan a ga soola, aran mã samba a se, zama zaaro wo, zaari hanno no iri Rabbo se, bine hassaraw ma si aran di, zama Rabbi farhã ga ti aran gaabo. ¹¹ Yadin no Lawitey te ga jama kulu dangandi ga ne :" Wa dangey, zama hunkuna zaari hannante no, bine hassaraw ma si aran di; ¹² Jama kulu mo ngey ka yan te, ga du ga ŋwa, ga du ga han, ga gomni samba, i'na bine-kaaney batu beeri te, zama i farhã da sanney kan yan i fasara i se. ¹³ Zari hinkanta, jama kulu kaayey windey jine borey, Alfagey, lawitey, ka ga goy Ezra Katimka do, ga du ga maa lordey faama. ¹⁴ I du hantumante, asariya kan Rabbi noo Musa se, kan i hima ga goro tanda yan cire handu iyye batu date ¹⁵ I hma ga baaru wane wo fee i kwarey kul ra nda Urusalima ra, ga ne :" wa fatta ga koy tondi kuuko boŋ ga kande zeytun kambeyaŋ, saji zeytun kambeyaŋ, nda tuurey kan kobtey ga tafay wane hamney, ga tanda yan cina, mate kan i na hantum nda. ¹⁶ A binde jama koy ga tuuray kambey nga ngey tanda yan cina, boro kulu nga nongo ra, ngey batama ra, Irkoy windo batama ra, fili beero ra hari meyo me jine nda Ifrayima meyo me jine. ¹⁷ jama kulu kan ka ga fun tamtaray ra na tanda yan te ga bafunay ira mo. Zaa Yesuwa, Nun izo, alwaatey ga ka zaaro wo, Israyila izey man batu wane cina te, binde i bine-kaaniyo beeri gumo. ¹⁸ Ezra gono ga caw Irkoy tira ra zaari kulu, zaa zaari sintina kal zaari kokoranta. Jirbi iyye nda care game ra i na bine-kaanay batu te, binde i na marga hannanta te jirbi hakkuanta hane, mate kan i na lordi nda.