¹ Ay man me-daabirjey bundey sinji jina kan Samballat, Tobiya,Gesem laarabo da iri ibarey du laabari kan ay na kosara cina, kan kottimi me kulu man cindi. ² Kala Samballat nda Gesem donton ga ne ay se :" kaa Ono gooru wayey fo ra, iri ma saawara care bande." I soola i ma taali te ay se. ³ Ay mo na diyayaŋ donton da tuuyaŋo wo :" Ay gonda goy beeri kan ay go te, yaadin ga ay si hin ga ka, goyo no ga kay Waati kan ay dira ga koy aran do. ⁴ Hala sorro taaci, i go no ga hay follonka te ay se, ay mo goono ga i no tuuyan follonka. ⁵ Sorro guwanta ga, Samballat na wasika sanba ay se nga goytero do haray, kan kande tira ferante nga kamba ra. ⁶ I hantum tira din ra ga ne: sanno go dumi cinday do, Gesem mo go ga ne kan nin da Yahudancey aran gonda murteyan milla, woodin se no ni go ga ye ga kosara cina. I go ne mo kan ni ga ciya i se bonkooni, ⁷ kan ni na ba annabiyan gorandi kan ga nan i ma feeyan wane te ni boŋ ga ne:" Yahuda du bonkooni" Sohõ binde wane kulu ga to bonkoono do. Yaadin ga ma ka iri ma saawara care bande." ⁸ Ay mo na tuuyaŋo wo te Samballat se :" hayo kan n'i ci si no, nin no go ga'a laasabu ga ci." ⁹ borey kulu baa ngey ma iri hamburandi, i go no ga ne moo :" i ga can hina, gaa no goyo si te." Sohõ, yaa Irkoy, ay gabandi. ¹⁰ Ay tun ga koy Semeya, Delaya izo Mehetabel ize, kwara. A na nga boŋ daabu, a ne moo :" I ma koy care bande Irkoy windo ra, Irkoy fuwo bindora, iri ma fuwo-meyey daabu; zama i go kaa ngey ma ni si, ciini mo ni i go ga ni wi." ¹¹ Ay tu ga ne :" alboro,sande a cine, ma zuru! Da mo may no sanda ay gan ka furo Irkoy fuwo ra, ga ye ga baafunay ? Ay si furo" ¹² Ay du ga faham mo kan manti Irkoy no na'a donton amma a go annabitaray te ay bon zama Samballat nda Tobiya na nooru no a se. ¹³ Kan i hin boŋo, i go ga milla ay ma hamburu , ga'a sanney gana ga du ga zunubi te, ga ngey ma du fondo ga ay mã sara, ga ay daabu nda hawi haari. ¹⁴ Yaa ay irkoyo ma fongu Samballat, nda Tobiya, nda mo i teegoyey ga. Ma fongu mo annabi Nowadiya gaa, nda annabi cinday kan yan ceci ga ay hamburandi. ¹⁵ Kosara cinaro ban Elul handora jirbi waranka cindi guwanta, jirbi wangu cindi-hinka nda care game. ¹⁶ Alwaato kan iri ibarey du laabaro, dumay kulu kan yan go ga iri windi too da hamburkomay, i maa hawi beeri, i yarda mo kan iri irkoyo bayo ra goyo din too nga me. ¹⁷ Alwaato din ra mo, Yahuda dottije yan go no kan alwaati ga ka alwaati, ga tira yan hantum Tobiya se, kan yan ga du mo Tobiya tire yan. ¹⁸ zamã Yahuda boro boobo gonda zee yan ngay nday game, zamã Sekaniya, Ara izo, anzoura no, a ize aro Yehohayan mo na Mesullam Bereciya izo, ize way hiijĩ. ¹⁹ Ay jine i ga ba hari hanno ci a bon, ay sanney mo, i ma i sambu ga kondey a se. Tobiya go ga tira yan samba ga du ga ay hamburandi.