¹ Guna ay ga ay diyawo donton, a ga ay fonda soola ay jine. Sahadin no Rabbi kan aran goono ga ceci ga furo nga sududuyan fuwora; nda alkawlo diya kan aran go ga maa a kaani gumu, guna a go ga kaa, yadin no Rabbi kundey ci. ² May no ga hin a kaayon zaaro? may no ga hin watin kan a ga bangey? zama a ga cia danga zam danji cine, danga nyuneko saafun cine. ³ A ga goro mo ka nzarfu soogu ga hannandi; a ga Lawi izey hannandi, a ga i hannandi danga mate kan i ga wura nda nzarfu hannandi, I sargayan saale Rabbi se kan to nda adiltarey. ⁴ Waati din ga no Yahuda sargayey da Ursalima waney ga cia hari kaano Rabbi se, sanda waato jirbey ra da za don jirbey cine. ⁵ Ay ga maanu aran ciito se, ay ga waasi ga ciite te Zimmey nda zina-terey se, nda ngey kan yan gaze tangari bon, ndaa ngey kan yan ga goy-ize alhako gayi, nda ngey kan yan ga weyboro kan kurney bu da alatuumi kankam, nda ngey kan yan ga taali te yaw se, i si hamburu ay mo," yadin no Rabbi kundey koyo ci. ⁶ Zama ay, Kundey koyo, Ay si baarmey bo; aran mo Yacuba izey i mana aran halaci. ⁷ Za aran Baabey waate, aran kamba ka mooru ay sanney, aran mana i gana. Wa baarkaye-ka kaa ay do, ay mo ga ye aran do, ya no kundey koyo ci. Aran go ga ne : "Ifo ga no iri ga hima ga ye ga kaa?" ⁸ Boro ga Irkoy halli wala? zama aran gono gay halli, Aran gono ga ne man harey no iri gono ga ni halli? Aran zakkey nda noyaney do harey. ⁹ Aran ya laala hariyan no, zama aran dumo kulu aran gono gay laali. ¹⁰ Wa kaande aran zakkey kulu ka jisi nango ra hala nwaari ma te ay windo ra. Aran ma si ya din cine sohon, kala hala ay si beene meyo fiti aran se, ya albarka zumandi aran se hala aran ma jan nangu kan ga jisi. ¹¹ Aran sabbey se, ay ga deeni anwaara ga,nga mo si laabo dumi-izey halaci, aran tuuri nyaney mo si jan ize i alwato ra, ya no kundey koyo ci. ¹² Dumey kulu mo ga ne aran se farhanteyan, zama aran laabo ga cia laabu albarkante, ya no kundey koyo ci. ¹³ Aran go ga connamey sanni salan a se, ya no Kundey koyo ci. Aran ma ne mo :"Ifo no iri ci ni bon?" ¹⁴ Aran go ga ne : "Yamo no boro may Irkoy se, nafa fo no iri du a lordey ganayan ra, ka dira mo bine sarey-ra kundey koyo sabey se?" ¹⁵ Sohon binde iri ga ne bonberey koyey se farhanteyan, oho, boro laaley go ga zaada, oho, iga Irkoy si, i ga yaana mo. ¹⁶ Waato din ga borey kan yan humburu Rabbi salan care se, Kundey koyo ga jeeri ka hangan, kala i na fongandiyan tira fo hatum a jine, borey kan yan ga hamburu Kundey koyo, kan ga maa beerandi. ¹⁷ I ga cia a wane yan, ya no kundey koyo ci, I ga te ay woneyan zaro kan ay go ga soola din ra, ay ga bakar i se, danga mate kan boro ga bakar ize kan ga may se. ¹⁸ Aran ga di mo fayanka kan go adilante da bora lalo game ra, boro kan ga may Irkoy se nda wokan si may Irkoy se,