¹ Irkoy sanno kaa Malaki do Israyla izey se. Rabbi ne: ² "I baa aran," Amma aran ne : " Man ga no ni baa iri?" Rabbi ne: "Isuwa manti Yacuba beere no? Ay ba Yacuba, ³ I konna Isuwa. Ay na tondi kuukey nan koonu nda mo ay na tubo no sajo zoney se. ⁴ Nda Edom ne: "Iri Halaci, ir ga ye ga haliciyanhon hanse!" Rabbi kundey koyo salan ka ne: "Da i na cina, ay ga zeeri, nda mo i ga ne i se laabu kan ga laala, i ga ne i boranyan kan Rabbi futu i se hala abada." ⁵ Aran moyey ga dia, nda mo aran ga ne: " Rabbi beera bisa Israyla hirrey gaa." ⁶ Ize ga nga baaba beerandi, bannya mo nga koyo. Dey ay ho baaba no, mana ga beera kan ay ga hima nda? wala day ya koy no, man ga humburkuma kan i ga di ay gaa? Rabbi kundey koyo ne aran Alfagey se, kan yan go ga ay maa sara. Kan go ga ne: " Ifo ga no iri na ni maa sara? ⁷ Aran na nwari-yan sarga kan si hanane ay sargey feema bon, aran mo ga ga ne: " Man ga no iri na ni zibandi? kan aran go ga ne: " Rabbi taablo doodacarey hari no." ⁸ Da aran Alman kan daana wi ka sarga, manti hari laalo no wodin bo? wala da aran leebante, wala simbarante sarga, wondin manti laala no bo? to don ma ka sarga ni mayreykoyo se ka di hala a ga ni makaanandi, wala a ga ni taa mo? Yadin no Rabbi kundey koyo ci. ⁹ Sohon binde wa nawrey Irkoy gaa a ma bakar iri se! aran do mo no wodin ga fun: " A ga aran taa wala?" ya din no Rabbi kundey koyo ci. ¹⁰ Aran ra may no ga i fuwey mayey daabu kan ga nan aran ma si danji diyandi yaamo a sargey feema bon? Ay si maa aran kaani, yadin no Rabbi kundey koyo ci, ay si sargey taa aran kambey ra, i si kaanu ay se." ¹¹ Zama za wayna funuyan kala a kanyan, ay maa gonda beeray dumi cindey game ra. Nangu kulu i ga Duggu, nad sargey hanante yan salle a maa sabbey se. Yadin no zama ay maa ga beeri dumi cindey game ra. yadin Rabbi kondey koyo ci. ¹² Amma aran na ziibandi ka ne: " Rabbi tablo ziibi, a nwaro mo kan a kande ciya dondacaray hari. ¹³ Aran ne :" Farga fo dumi no woone? " aran dooda se no." Yadin no Rabbi kundey koyo ci. Koyne aran kande ayey kan aran kome yan din da gaabi, da alman kan ga simbar, nda wo kan zanyey. Wodin dumi yan no aran goono ga kande ga sarga. Ay ga wodin yan taa aran kambey ra wala? Yadin no Rabbi ci. ¹⁴ Amma laalante no moydabla teekwa kan gonda nga almane aru nga almane kwuro ra, day a na almane yaamo sarga Irkoy se, Zama ay ya bonkoni beeri no, ya no rabbi kundey kulu koyo ci, ay maayo mo ga humburandi ndunia kulu ra.