¹ Baŋono na basɔlo"Gaius" nsɔlɔ ɩja ni ma. ² A ma sɔlɔ ka, ntɩ nyiŋɔ na shee ki alafɩya a ɖa shee a kʋlɔ na a kɩ nŋro. ³ Aɖɩwa ɩsana amʋ a shee ɩja nɖee bɛrɛ ba na la waa ʋti kʋn ma. ⁴ Alɩheerɩ shee amʋ nveŋe waa anba pi ba tɩ sava n'ɩja lan. ⁵ Ama sɔlɔka n'tɩ lə ɩja shee a tə bepɩ naa ba Sara ma. ⁶ Be ɖe ba ti pii na le ʋnyiŋu kaŋku ni ʋwuɖa shee bɛrɛ ma.Naa Gaja ga sɔlɔma. ⁷ Aɖɩwa iyɩɖa ɖee lan na ba ɖʋwɔ, baa ma tʋwa akɔɖen nbaɖe kəbayɔ Gaja ma sulu na. ⁸ Naa gəm kə bɛrɛ ba sim ka gɩ naa cam, naa gɩ lee batən leeja n'ija lan a shee pi. ⁹ Nŋɔm gubɔ shee ʋnyiŋu kaŋku,ama"diotrəfes' a sɔlɔ ma ka tʋro na ¹⁰ Nta tɩ kpa, ntəba lɩgə ntənbonɔ nɖe a lee ma. ¹¹ Ama sɔlɔ ka paa doo ɩbɔnɔ na.Berɛ nbe ɖee ba na le nbɔnɔ ma na a ma nbe ɖee ba na lee nsono ma.Arɛ ɖee ana le nsono ma aɖa Gaja kʋnyɩca lam na nɖee a na le nbono ma ka ɖa Gaja kʋnyiɩa lam na. ¹² Demetrius aŋne serɩya aŋnunɩ nija kanɖi laa atəm boo giti laa serɩya aɖɩwa anyim boo iyɔ waa a ta serɩya a lee ija ni. ¹³ Tam ɖe nceba ŋɔn gʋbɔ ni ma, nyʋɖa bʋle tʋʋtʋʋ ma ma le ma ¹⁴ Wʋɖa nɩya ntə ma pɩ atɩ jeɖe aki asəla ɩshile.Kasa gʋtɩ təŋɔ a tə bawor naa lə bʋle. ¹⁵ Ntɩ nyɩŋɔ Gaja gata ki lafia.atə basorotɩ a kə baja batɩ sala kɩ.