¹ Yéhowa nyɔ́n lə di nə Mika, Moréschettɔ, lə Jothan, Achaz, Ezéchias, Juda gamə, wolə nu nyɔ́nɖɛ dé Samaria kidé Jerusalem ji. ² Mi, dukɔwo sééé! Anyígban, kidə́ ənukə́o ləjàó sééé na ɖoto! Axótɔ Yehowa nyi ənutoho kpɔ́tɔ kə có dé miaŋu, Axótɔ kələ yə kɔkɔ nyin nyin fiɔ duxómə! ³ Ǝnu kedɔ́a mikpɔ, Yéhowa lə dólə yə nɔxo, ilə di izɔ́n gbɔnɔ́n lə anyigban ətoho yijiwó. ⁴ Ǝtówó lə gbán lə ŋkɔnə, gbajaxówo lə yido, sigbənə ənu dami lə əzo ŋkɔ ənə, sigbənə əci lə lə sra lə gbajajia. ⁵ Ǝnu baɖa nawo séé ləjo Yakob kidə Israyel xə nuvɔ̀n wogbɔ! Nukeinyi Yakob əvɔdada? Samaria iáŋi? Nukeinyi yuda ətoxó yijiwo? Yérusalem ianyia? ⁶ Mana Samaria du azún əkpə bowo, lələfi wóá lə do vɛ́ɛ́nwo lə; Macɔ́ əkpə́áwo isaŋ dankpiide axumə, mana yi ŋɖékin kanɔ tutu wo ŋúó. ⁷ Woá gban xəti kpakpawo sééé, iwóa tɔ́zo yə fentu xoɖu xoduwó, malɔ yə voduwó: wo xɔ́wó kidə́ matələ́ hówo, iwoagbə trɔzɔ́n matələ hɔənuwo. ⁸ Ǝnu kədɔ́i ŋka lə fańvi, ŋka lə fánkóé, ŋkazɔ́n amán afɔ gbalé, i xalə daxa sigbə avugbɛ, kide náotómə əgbɔ̀n gbɔ̀n. ⁹ Yə vəvə səsə kəkəiyi kəkə yuda, kəkə ivaɖó ti dukɔ́à yə hɔ́nnu, kəkəva Yərusalɛm. ¹⁰ Mika nui lə Gath, Mika fánvi lə Acco! ma bribɔ lə futukomələ Beth Leaphra. ¹¹ Schaphir ədukɔwo na zɔ́nlé nán aman lə ŋkpən mə! Tsaanan ədukɔ́à ŋdolə vəvə səsəmə kələ Beth Haëtsel kewo yán milə wo xɔmə. ¹² Maroth ədukɔa lə vɔ́nvɔ́n nə wo ɖəɖə kpɔkpɔ, ənu kədɔ́à báɖá co Yéhowa gbɔ wo kəkə ivajə Yérusalɛm yə xɔ́xɔ́nu. ¹³ Lekishtɔwo, midéka əsɔ́àwo də ahua unawoŋu! Ənukədɔ̀à əwoiyi nyɔ̀nrúnvi kələ kələtɔ nə ziɔ̀n yə nuvɔn gaŋgan, ənukədɔ̀à wokpɔ Israɛl nuvɔnwo lə məó. ¹⁴ Akrancólə Maréschet-Gath; ənukədɔ̀a Aczib xɔwó Anyi anyi vixó əjɔjɔxo nə Israɛl yə fiɔwo. ¹⁵ Majɔ́ ənukpra amətɔ ɖəka vanə Maréscha dukɔ́à; Mawu əkpun mə acɔlə Israɛl kəkəiyi adullam. ¹⁶ Xrɔtɔɖaji, lə əviwo rɔnrɔntɔwota! ənukədɔ́a wókaxí lələ́xo diŋdin ləgbɔwo, tɔta nabəbə sigbə ákrasútɔ!