ATCHAMADO_BEN-aug_ezr_text

Ǝta 1

¹ Cyrus yə́ xo kə́lə́-kə́lə́, Persia fiɔ, gbɔ̀xó nə́ enyɔn kə Àxótɔ́ nú tó Yèrémìàn yə̀ numə nán vá mə án, Àxótɔ́á nyɔn Cyrus, Persía fiɔ yə́ gbɔngbɔn, kə nán í wó wɔ enyɔn kaka lə nu mə kídə́ ənú ŋɔŋrɔn lə̀ fiɔ dua kə́ŋ́kə́ŋ́ mə: ² Cyrus lə xonu bə́, Persia wo fiɔ: Àxótɔ́, jìŋkoríwó Mawu, cɔ́ anyìngbánjí yə́ fiɔ ɖuxó wó kə́ŋ́kə́ŋ́ un, í ì dɔŋ bə́ mán tu àxó nə́ye də́ Jérusalem lə yùdéà. ³ Mɛɛ́n í lə mian mə ínyín yə́ dukɔ́mə tɔ́? Hùn yə́ Mawu nán nɛn kídée, í nə́ à gbɔyi Jérusalem lə yúdà nə́ à tu Àxótɔ́ yə́ xɔ, Israël yə́ Mawu! Yə́ í nyin Mawu kə lə Jérusalem àn. ⁴ Lə àfísíàfí kə Àxótɔ́ yə́ dukɔ́ kpɛtíáwó nɔnɔán, ləə́nan tɔ́wó á vá náwó ə̀ho, ciká, ə̀hònú vòvòvòwó, əran àfɔnəwó, kídə́ ənú nánán fàà wo nə́ Mawu yə́ xómə kə lə Yə̀rúsalɛ́m an. ⁵ Yúdà yə́ xomə tatɔ́wó kídə́ Bɛnjamɛn tɔwó, vɔ̀sátɔ́wó kídə́ Léwùì tɔ́wó, aməsíámə kə Mawu nyɔn gbɔ̀ngbɔ̀n nə̀wó, wó cóíyi bə yəwóáyi í vɛ tu Àxótɔ́ yə́ xɔ lə Yə̀rúsalɛ́m. ⁶ Wó mə kə xixrá də́ wó kpə́də́ wóŋún kídə́ ə̀hogawó, ciká, kídə ənúnánán vovòvòwo, əran àfɔnəwó, kidə́ ənú xɔ̀àfiwó, gbə kpée ənú nánán fààwo. ⁷ Ǝ̀fiɔ Cyrarus trɔ́ Àxótɔ́á yə́ xómənu zánzánwó, kə Nrbucadnetsar lɔ́ có Yərusalem lə yə́ Mawu xɔmə wó sə́ ná. ⁸ Cyrus, Persia fiɔ, lɔ́wó do tó Mithredath, ə̀hojíkpɔ́tɔ́, kə cɔ́ wó sə́ ná Scheschbatsar yúdà fiɔví. ⁹ Hɛ̀nhrɛ̀nmə̀àn kə̀: Ciká ayáwá ə̀gbàn, ə̀hoga ayáwá kotokú ɖə́ká əwúí yéyé əwuiìvɔàsíɖèkɛ́, ¹⁰ Ciká kɔ́fu ə̀gbàn ə̀hoga kɔ́fu kawó ámənə kídə́ áməwó tòtòmə̀ ámə̀və̀àtɔ́, ənú zánzán bú kotokú ɖə́ká. ¹¹ Cikánúwó kídə́ ə̀hoganúwó kə́ŋkə́ŋ́ wó hɛnhrɛnmə nyín kotokú ámàtɔ́n kídə́ alɔfán ámənə. Scheschbatsar, kə wó trɔ́ có lə̀lə́xóá.