¹ Lə́ əxòtɔn yé ŋgbə́ kə Jojakin Juda tò wò fìɔ̀ kprɔ̀ ədua à, Nebucadnetsar, Babylone tówó fíɔá, códə̀ Jerusalem ŋ́, í gbɛn. ² Axòtɔ́ cò Jojakin də̀ asi nɛn kide yé nuɖanu ɖəwó lə Mawu yé xómə, Nebucadnetsar có ənùɖanu à wó yi Schinear, í sə̀ yi yé Mawu (vodu) wò xò me. ³ Ǝfiɔ́ nón gbə̀ Aschpenaz yé mə càncàn bə nán kprɔ Israelviwò kə có əfiɔ xómə án. ⁴ Ɖəkɛ́jɛ́ kə́ ŋàn kpɔ̀kpɔ̀ ì yanŋnù kə̀ là kprɔ̀ amə wò, í là kprà chaldéen gbə̀ wò. ⁵ Ǝfiɔ̀ nán nə̀ wò ŋɖùɖù kə ì ɖu nɔn a kidé aha. Ǝjibə̀ yè à kprà wò nə̀ xòtɔ̀n nə̀ wóa tə̀ ŋ́ wɔ́ dɔ́ kídé. ⁶ Lə̀ wòmə̀ án, əcán Juda viwò, dòmɔ tɔ́ɖəwò. Daniel, Hanania, Mishaël kudo Azaria. ⁷ Càmi nán ŋkɔ́wó, Daniel tɔ̀bə̀ Beltschatsar, Hanania tɔ̀bə̀ schadrac, í Mischaël tɔ̀bə̀ Méschac, ì Azaria tɔ̀bə̀ Abed Nego. ⁸ Daniel ŋ̀ jíbə̀ yé àxoɖù yé ɖekíé lə̀ ə̀nù màkɔ̀ màkɔ̀ wò dúdú məo, í i ɖekùkù nə̀ wò kprɔ̀là bə ŋkà zi yé ji o. ⁹ Tó Mawu yé mənuvə̀və̀ mə àn, wó gán sə̀ yé kùkù ɖə̀ɖə̀. ¹⁰ Wògàn lə̀ nú nə̀ Daniel bə̀: ŋlə́ vɔ́nvɔ́n nə̀ Ǝfiɔ̀ bubu tɔ̀, ɖóbə́ əcɔ̀ ɔ̀nù kə hiàn nə̀mía wò seé ìn, í nə̀ ì vàkpɔ̀ bə̀? Kə̀ nyi ŋ́ lə wɔ̀ tiyan dɔ́ nyɔ́nygbi o nan é. ¹¹ Danie nùnə̀ amə kə̀ cɔ̀ nə̀ ŋ̀ɖúɖú nə̀ wò a bə̀: ¹² Nán nú nə̀ ŋé sùbɔ̀viwò bə, nán lə̀ nàn yé wò gbòmà kìdé əci ɖeɖə̀ yéwo kəkə̀ nə ŋkə̀kə̀ amé̀wò. ¹³ Nə̀ akpɔ̀ trɔ̀ trɔ̀ kə̀lə̀ yewò kídé amə kèlə̀ ɖù əfiɔ̀ yé ŋdùdù à wò nə̀ vovotòtò ɖə lé a nàn nù nə̀ é. ¹⁴ Wò jikpɔ̀là wɔ̀de ənù kəwò nù nə̀ a ji kə̀kə̀nə̀ ŋkə̀kə̀ amɛwo a. ¹⁵ Le ŋkɔkɔ amɔ̀wò à ŋgbə́á, wò ŋkùvimə ŋàn kpɔ̀kpɔ̀, í wò gbə̀ kpɔ̀ làn mɔ wú aməhələ̀ ɖú əfiɔǹ yé ŋdudu a wó. ¹⁶ Sùbɔ̀vi a cɔ̀ ŋ̀dudu kidiahàwo í lə̀nán wò gbomàn. ¹⁷ Mawu hún sùsù ɖekɛ́jɛ́ amənə̀ a wò: ənùnyan, ənùgɔmə sə̀sə̀ lə̀ əgbə̀ wo mə, í wo kpɔ ŋnú, í ɖənə̀ ədrɔ̀wó gɔmə. ¹⁸ Kə gamə̀ án sunàn, Càmi kprɔ̀ wó, í vɛ́ sə̀ disà nə̀ Nebucadnetsar. ¹⁹ Ǝfiɔ̀ ká asə ùn kidé wò, í lə̀ wònyɔ́n ŋ́ ɖóɖóa, Daniel Hamania,Mischaël kudo Azaria tóvo wo seéé, í wo zìm ənuɛ kplɔ̀kpɔ nə̀ aməwó lə̀ əfiɔ xomə. ²⁰ Nə̀ woa ɖə súsù, kídé ənukpràmɔ nyɔ́n wo a wó sɛnŋ wù màjiki wɔ̀tɔ́ wò kidé amə kə kpɔ̀ nə əcɔ́mə án wo à, kəwòlə̀ əfiɔ̀ xomə. ²¹ Nə̀ Daniel nɔ̀n agbe lə́ əxò kə̀lə̀ kə̀lɔ̀ tɔ̀ mə lə Cyrus yé hoénù à né̀.