¹ Axotɔ́wó, mi cɔ́ enu nyɔnŋgbi nɛ amǝxǝxrǝ wó kide emɔnjɔ́jɔ́jí. Mi nya be mia cao mi wɔ́ axatɔ ɗeka dé jiŋkori dɛ. ² Mi sɛnŋ le gbedodo ɗa mǝ. Mia nɔn aceji le egbedodoɗa wo mǝ kide amǝnuvévé wó me. ³ Mi nɔndu le gbedodoɗa nǝ mi, gbɔxo nǝ Mawu hun ehɔn deka nǝ ye nyɔn, nǝ mia le nu Kristo nyɔn ke le wawraxó. Cagbe enyɔn lá ŋnɔn cɛniomǝ. ⁴ Mi dogbeɗa nǝ ŋle nu Mawu ye nyɔn tiŋ susu mǝ na le kɔ. ⁵ Mi zɔn amǝ nyanu wó zɔnri de amǝ kele xixenu wó ne gamǝna sumi. ⁶ Mia nyɔ́ núnú ó na le nyi amǝnuvévé tɛgbɛ. Mia nyɔ wó na vivi sigbe wó ɗé ejemǝ gbɔxó nǝ mia te leɗo enyɔ un nǝ amǝsiamǝ deka-deka. ⁷ Nǝ enu desiaɗe ke kan un, Tychique a ɗisa nǝ mi. Enyi nɔnvi rɔnrɔntɔ deka, amǝ subɔvi dodo, amǝxǝxrǝ sigbe enyǝ le Mawu mǝ. ⁸ Ŋdɔɛ didá mia gbɔ nǝ mia se enyɔn kejɔ o le miagbɔ nǝ se do ŋsɛn mi. ⁹ Ŋdɔɛ kide onésime, mia nɔnvi kadeji kide rɔnrɔn le xɔseme, ké gbé nyi mia nɔnvi deka le mia mǝ. Wo a nú enu desiade ke jɔ́ lela nǝ mi. ¹⁰ Nɔn vi nyǝ gakpamǝtɔ, Aristarque lecimi, kide Marko kele nyi Barnabas ye nɔnvi(Kegbɔ́ mi xɔ́nǝ mia dódó wó có á, nǝ í va miagbɔa mia xɔɛ,) ¹¹ í́ Yesu ke wogbe wɔnɔn be Justus. Wo dekɛn í́ nyi Juifs ke wó cóvo nɔnwó le amǝ kélé wɔdɔwó kide ŋle Mawu ye fiɔduxómǝ. Wó nyi amǝ deka wó ke do ŋsɛn an. ¹² Epaphras le cimi. Enyi miá mǝ deká igbe nyi Yesu Kristo ye mǝ xexré. Ewɔ́ nǝ ahɔwa nǝmi le egbédódó da mǝ, gbɔxo nǝ mia nɔn Mawu mǝ kide kákádeji le Mawu ye jójro bribomǝ. ¹³ Ŋle nú deŋ, nǝmi ewɔnǝ edɔ sɛnŋ sɛnŋ nǝ laodicée tɔ́wó, kide Hiérapolis tɔ wó. ¹⁴ Edɔyɔtɔ Luka rɔnrɔntɔ kide Démas le cimi. ¹⁵ Mici mia nɔnviwó kele Laodicée, kide Nymphas, kide Mawu ye dexóxó kele ye xómǝa. ¹⁶ Nǝ wó hrun wema lá nǝ mian, mia gbe nanǝ wóá hrɛn le Mawu ye gbe doda xɔmǝ le Laodicée, í miagbe hrun wema kecó Laodicée cá. ¹⁷ Mi nunǝ Archippe, "Lebenǝ Mawu ye dɔ wɔ́xo kéxɔ le mia dádá simǝ gbɔ xonǝ naté wɔɛ de dódó nu." ¹⁸ Amǝ cici wema la le cotiŋ lɔmǝ nu ŋɔnŋrɔn enyǝ Pɔlu. Mi le doun tiŋ cɛni wo Mawu ye mǝnuveve na lɛ kide mi.