¹ Pɔlu, Yesu Kristo ye apostolo co Mawu ye jijí mǝ kide Timote mián nɔnvi, ² Nǝ xɔse tɔwo kide nɔviwo nyǝ ǝhamǝ vi kǝ le kolose a wo. Mawu mian dádá ye mǝ nuvǝvǝ kide ye ŋtifafa na nɔn mia jí. ³ Mi da akpǝ nǝ Mawu, mian xotɔ Yesu Kristo ye dádá, í le xoɗe nǝ mi tɛgbɛɛ. ⁴ Mi se wo xonu co mian xɔse un le Yesu Kristo mǝ, kide rɔnrɔn ke mi do ne amǝkǝ wo cɔ ɗe akpaɗeka ne Mawu a. ⁵ Ɍɔnrɔn na lǝ mia si cagbǝ kankan ɗeji kǝ wo kpaɗi dɛ ne mi le jiŋkoria. Mi sé wo xonu co kankandeji ina un le ⁶ Mawu ye nyɔn ke wó cɔ va ne mian. Mawu nyɔn hina cin ǝku í káká ɗe xixeamǝ. Ǝle cinku le mian cawo mǝ có gbǝkikǝ mi see mia Mawu ye amǝnuvǝvǝ le ǝnyɔn ɗoɗo nunu mǝ. ⁷ Ƴe inyi Mawu nyɔn ke Epaphra, mian subɔvi Mawu do cɔ tɔ rɔnrɔn tɔ, igbǝ nyi Kristo ye dɔ cɔvi wɔ ŋudodo mian tɔa nu ne mi. ⁸ Epaphra nu mian rɔnrɔn le gbɔngbɔn a mǝ nɛ mi. ⁹ Cagbǝ rɔnrɔn na tɔ yi co gbǝkikǝ mi se nyɔnhina mi ŋgbǝ ǝɗǝ xoxo de mia jí o. Migbǝ́ le biɔ co miagbɔ tɛgbɛɛ bǝ mian desi Mawu. Ƴe ǝnu jrojro le aɗaŋun jeje kide gbɔngbɔn mǝ nu gɔmǝ sǝsǝ. ¹⁰ Migbǝ kpɔtɔ ile xɔɗe bǝ mian zɔn nyɔngbi le mia xotɔ mǝ. Mi gbǝ le xóɗé bǝ mian cín ku le mián nu wɔ́wɔ́ dǝsiadǝ mǝ, í́ mian cí́ déjí le Mawu dedesi mǝ. ¹¹ Mi le xode í́ le ɗo mi egan le Mawu ye jidudu ŋunsɛn, ǝjí dodo kide vǝvǝ dodo nu mǝ. ¹² Mi le xode bǝ mia da akpe ne dada kǝ na bǝ mi du cinɔn ne xɔse le vovomǝ. ¹³ Ǝɗe mi cɔ zubru mǝ, í cɔ miɗe evia ke í rɔn ye fiɔɗuxo mǝ. ¹⁴ Co evia mǝ ye wocɔ miaŋ nu vɔɛn woke mi. ¹⁵ Ǝvi ke mi lǝ kpɔa ye inyi Mawu makpɔ-makpɔ ye kpɔri. Ƴe í wó jï kǝlele le ǝnu ɗesiade mǝ. ¹⁶ Tó ye ke jí iwo wɔ nu ɗesiaɗe le, jikori kide anyigban mǝ, ǝnu kpɔkpɔ kide enu makpɔkpɔwo. Ǝfiɔ zikpiń, bubu dédé, amǝ jí ɗudu alo fiɔ ɗudu ye ɗowoyi wo see nyi ye tɔ. ¹⁷ Ǝlɛ gbɔxo ǝnu a wo see va, í enua wo see le mǝ. ¹⁸ Ƴe inyi ǝta ne Mawu ye há. Ƴe inyi gɔmǝjǝjǝ kide amǝ je ŋkɔtɔ ke fɔn co amǝkuku womǝ. Ƴe tɔ inyi toxo kelekele tɔ le enu desiademǝ. ¹⁹ Ɗo ǝnyɔne Mawu bǝ yee nɔnɔ mǝ na nɔn evia mǝ. ²⁰ Ǝgbe nyɔn nɛ bǝ ya cɔ ǝnuwo see ne ǝvia. Mawu la trɔ fafa va coye hun ke kɔngi le ati soga un a mǝ. Mawu cɔ nuwo see seŋ cá le ye ŋuta mǝ, ǝnu kele jiŋkori kide ke le anyigban jí wo. ²¹ Miawo, ja deka mea mi nyi amǝjrɔwo ne Mawu, í mi nyi ye ketɔwo le susu kide ǝnu wɔwɔwo mǝ. ²² Ʋɔa í́fia ǝcɔ mí cá tó ye kukumǝ. Ǝwɛ be mian ŋti nakɔ, ne mia nyi amǝ kɔkɔwo le ye ŋkuvi mǝ. ²³ Ŋe mi sɛŋ ŋu le xɔse mǝ í mí ŋtrɔ le nyɔn ɗoɗo ŋgbǝ o. Mawu nyɔn dodoa inyi nyɔn dodo ke wo nu ne amǝsiamǝ le anyigban jí. Lela ye Mawu nyɔndodo ke jí ǝnyin Pɔlu ǝtó í trɔ zun Mawudɔ wɔtɔ. ²⁴ Ɨfia, ǝnu le vivi un le tiŋ ya ke ǝle du de mia ta mǝ. Ɨ ŋcɔ ǝnu ke kpɔtɔ le Kristo ye yadudu ne ye nti ran ke nyi Mawu haa ɗe tiŋ ran mǝ. ²⁵ Le Mawu há ná mǝ yi inyi mawudɔ wɔtɔ sigbe Mawu nta cɔun ne mi bǝ ma wɔ ɗe ye nyɔn jí. ²⁶ Lela yi enyɔndodo wawra ke wo se wra ɗe mi cɔ jijimǝ iseyí jijimǝa le. Vɔa ifiaa wo ɗe ɗo ne amǝ ke kandejia wo. ²⁷ Wawo í Mawu jí bǝ ye disa dodo de jí ye dɔku, kide nyɔ dodo wawla le jímaxɔse tɔ wo mǝ. Ŋe Kristo le mian mǝ dodo de ji gbɔnɔn. ²⁸ Ƴe gbɔfan ye mi ɗe ne mi. Mi biɔ co amǝsiamǝ gbɔ igbe le kpra amǝsiamǝ le nunyanya mǝ, ne mian teŋ disa amǝke kanɗe Kristo jí wo. ²⁹ Eagbe natɔ í ŋle wɔdɔ, í le wɔ avú kide ye ŋunsɛn ke le wɔ dɔ le tiŋ ran mǝ a.