¹ Mí nyábə́ nə́ míán nyígbán kǝ jí mí lǝ àgbǝ̀ lǝa crɔ̃n án, mí wɔ Mawu yə́ nɔnxó ɖɛ. Ama yə́lɔ ŋ'tu àxó ŋnan ò, vɔ̃à ə́nyí àxó mavɔa ɖə́ lǝ jiŋkorí. ² Ɖó lǝ àzàvà ŋna gɔmǝ án gbánɔ̃n hɛnhɛn i, lǝ hùùn ɖə́ɖǝmǝ bə́ wó cɔ̃n jiŋkorí xɔ nə́mi. ³ Mí lǝ jíü, ɖó nə́mí doeá, wó ná kpɔ̃mí lǝ amáamán ò. ⁴ Ɖó lǝ adòdó mǝan, nə́ mílǝ azava ŋna gɔmǝ án, mí gbánɔ̃n hɛnhɛn, milǝ sǝ vǝ̀və́ gánŋ'gán. Mí ŋjí bə́ míán nɔn amáamán ò. Kə́, mí jí bə́ míán dóonu, gbɔ̃xó nə́ agbǝ na mi ǝnú kǝ kúnɔ̃n án. ⁵ Amǝ kǝlǝ jramídó nə́ nǝnə́nú wóá í nyí Mawu, kǝ nánɔ̃n gbɔngbɔn kɔ̃kɔ̃ mí sigbǝ ǝ̀zǝ̀ də́də́ kǝ á vá váá ə́nə́. ⁶ Hùun, míán lǝ nɔn kàkádə́jí mǝ gàsíágàmǝ̀, míán nyɛɛn bə́ nə́ mílǝ ŋúntíranmǝ án, mí díŋsin də́ Mawu gbɔ̃. ⁷ Ɖo, mí lǝ zɔn lǝ xɔ̃sǝ̀ mǝí vɔ̃à ŋ'nyí ǝnúkpɔ̃kpɔ̃ mǝ ò. ⁸ Kə́ǝnə́, mí kádə́jí. Mí jíbə́ míán diŋdin də́ ŋúntíran í míán nɛn kídə́ Àxótɔá. ⁹ Í mícɔ̃ ŋna sə́ wɔ míán taɖójínú, nə́ ì nyì bə́ milǝ ŋúntíran ŋna mǝ nɔ̃nmí àfíbú, nə́ míán nyɔ̃n nɛn. ¹⁰ Ɖó míán wó sééé míán vá Cristo yə́ kojó zinkpin an ŋkɔ, gbɔ̃xó nə́ amǝ síámǝ ná tə́ŋún xɔ ǝnúkǝ wó jradódɛ lǝ ŋúntíramǝ nə́ ǝ̀nyɔɛn nɔ̃mí ǝ̀vɔɛn. ¹¹ Í, sigbǝ ì nya sìsí nə́ Àxótɔ̃ ɖóe a, mí nyíán ŋtaŋta, íŋ'jí bə́ yə́mə́ nákɔ lǝ míán jímǝnyányá wó mǝ. ¹² Mí ŋ'lǝ tǝǝkpɔ̃ bə́ míán zíndə́ mían jí zǝ̀ɖǝ̀ká dǝjí ò bǝ wóá cɔɔ̃ɖǝ lǝmǝ nə́mí və́və́ɖə́ ò. Kə́ boŋ' mí námi ǝnyɔn jɔjɔ bǝ ǝ̀jì na lǝ jɔmi də́ míán ŋún, bə́ nə́ mían wɔ ɖòŋ'tí ɖɛ nə́ amǝkǝ kíkə́nə́ wó ɖə́kiwó càgbǝ ǝnú kǝ nɔnɔn gànàgànà wo,vɔ̃à ŋ'nyí də́ ǝnú kǝ lǝ jìmǝ̀wò ŋún í ò. ¹³ Í nə́ì nyì bə́ ǝ̀tagbɔ̃ ŋ' sɔgbǝ̀ nǝ̀mí án, Mawu tɔí; í nə́ ǝ̀tagbɔ̃ lǝ wɔ̃dɔ̃ nə́ míán,mían tɔí. ¹⁴ Ɖó Kristo yə́ lɔnlɔn lǝ tutu mí, ǝnú kǝ náán míkádə́ ǝnúŋna jí; bə́ amǝ ɖə́ká kú də́ amǝsíámǝ ta í, càgbǝ ŋna tɔ, amǝsíámǝ kú ¹⁵ Í Kristo kú də́ amǝsíámǝ ta,kǝ̀ǝ̀ nyi ǝnə́ án amǝ kǝ lagbǝ̀ wòá ŋɖólá gbǝnɔn agbǝ nǝ wóŋtáwó ò, vɔ̃à nə́ amǝ kǝ kú í trɔ̃ fɔ̃n án. ¹⁶ Càgbǝ ŋna tɔá, có ə́gbají, míŋ' lǝ cɔ̃ nyɔn də́ amǝdə́ ŋún ò càgbǝ amǝ wó ŋunú nyányán mayi ŋkɔtɔ, có ɖə́cá xóxó mí kpɔ̃ Kristo dǝ arɔkpa ŋnan jí. Vɔ̃à, ífia míŋ lǝ cɔ̃nyɔn də́ amǝdə́ jí tó arɔkpa ŋna jí ò. ¹⁷ Kə́, nə́ amǝɖə́ lǝ Kristo mǝ án ə́ trɔ̃ zun ǝnú wɔwɔ yéyé. Ǝnú xóxó wó vá yí; kpɔ̃; wó trɔ zún nú yéyé. ¹⁸ Ǝnú ŋna wó kə́ŋkə́ŋ co Mawu gbɔ, ə́cɔ̃mí sə́ wɔ ɖǝ̀ká kidə́ yə́ ŋ'tá tó Kristo jí, íi n'a mí ɖǝ̀ká wɔwɔ yə́ dɔ. ¹⁹ Yə́ gɔmǝ í nyí bə́, Mawu lə́ cɔ̃ xíxə́á wɔ ɖǝ̀ká kidə́ ɖǝ̀ǝkía, kǝ ŋ' gbǝ lǝ cɔ̃ ǝ̀ɖǝ lǝ wó núvɔ̃ɛen wó jí ò. Ǝ́cɔ̃ ɖǝ̀ká wɔwɔ yə́ gbǝdáasí nə́mí. ²⁰ Kə́ wó cán mí sigbǝ Kristo yə́ tohó nɔntɔ̃ wó ǝnə́, sigbǝ Mawu lǝ wɔ yə́ yɔyɔ̃ tó míán jí ǝnə́. Mílǝ ɖǝ kúkú nə́ mí càgbǝ Kristo yə́ rɔnrɔn an tɔ, "mi wɔ ɖǝ̀ká kidə́ Mawu," ²¹ ə́cɔ̃ Kristo sə́ wɔ vɔ̃sá də́ míán núvɔ̃ɛn wó ta. Yə́ í nyí amǝ kǝ ŋ'wɔ núvɔɛn kpɔ̃á ò, ə́ wɔnə́ càgbǝ míán trɔ̃ zun Mawu yə́ sə́wɔwɔ lǝ yə́ŋ'tá mǝ.