¹ Pɔ̀lù, Yesu kristo yǝ́mǝdɔdɔ tó Mawu yɔ́ jiji nu, kidǝ́ Tomote mian nɔnvi nǝ́ Mawu hà kǝlǝ korɛntià kidé nɔ́ xɔ̀sǝ̀tɔ́ kǝlǝ Achai yǝ́ nútomǝ wó ² Mawu mian dadá kidǝ mián xótɔ́ yesu kristo yǝ́ mǝnúvǝ́vǝ́ kidé yǝ́ ŋúntifáfá na nɔn mianji. ³ Wóá káfú Mawu mián xótɔ́ yesu kristo yǝ́ dadá yǝ́ inyi adɔnukpɔ́kpɔ́ kidé ǝ̀jifáfá yǝ́ Mawu ⁴ Mawu fánǝ́ji nǝ̀ mi lǝ mián ranmǝ kúkú wómǝ, càgbǝ mián cáwó́ mián tǝ́ŋún fáji nǝ amǝ karanmǝ kúwé mi fánǝ́ ji nǝ amǝɖèá wókidé jifáfá kǝ Mawu zán nǝ́ i safanǝ́ ji nǝ̀ miánwó cá. ⁵ Sigbǝ Yesu yǝ́ yaɖuɖuwó sùgbɔ càgbǝ miántɔ̀áá, nɛ̀nɛ́nkǝ́ mián jifáfá sugbɔ́ tó Yesu ji nɛn ⁶ Vɔ nɛ́ń rànmǝ̀ kú mian ́cagbǝ̀ mián jifáfá kiɖǝ́ miún xɔ́xɔ́ i; i nǝ́wó fáji nɛmi án, cagbǝ̀ mián jifáfá i, mián jifáfá lǝ̀ wɔdɔ̀ ŋ́táŋtá i, nɛ́n inyitǝ́ milǝ́ mán àyàɖùɖù ɖǝ́kɛ́ɛ̀ an wo lǝ̀ blɛwu wɔ̀wɔ̀mɛ̀n ⁷ I mián kàkádǝ́ miànji nyi ŋ́táŋtá.Minyábǝ́ sigbǝ̀ miɖunɛn àyàɖóèà, miɖóá xɔ̀ jifafa. ⁸ Ɖó miŋ́ jibǝ́ miàn nɔ̀n mànyá nànyámǝ̀ o, nɔ̀nviwó, có xaxákǝ̀mǝ̀ mitóváyi lǝ̀ Asia à.Misǝ̀vǝ́vǝ́ tó́mǝ̀ vayi man nɔnù, kǝ́kǝ́ miŋ́ nyábǝ́ miànɔ̀n agbǝo ⁹ Nyàwó ɖǝ́cá mijǝ̀ nɛn ǝkù yǝ́tódɔ̀ndɔ̀n vɔa cagbǝnɛ́n miŋ́káa kádǝ́ miáɖǝ́kiwó jio, vɔa dǝ́ Mawu kǝ̀ fɔ́nǝ́ amǝ̀có àmǝ̀kúkú womǝ̀àn ji. ¹⁰ ǝ́ɖǝ̀ mi lǝ̀̀ kpnɔamǝ yi kúmǝ́ i kpɔ̀tɔ̀gbǝ̀lǝ̀ xɔ́nǝ́mi.Mi kadéji bǝ́ àgbǝ̀vá xɔ̀ nǝ́mikǝ́. ¹¹ A wɔ̀̀nɔ́ gakǝ̀ mǝ̀ miànwò̀̀ cá milǝ̀ kpǝ́́dǝ́ miánŋún lǝ̀ ɖǝxòxò mǝ̀àn. Ga ŋ̀nàn mǝ̀ àmǝ̀ sugbɔ̀ lá vá dáakpǝ́ dǝ́ mián tà̀ cagbǝ̀ àmǝ̀nùvǝvǝ yǝ dɔmǝ nyɔ́nyɔ̀n kǝ̀ wò wɔ̀ nɛmi tó àmǝ̀sugbɔwò ɖǝ̀xòxò ji ¹² Ayǝtɛmi ilà ŋùn mian sǝ̀sǝ̀ lɔ jimǝ.ɖó ǝɖǝcɔ́lǝmǝ kidǝ̀ vǝvǝ̀dǝ̀dǝǝnu kǝ cù Mawu gbɔ̀ i misǝ̀ kprɔ̀ miaɖɔviwo lǝ xixǝamǝ.Mi wɔ ilá kidé mi koŋù-ŋnyi kidé anyi gbanji yǝ̀ ŋúnùnyanyawo vɔa tó Mawu yǝ́ mǝ̀núvǝ́vǝ́ mǝ́ ¹³ Mi ŋlà ŋrɔn ǝnubù nǝ̀mi sǝ́ wù kǝ̀ miantǝŋù hrǝ̀ mian tǝnsǝa o.ŋbuibǝ̀ mian va i sǝ gɔ́mǝao sǝman gɔmǝ krǝ́ɖé. ¹⁴ Sigbǝ mi lǝ ŋnya bǝ mi káa vá sǝ̀gɔ̀mǝ̀ kvǝ́dǝ́ sǝ mián gɔ̀mǝ̀ xoxo déɖoo ǝnǝ̀ kǝ́ lǝ̀ mián xótɔ̀ Yesu yéŋùkǝ́kǝ̀jia mian vá nyin mian yétitɛ́, sigbɔ̀ nɛn mian zùn miantɔ̀ ǝ̀nǝ̀ ¹⁵ Ǝ̀nùkə̀̀ jɔá ŋkádə́ ǝnùŋnàji, ŋ̀ jibǝ́ man va mia gbɔ kélékélé cagbǝ̀ mian xɔ̀ àmǝjikpɔ yə̀ nunyɔɛn. ¹⁶ ŋ̀ɖòèdɛ bɔ̀ mán jimikpɔ́ nə̀ ŋ̀ yikɔ̀ Masədoni ica ŋ̀gbə̀ jibə̀ man jimikpɔ̀ nə̀ ŋ̀̀trɔ̀cò Masədoni, i də̀ ina ŋ́ŋ̀gbə́à mian kprɔ̄ŋ yi yudéya. ¹⁷ Kə̀̀ ŋlə̀ bu tàmə̀ cò ŋnà ŋù an, ŋ̀ləxoèkpɔ i a? ŋwɔ̀ ɖoɖó də̀ ənù wò ji sigbə̀ àmə̀ yə̀ nù matrɔ̀ matrɔ̀ ə̀nə̀, nə̀ matəŋù nùbə̀«ɛ̀ɛ̀n,ɛ̀ɛ̀n» kidə́«oo,oo» lə̀ gaxoxo ɖəká mə̀an? ¹⁸ Vɔ kə̀ inyinbə́ Mawu nyi ə̀nudódó wɔ́tɔ́ á, mi ŋ́ nù də́ gaxoxo ɖəkámə̀ bə́«ɛ̀ɛ̀n» nɔmi «oo»o. ¹⁹ Ɖó Yesu kristo Mawu vi kǝ silivɛn Timóte kidǝ́ nyǝ́cá mi nù lǝ miàmǝ̀, ŋ́ nyi «ɛ̀ɛ̀n»kidǝ́ «oo»o. hun ǝ́ nyinǝ́ «ɛ́ɛ́n» tɛgbɛɛ. ²⁰ Ɖó ǝ́núkǝ̀ jɔ̀á Mawu yǝ́ zǝ́dǝ́dǝ́ ɖǝsiaɖǝ̀ nyinǝ̀«ɛɛn» lɔ̀ yáámǝ̀. hùn ŋ́ nyi nǝ́ tó yááji i mi nùnǝ̀ bǝ́«ácɛ̀» dǝ́ Mawu yǝ́ ŋùti kɔ̀kɔ̀ mǝ̀ ²¹ Ifià Mawu i ɖóokpǝ́ mikidǝ mián ji lǝ̀ Yesu mǝ̀ i i tùfɛn nǝ̀mi ²² I icɔ̀ yé dǝ̀sidó dǝ̀ miánŋú i i nami gbɔngbɔn dǝ miánji wó mǝ́ sǝ́ ɖóokpǝ́ ǝnù kǝ́ ikaáva námi ǝcɔ̀à ji ²³ ŋ̀tǝ́jù, cɔ̀ Mawu wɔ̀ ǝ̀nùtoho kpɔ́tɔ́ bǝ́ ǝ̀nùkǝ̀ jɔ̀ i nyǝ̀ ŋ̀ và korɛnti à inyi bǝ̀ mán ɖǝ̀mi jii, ²⁴ I ilá ŋ́ nyi bǝ́ milǝ́ tǝ̀kpɔ̀ bǝ́ mian dó ǝ̀nù kǝ̀ mián xɔ̀sǝ̀ á nyi vayià kpɔ̀ i o, hùn milǝ̀ wɔdɔ̀ kidǝ̀ mi nǝ̀ mian yétitɛ i, ɖò mi lǝ́ xɔsǝa mǝ̀ dàasi.