1 Hajitɔwo tatɔ. Le guita tsiwo yɔnɔn be guithit dji. Yehowa Mawu miatɔ! Nyikɔ tɔwo ŋtsi nekɔ le anyigban blibo ɔ dji! Aho gannyinyi nennɔn ta le djipo. 2 To ɖeviwo ku tsiwo le anɔnuwo nume wo tsuŋsɛn ɖo anyi ɖo ketɔ tɔwo woŋtsi, wo nanɔn ketɔwo kuɖo ehlɔnbiɔtɔwo nu tɔnɔn kpe. 3 Nɔn ŋkpɔ djipowo, nutsiwoe nyi alɔnudɔ wawa tsiwo wo, wletsi kuɖo wletsiviwo, tsi wowa lɔ. 4 Ŋde nyi agbetɔ be nɛn ɖo ŋkuvi dji? Kudo agbetɔvi be ne yale ŋkuvi ɖoŋtsi? 5 Ekpɔtɔ viɖe wo wɛ yisɔ ku Mawu kloe, yi wodɔ bubu kuɖo ŋtsikɔkɔɛ kuku nyi. 6 Wosɔ sɔɖo asinudɔ wawa tɔwo wo nu, yi wosɔ enuwo keŋ keŋ ɖo yo vɔnu. 7 Alɛnkpɔwo kuɖo enyi sɔkpeɖo gbeme lanwo ŋtsi. 8 Edji xeviwo kuɖo axumɛn lanwo kuɖo nusianu tsitonɔn axumɛn. 9 Yehowa, mian Mawu! Aho nyikɔ nɛn kankan ɖo anyigban bliboɔ lɔ dji!