1 Hadjitɔwo tatɔ nan soguiwo donɔn axoa gangan. David yo ha. Oo Yehowa, ŋgbe hɛntonu le dɔmezi tɔwo mɛn o, yi ŋgbe xoŋ le aho dji bibi mɛn o. 2 Yehowa, venu nyɛn! Ɖoŋtsa nyɛnŋde ɖo ŋsɛn o; yɔdɔnu, Yehowa! Ɖoŋtsa exu tsinyɛwo le hunhunhunwɔ. 3 Luvɔn tsinyɛn tsaka! Yiewo Yehowa! vasɛnɖo gaŋdemɛn? 4 Trɔva, Yehowa! ɖe luvɔn tsinyɛn; xonu ɖo ŋsisikukulɔ ta! 5 Ɖontsia woŋdagbe ɖo ŋkuvi diwo le eku ngbe deme o; yi mɛɖe lakafu wo le kuwoɖi. 6 Ŋsonɔn hun kaka enu vatsinɔn kɔnu. Ezan ɖekpekpime a ŋmlɔn anyi kuɖo avi; abatsi tsinyɛn fanɔn kuɖo avisi. 7 Ŋme tsinyɛn nɔnnɔn ŋsisime; yi nɔn amɛsiamɛn kpɔɛlɔ, wotonɔbe ŋsikpo. 8 Mian nubaɖa watɔwo kpata mitete le gbɔnyɛn! Ɖoŋtsia Yehowa se avi fanfan tsinyɛnwo. 9 Yehowa se ahikoko xoxowa, Yehowa xɔ gbeɖoɖa tsinyɛn. 10 Enu la kpɛn ketɔ tsinyɛnwo, yi dji ha la sowoŋtɔwo; wola trɔɔ zeɖeka yi enu la kpɛnwo.