¹ Ne ehadjilawo yo ŋkɔtsi. David yo Psalumɔn. Efiɔ lɔ le djidjuɛ kpɔ le axo amɛtakpɔkpɔ sɛŋu lɔ ta, Mawu mavɔ-mavɔ (Yehowa). Oh! sigbe leyi axo xɔnamɛ ɖɔɛ kudo djidjiɛ! ² Osɔ nuyi djiɔ yo edji lea nani, yi enuyi biɔ yo enu lɔ lea ŋde gbenɔn o. -Nɔte. ³ Ɖoa odo amɛnuveve be yayra yo ŋgbe ní, Otsɔn sikaxɔasi yo kuɖɔ ne yo eta. ⁴ Ébiŋnɔ agbe, ona nɛ agbe lɔ, agbe djidji ne mavɔ-mavɔ ɖaaa. ⁵ Yo dodoɖedji lɔ lolo ɖo axo ɖeɖe ta; osɔnɔ kɛnklɛn kudo nyɔnyɔɛn daɖo édji. ⁶ Owuɛ yayranuwo sɔyi ɖaaa, osɔ djidjɔɛ tsɔ édji le ŋku tɔwò mɛ. ⁷ Efiɔ lɔ sɔyiɖokui na Yehowa; yi ŋdea djeanyi le djipo yo nunyui ta. ⁸ Axo alɔ lakpɔ ketɔnyewo keŋkeŋ, axo ɖusi lakpɔ amɛyiwo gbenu le gbɔwa. ⁹ Olawɔ wó sigbe ezo seŋu nɛnɛ le ŋkeke yi dji olaɖe ɖokui fiɔa; Yehowa latsrɔwó le yo djibibi mɛ, yi ezo lami wó. ¹⁰ Olabu wádjidjimɛwo le anyigban dji, yi wó-texoe le amɛgbetɔviwo domɛ. ¹¹ Wówa nubaɖa ɖo ŋtsio, wóɖo susu baɖawo ɖo ŋtsi vɔ, ganke wóde ateŋ kpedji o. ¹² Ɖoa olatrɔ ŋgbodomɛ ɖowó ŋtsi, yi kudo axo. ¹³ Tsité kudo ŋusɛn, Yehowa! Midji ladji eha akafu ŋusɛn towó.