¹ Ŋdeŋtsi dukɔnwo le gbegbewɔ, yi anyigbandji dukɔnwo le tamɛ buwɔ gbagbalo? ² Anyigbandji fiɔwo shite, yi amɛganwo bɔ le tamɛ buwɔ so Yehowa kudo yo amɛ shiaminan ŋtsi. ³ Minan mian so wo kawo, nɔn mian ɖe wo gawo dangbe le mianŋtsi. ⁴ Amɛtsi bɔbɔ nanyi le djipo lɔ, le nukowɔ, Mawu ɔ lɔ le alɔmɛ ɖewɔ ɖo wontsi. ⁵ Yo ŋgbedemɛ a ela xonuxo ku wo le domɛzimɛ, yila ɖo vɔnvɔn nunwo le yo djiku mɛ. ⁶ Ke nyɛ lo ŋɖo fiɔ tsinyɛn le ziɔn, eto kɔkɔɛ tsinyɛn dji. ⁷ Ŋdja ɖe tamɛsusu tsinyɛn sɔfiɔn: Yehowa tonube: evinyɛn yi wonyi! egbɛ a ŋdjiwo. ⁸ Biɔŋ, nɔn man sɔ du kɔnwo sɔ wa aho kesinɔnnu kuɖo anyigban kpɛtɛwo asɔwa tɔwo! ⁹ Wo la sɔ gakpo atowo nyanyanyan, yila tukuwo sigbe eze mɛtɔ yo ze nɛnɛ! ¹⁰ Yiŋtsi a mia efiɔwo mi kplan nunyan non mia nan wo fia nu mi, mia nyigban dji hɔnnudrɔtɔwo. ¹¹ Mi subɔ Yehowa ku vɔnvɔn, mikafu Mawu ku djidjɔɛ ahunhun miaɖekuwo. ¹² Mi gbigbɔn nu nɔn eviɛ nɔn ŋgbedo dɔmɛziwo, nɔn miatrɔ le mɔlɔ dji o! Ɖoŋtsia ekpɔtɔ viɖe yo dɔmɛzi layi dji.