1 Yehowa, kpé nɔnɖo ame ŋtsi, doŋtsia Mawu mɛmɛ ɖekpekpé ŋdegbele o; donutsiŋtsia nyawototɔwo bule amɛgbetɔ vielɔwo domɛ. 2 Amɛsiamɛ le adankanwɔ nɛ nɔnvia; wole enumɛ viviwɔ, yi wonyi edji amɛvé tɔwo. 3 Yehowa nɛtsrɔn nu mɛ vivitɔwo kpata kudo aɖe tsi tonɔn enyɔn sɔdonɔn yeɖeki ɖo dji glodjo o. 4 Amɛ tsiwoe tonɔn be: " Aɖemiatɔ lana be mia ɖudji, miabe enu le kuɖomi, mɛŋde nyi mia xoetɔ"? 5 Yehowa be: fifia nashité, doŋtsi wolé tamɛ sɛnwɔ do wamɛnɔnwo ŋtsi; enumanɔnamesitɔwo le hum ɖewɔ. Nadɛ ɖo vovo xoe tsi le djrodjroewɔlɔ. 6 Yehowa yo ŋgbedodowo nyi ŋgbedodo tsiwo ntsi kɔ; wonyi klasalo tsi wolɔ nɔn le dokpomɛ le anyigban, yi woklɔnyi ziegbɔziadre lɔ. 7 O Yehowa, kpɔ miata; djɔ miaŋtsi so djidjimɛ yɛ simɛ. 8 Amevɔnɖiwo le esaɖiwɔ afiɖekpékpe etsimɛ enuvɔn wawa le edjiyiwɔ le amɛgbetɔviewo domɛ.