¹ Nɛnɛ Zofar, Naamatitɔ lɔ do ŋtsi be: ² "Kpɔɖa, ŋtsi djodjodjoe le ɖokuinyɛ mɛ, ye ŋtsi maɖo nya tsi woto lɔ ntsi. ³ Ezum ɖe nya mɛ, yi axi nugɔmɛsese dɔm be maɖo ŋtsi. ⁴ Ɖe yi ŋdenya be so kaka gatsimɛ woɖo agbetɔ ɖo anyigban dji lɔ. ⁵ Amɛ vɔndji yo aseye soso le vitsukui, yi mawumavɔn tɔwo yo djidjɔkpɔkpɔ ŋdedjidji nɔ gbeɖe oa? ⁶ Nɛ ekɔ yi dji viɖe, yi yo ta vatɔ lilikpo ntɔ tsan lɔ. ⁷ Elagble tegbee sigbe yo gbeɖiɖɔ, nɛ amɛ wo kpɔe wolabiɔ bebe finde ye ɖe. ⁸ Elabu kaba sigbe drɔn nɛnɛ, yi woɖedjagbekpɔe o; elabu djo sigbe zan nu kpɔkpɔ. ⁹ Ame tsi kpɔnɔn lɔ ŋdagbekpɔe o, yi axue metowo tsa ŋdagbekpɔe o. ¹⁰ Viawo ladji nyui nɛ wamenɔwo, yi wasɔ yo kesinɔnuwo ana wo. ¹¹ Togbɔ be ɖekadjɛme ŋse gble ŋtsi tsan lɔ, elaku woaɖi kui do kɔ mɛ. ¹² Nɛ nuvɔn wawa le viviviɔ le nu mɛ ni sigbe anyisi nɛnɛ, yi ixlae ɖo yo aɖe gɔmɛ. ¹³ Le ɖo nu mɛ, gbe tatasi, wole hlomɛ ni le viviviɔ ni tsan lɔ. ¹⁴ Nuɖuɖua atrɔ zun exui yo aɖi ɖo adɔ mɛ ni. ¹⁵ Emi amɛwo kesinɔ nuwo, yi eleni be yatruwo Mawu laɖewo so yo dɔmɛ. ¹⁶ Exui yo aɖi yinu, yi zakpata yo aɖi lawui. ¹⁷ Ŋdakpɔ gomɛ le enyisi kudo anɔnsi toto tsiwo le tratrɔ sigbe tɔtratra nenɛ lɔ mɛ o. ¹⁸ Elatrɔ nu tsiwo woɖu aya kpɔlɔ ana, yi ŋda gbe kpɔ gomɛ le me, viɖe tsi kpɔ le asisasa me ŋdado djidjɔ ni o. ¹⁹ Ɖoŋtsia egba ayaɖulawo yi gblewo ɖɛ; exɔ xɔ tsi ŋdetu o lɔ akpasɛsɛ. ²⁰ Tsiye nde ɖɔ xo ntsi lɔ, ŋde tam adjra yo kesinɔnu ɖekpekpe ɖo o. ²¹ Le yo nu su ɖuɖu ŋtsia, ŋdekpekpe ŋde kpɔtɔ o ye ŋtsia nu dadje dji ni didiɖe o. ²² Nɛ nunɔamɛsiwo le si gbaŋgbaŋ tsan, la nyi nusisitɔ, yi hia la tui. ²³ Etsimɛ yile didiɔ be yeaɖo xo lɔ Mawu atrɔ yo domeze zotɔ kɔɖodi. ²⁴ Nɛ si le ga yibɔ lanu gbɔ lɔ akɔblihun axo ɖoe. ²⁵ Ehun lɔ laŋon yo vevego. Adɔɛ to so ya lan mɛ Yonu lada zo woakpɔ yi vɔnvɔn laɖoe ²⁶ Vivitsi lado ɖo yo kesinɔnuwo di ezo tsi agbetɔ ŋdate do o lɔ afiɔn, yi lagbe dome nɛ nu ɖekpekpe tsi kpɔtɔ le axuame lɔ keŋkeŋ. ²⁷ Djipowo laklo nu le yo agadjedje dji. Anyigban atsite ɖo ŋtsi. ²⁸ Mawu yo dɔmɛze lalɔ agbenuku tsiwo yixa ɖo axomɛ lɔ adjo. ²⁹ Eyɛ nyi amɛ vɔndi yo gomɛ so Mawu gbɔ enyi domɛnyinu tsi Mawu ɖo deɖɛ ni.