¹ Zeɖeka Kiryat-Yearimtɔwo vasɔ Yehowa yo aɖaka lɔ sɔ yi daɖo togbɛ dji le Abinadab yo xomɛ, yi wokɔ evia Eleazar ŋtsi nɛ yea kpɔ Yehowa yo aɖaka lɔ dji. ² So gbetsigbe aɖaka lɔ va kiriyat-Yearim lɔ, ŋkekewo va le yiyiɔ sigbe ŋkeke amɛ wui blibo nɛnɛa, yi Israel djua lɔ kpata trɔ do Mawu ŋtsi. ³ Zeɖeka Samuel nu nɛ Israel blibo lɔ be: nɛ mikpan ŋkɔ Yehowa kudo edji miatɔ blibo lɔ, kexɔ̀a miɖe legbawo kudo afankankanwo djo le mia domɛ; misɔ susu miatɔ daɖo Yehowa dji, misubɔ Yeɖeka pɛɛ kpo nɛ yaɖemi le filisitɔwo simɛ. ⁴ Zeɖeka Israel viwo ɖe legbawo kudo afankanwo djo, yi wo subɔ Yehowa ɖeka peɛ. ⁵ Yi Samuel nu be: Mibɔ Isral viwo kpata sɔva Mizpa, nɛ ma ɖekuku Yehowa ɖo miata! ⁶ Zeɖeka woa kpata wova bɔta ɖo Mizpa, yi wokɔ si ɖo agnigban nɛ Yehowa, wo blan gbexɔ̀gbe yi wo nu le xɔ̀ be: miwɔɖo Yehowa ŋtsi yi Samuel do kadjo Israel viwo le Mizpa. ⁷ Etsi Filisitɔwo se be: Israel viwo dogo le Mizpa lɔ, filisitɔwo mɛgawo kpe ahua kudowo; etsi Israel viwo se lɔ wole filisitɔwo vɔ. ⁸ Zeɖeka Israel viwo nu nɛ Samuel be: ŋgbe tɔte kukuɖeɖe nɛ Yehowa mía Mawu ɖo miataɔ, nɛ ya ɖe mí le filisitɔwo yo lɔmɛ. ⁹ Yi Samuel lé alèvi vifɛn sɔ savɔ, yi etɔzoe nɛ Yehowa; yi Samuel ɖe koukou nɛ Yehowa ɖo Israel ta yi Yehowa see. ¹⁰ Etsi Samuel le numɛmɛ vɔsa sam lɔ filisitɔwo lɔ ahoua va dogo Israel. Zeɖeka Yehowa do abolo ɖo Filisitɔwo dji gbexɔ̀gbe, yi tsakatsaka ɖo wo domɛ yi Israelviwo wu wo. ¹¹ Israel ŋsuwo to le Mizpa dje yomɛnɔwo, yi wo wu wo kaka vakɔ ɖo Bet-Kar yo agnigban dji. ¹² Yi Samuel sɔ ekpe ɖe daɖo Mizpa kudo Sendomɛ, yi ena gnikɔ texoea be: Eben-Ezer yo gɔmɛ yi gni be: afitsi Yehowa kpeɖo miatsi va do ke. ¹³ Wobɔbɔ filisitɔwo ɖo agnigan, yi so gbexɔ̀djia, woŋdegbeva Israel gnigbandji kpɔ gbeɖeo, yi Yehowa yo ŋsɛ nɔ Filisitɔwo dji le Samue yo agbe ŋkekewo kpata mɛ. ¹⁴ Yi edou tsiwoe yi Filisitɔwo xɔ le Israel si lɔ, wo gbe trɔ xɔɛ leha yi exɔ Ekron sɔva Gat kudo wo agnigban wo le filisitɔwo simɛ. Yi ŋtsifafa gedo Israel kudo Amoritɔwo dome. ¹⁵ Samuel ɖo kudo Israel le yo agbeme ŋkekeawo kpamɛ. ¹⁶ Eɖinɔ sa le exoe ɖekpekpe mɛ yinɔ Betel, Gilgal kudo Mizpa, yi eɖonɔ kodjo ɖo Israel le edjuawo kpata mɛ. ¹⁷ Exɔ̀ yo ŋgbodomɛa egbe trɔva Rama, ɖoŋtsia xɔ̀ yi yo xomɛ le, yi eɖonɔ kodjo nɛ Israel le xɔ̀, yi edi vɔsasa kpe do xɔ̀ ne Yehowa. Amɛn.