¹ Filistitwo wɔ ohua ku Israel, yi Israel viwo si le ŋkɔ nɛ Filistitɔwo, yi amowo tsiahuo le Gilboa yo toadji. ² Filistitɔwo ɖe saul ku viaŋsuwo ɖo nu, yi wowu saul go viŋsuwo, wo nyikɔe nyi, yonatan abinanadab, ku do Malkisua. ³ Ahua lɔ sɛnnu ɖo Saul dji ŋtɔ yi etsi ehuan datɔwo va dogoe lɔ vɔnvɔn ɖoe ŋtɔ le ehuan datɔwo ŋkɔ. ⁴ Saul tonɔn ametsi le nɔn yo ahuawɔnuwo lɔ be: sɔ wui notrɔnŋ, nɛ abolobolo tɔyewo woŋgbe va xla ŋde nuŋ, adaya nuŋ o, vɔ a ametsi le nɔn yo ahuawɔnuwo lɔ ŋde lɔn o, ɖoɖtsia ele vɔnvɔnwɔ ŋtɔ. Saul sɔ yo wui yi trɔn yeɖokui. ⁵ Tsi ametsi le nɔn yo ahuawɔnu lɔ kpɔ be: ekulɔ, ye tsan sɔ yo wui trɔn ye ɖokui, yi ku kudoe. ⁶ Lexa Saul ku viaŋsu amtɔn ku ametsi le nɔn yo ahuawɔnuwo kudo yo mewo kpata ku le ŋkeke ɖeka yé. ⁷ Tsi Israel ŋsu tsiwoe dɔn a yo go yɛ me ku yordan yo go yɛ dji, kpɔ be Israel ŋsuwo si, yi saul ku via ŋsuwo ku lɔ, wogble edju wotɔwo ɖɛ si djo, yi Filistitɔwo va nɔn woame. ⁸ Tsi nukea, Filitistɔwo va nudegbe le amekukuawo ŋtsi, yi wokpɔ saul ku viaŋsu ametɔnawo le Gilboa toa lɔ dji. ⁹ Woso ta ni, yi wode yo ŋtsinuwo kankan Filistitɔwo nyigban kpata dji, nɛ wakankan saul yo nyɔn le wo vodjuxoewo ku djuo kpata me. ¹⁰ Wosɔ yo ŋtsinuawo vadaɖo astartewo xome, yi wosɔ yo ŋtsilan kukua sanɖo gliŋtsi le bethschan. ¹¹ Tsi yabes gileadtɔwo se litsi Filistiwo wɔ saul ɖo lɔ. ¹² Ŋsu ŋsɛntɔwo dje zan to dɔn a meve ɖe Saul ku viaŋsuawo yo ŋtsilan kukua le gliaŋtsi le Bethschan yi wo va yabes, va tɔe zo le xɔn. ¹³ Woɖi exu wotɔwo ɖo mangotsi gɔnme le yabes, yi wotsi ŋdɔn ŋkeke andrɛ.