¹ Wova tonɛ David be: kpɔ ɖa, Filistitɔwo nɛ le ahua wɔ ku ke gila, yi wobe wò mɔlufuxoewo xɔ. ² Zeɖéka, David biɔ Mawu be: mayi kpé akɔnku Filistitɔ yɛwoa? Mawu ɖoŋutsi nɛ David be: yi wolaɖu Filistɔwo dji yi wo la xɔ nɛ kégila. ³ David woamɛwo to nɛ be: kpɔɖa mile vɔvɔwɔ le Yuda téxoéyɛ keŋ gbɔxoe mia djé kegila mɔ avayi kpé ku Filistitɔwo ahukɔwo? ⁴ David gbebiɔ Mawu, yi Mawu ɖoŋtsi ni be: sité na yi kégila, na sɔ Filistɔwo doasi nɔn? ⁵ Zéɖéka David ku yio mɛwo ho yi kégila kpé ahua ku Filistitɔwo, yi wokplɔ wo lanhawo djo, yi wo wuwo gbogboɖé. Nɛnɛ yi David xɔnɛ kégilanɛ. ⁶ Etsi Aximelex yio vi Abyatar si ahua va David gbɔ lé kégila esɔ kɔmɛwunɖo asi. ⁷ Wo tonɛ Saul be: David va kégila zéɖéka Saul to be: Mawu sɔɛ do asimɛ nu vɔ, nutsiŋtia, eva tu yiɖokui ɖo édu tsi nu yi agbo ku gagbo le lɔ mɛ. ⁸ Yi Saul yɔ dukɔn bliboa kpata be woaho ahua do kégila ŋutsi. Nɛ yewo agɛ David ku yio mɛwo. ⁹ Etsi David kpɔɛ do djesi be Saul le adjoxamɛ nɛ yéa, étonɛ ŋukɔnɔ Abyatar be: sɔ kɔmɛwua va: ¹⁰ Yi David to be: Yehowa Israel yio Mawu, axo dɔla se be , Saul le djidjiwɔ be yéa va kegila ɖo ŋtsi nyɛa, ye lava gban édua. ¹¹ Deyi kegilatɔwo la sɔŋ do asi mia? yii ɖeyi Saul djava sigbe letsi axo dɔla se nɛnɛa? Yehowa Israel yio Mawu ɖefio axo dɔla djro! Yehowa ɖoŋutsi to ni be: Edja va. ¹² Yi David to be: ɖeyi kegilatɔwo la sɔ nyɛ ku amɛnyɛwo ado asi nɛ Saul? Yehowa ɖo ŋutsi ni be: wo la sɔ mi do asi. ¹³ Zéɖéka, David ku yio mɛwo wo la nɔ amɛgbetɔ eka woetɔn wo djo le kegila dje mɔn tata afisiafi le yiyiwɔ kpo. Tsi wo wa to nɛ Saul be: David le kegila lɔa, enɔté yi hohoa. ¹⁴ Yi David nɔnɔ bébéwɔ le gbéwomɛ ku tɔwodji yi Saul dji xoxla le ŋkekea kpata mɛ ganke, Mawu ŋde ɖe asi le yi tsi o. ¹⁵ Yi David kpɔɛ be, Saul ho be yea wu ye, yimɛ yi David tsi avémɛ le Sifgbedji. ¹⁶ Yi Saul yio vi Yonatan djé mɔ yi David gbɔ le aveamɛ, yi sɔ Mawu ɖe djiɖolo ni. ¹⁷ Yi toni be: ŋgbe vɔo, étɔnye Saul yio si ŋdédja teŋ xewo o. Ewo yi djia ɖufiɔ ɖo Israel dji yi nyɛnyɛ na nyi axo évégɔa la nɔ ŋutsiwo yi étɔnyɛ tsan nɛnɛ. ¹⁸ Yi wo amɛ evewoa, wo blanu le Yehowa yio ŋkumɛ; David tsi avéamɛ yi Yonatan yi axoé. ¹⁹ Siftɔwo va Saul gbɔ le Gibea va to ni be: David va wlaɖo yewo gbɔ le bébéxoé le avémɛ le xaxila togbɛ tsi le gbegbe yio tagbea. ²⁰ O efiɔ nɛ wo xɔ enyan yɛa, nɛ wo be yea yia, kéxɔa na miagbɔ nɛ mia sɔɛ do asinɔ. ²¹ Saul to nɛ wo be: Yehowa la yra mi ɖo miɔ amɛnuvévé ŋutsi. ²² Miyi vadji emɛ tsitotsito, nɛ miakpɔ yio téxoe tsi yio afɔ lé ku amɛtsi kpoɛ le xɔa nutsia, wo to nu be édjé aɖaŋ ŋtɔ. ²³ Miyi va yi dji le bébéxoewo kpata tsi wla ɖoa, nɛ doe djesia adoduia, kéxɔa mi gbétrɔva gbɔnye nɛma yi ku mi! Nenyi élé anyigbandjia, kéxɔana dji le Yuda yia ame éka eka ho naɖe wo kpata domɛ. ²⁴ Yi wo sité nɔ ŋkɔ nɛ Saul wo yi Sif; David ku yio mɛwo le Maongbedji le gbadjaxoé tsi le gbegbe tagbe gbedia. ²⁵ Etsi nana nyanya djé Davi dji be, Saul ku yio mɛwo yi yidjigbéa, David ɖiɖi va yi agakpea gbɔ yinɔ Maongbedji. Etsi Saul se nananyanya xɔa, étsi David yomɛ kaka va Maongbedji. ²⁶ Saul ku yio mɛwo le étoa agoyɛmɛ yio David ku yio mɛwo tsan etoa yio go xɔɖa mɛ; yi David ɖébla be yea si le Saul gbɔ vɔa Saul ku yio mɛwo ɖo to trɔ do David ku yio mɛwo be yewo aléwo. ²⁷ Zéɖéka amɛdɔdɔ va Saul gbɔ va to be: Nesɔ nava, Filistitɔwo va sea ɖo anyigbaa dji! ²⁸ Yi Saul Saul trɔ le David yomɛ tuta godogbé Filistitɔwo. Eye ŋtsi wo yɔ nɔ téxoé xɔn be kanklangakpé. ²⁹ Le xɔn lɔ, Davidi lia En Guedi yo texoe sɛnsɛnwo, yi yitsi xɔn.