¹ Saul to nɛ via Yonatan kudo yo dɔwoatɔwo kpata be woa wu David, vɔa David yo nu lé dji ne Saul yo vi Yonatan ŋtɔ. ² Yonatan to nɛ David be: Tɔnyɛ Saul le didiwɔ be yeawu wo, yiŋtsia kpɔ ɖɔkuiwo dji nyuiɖe esɔ edekɛnyɛ, di bebe xoe ɖe na be ɖo. ³ Yi nyɛ nayi tɔnyɛ gbɔ le gbeme afi tsi lɔguɛ yi wo be ɖoa, yi na xonuxo so ŋtsi o ni, nyan tsi ŋse le nu ni lɔ manɔ wo la nyan. ⁴ Yonatan yi vɛ to xonuxo nyui so David ŋtsi nɛ tɔa be: ŋgbevame be efiɔ nɛwɔ nuvɔn ɖo yo dɔla David ŋtsi o, ɖoŋtsi a ŋde wɔ nubaɖa ɖoɖa gbɔwo, ke boŋ dɔnyuiɖe yi wɔ nɔn. ⁵ Esɔ agbe yitɔ da fuku mɛ vɛ wu Filistitɔ lɔ, yi Yehowa na Israel djua ɖu dji woŋtɔ kpɔe, yi dji ɔ, ŋde ŋtsi wo la wɔ nubaɖa ɖo ame manya ɖe ŋtsi, be yeawu David gbagbalo. ⁶ Saul se Yonatan yo gbe yi gbe yi do ŋgbe be: ŋta Yehowa lagbe David ŋda ku o. ⁷ Yonatan yɔ David yi to enyɔn yé kpata ni. Ekplɔ David yi Saul gbɔ yi gbenɔ gbɔ sigbe letsi nɔe san nɛnɛ. ⁸ Eva mɛ ahuo gbe djɔ David yi vɛ wɔ ahua kudo filistitɔwo wu woadomɛ tɔ gbogbo ɖe wo. Ameɖewo si le gbɔ. ⁹ Gbɔngbɔn vɔn so Yehowa gbɔ va dje Saul dji gatsime le hunan ɖa si yi bɔbɔ nanyi do go xomea. David le sɔgui xowɔ. ¹⁰ Saul dji be yeada David asɔ mimi glia ŋtsi, vɔa David to axa ne ehun an lɔ yi vɛ tɔ glia, David xudju si djo. ¹¹ Gbexɔngbe yo zan me a Saul doa mowo ɖaɖa David go xome be woa nɔ ŋzɔ nɛ woawui fɔnfɔn mɛ. David yo srɔn Mixal va to ni be nɛ sidjo zan ku zan ɔlɔ wola wuo esɔ fɔnfɔn me. ¹² Mixal na David ɖiɖi to flese sidjo. ¹³ Mixal sɔ atsi kpakpa daɖo yo batsidji esɔ avɔ tsi wosɔ gbɔfun wɔ lɔ ɖo yo gbɔ, yi tsɔn avɔ ni. ¹⁴ Etsi Saul dɔ amowo ɖaɖa be woakplɔ David va lɔ, Esrɔn a to be: Ele dɔ lewɔ. ¹⁵ Fifia dɔ dɔlawo ɖaɖa be woavɛ dji kpɔ. Eto nɔn wo be: meyi mia kɔe ku aba lɔ va nu nɛ ma wui. ¹⁶ Etsi amedɔdɔawo ɖo axoeame wokpɔ atsikpakpa lɔ le abadji yi tsi wosɔ gbɔfun wɔ lɔ le tagbe ni. ¹⁷ Saul biɔ be: ŋde ŋtsi wofluŋ lexa ɖo yi wona ketɔ tɔnyɛ si djo: Mixal ɖo ŋtsi be: eto nuŋ be; Namɔŋ mayi nedenyi nɛnɛɔn lɔ na wu o. ¹⁸ Fifiɛ tsi David si lɔ eyi Samuel gbɔ le Rama vɛ to nu tsiwo kpata Saul wɔ kui a lɔ ni. ¹⁹ David kudo Samuel yi vɛ tsi Najoth. Yoŋgbodomea wo va to nɛ Saul be kpɔ ɖa David le Najoth Rama nutoame. ²⁰ Yiŋtsia Saul dɔ amowo ɖaɖa be woavɛ kplɔ David va. Etsi wova ɖo lɔ wo kpɔ Mawu yo gbefanɖetɔwo yo ha ɖe tsi le Mawu nyan towɔ. Samuel le ŋkɔ nɔn wo zeɖeka Mawu yo gbɔgbɔn dje amedɔdɔawo dji yi woa tsan wo to Mawu nyan. ²¹ Etsi wo va to nyan yé nɛ Saul lɔ edɔ, amebuwo ɖaɖa, vɔa woa tsan wa dasi gbefan ɖeɖe me. Saul gbedɔ ame ɖaɖa zetɔn gɔn a yi waa tsan wo wɔ nɛnɛ ké. ²² Fifia Saul ŋtɔ tsuta Rama, Eva ɖo vudo gan tsi secou lɔ gbɔ, yi biɔ be fiŋde Samuel kudo David wole? ameɖe ɖo ŋtsi be: kpɔɖa wole Najoth le Rama nutoame. ²³ Edje mɔ tsuta xɔn, Mawu yo gbɔngbɔ va dje yi tsan dji etsi ele mɔa dji le yiyi wɔa. Ele gbefan ɖewɔ va sɛn gatsime va ɖo Najoth Rama nutoa me. ²⁴ Ye tsan ɖe yo wu daɖe yi ɖe gbefan le Samuel gbɔ. Enɔ amama ŋkeke xɔn kudo zan kpata, fi yé yi enyagblɔn gblɔn yé djɔ so, amowo to nɔn be:De Saul tsan le Mawu yo gbefanɖetɔ wo domea?