¹ Fifiɛ Samuel to nɔn Israël dua kpata lɔ be: "mikpɔ ɖa, ŋwa nu tsiwo kpata midi be mawa nɔn mi lɔ nɔn mi, yi ŋɖo fiɔ nɔn mi. ² Yi lakplɔ mi fifiɛ. Nyɛ lɔ ŋsi, fun wa. Vinyɛ wo le mía domɛ. Ŋkplɔmi sigbe miɔn nunɔla nɛnɛ so kaka axiŋ ɖekadjɛme ke va sɛ ɖo fifiɛ. ³ Enyɛ ke nɛ ŋwa nuvɔn ɖe lɔ, mito le Yehowa ku fiɔ tsi nyi yo amesiamina lɔ ŋmɛ. Ŋxɔ amɛ ɖe yo nyisu alo yo (tedjia)? Mɛŋde ŋba alo te ɖo to? Mɛŋde si ŋxɔ zanu le be nyeŋ dkpɔ nya djɔdjɔɛ o? Mɛŋde si ŋxɔ zanu le be nyeŋdakpɔ nya djɔdjɔɛ o?Mitoe nɛ maɖo texue nɛ amɛa." ⁴ Woɖo tsi be: " ŋdeba mi loo, alo te amɛɖe ɖo alo xɔ nuɖe le amɛ ɖe si le mia domɛ o." ⁵ Samuel to nɔn wo be: " Yehowa ku fiɔ, yo amɛsiamina lɔ nyi miɔn nutexue kpɔ tɔ egbɛ be midekpɔ nuvɔn ɖekpekpe le ŋtsinyɛ o." Woto be: " nyawo Yehowa ɛ nyi miɔ nutexue kpɔ to." ⁶ Samuel yi dji tonɔn wo be: "Yehowa nyi amɛ tsi tsa Mose ku Arou, yi wokplɔ mia tɔgbewo to so Egipte nyigban dji. ⁷ Yiŋtsi miva ɖo fiyɛ nɛ mawla dɔ tsiwo Yehowa wa xɔ nɔn mi ku mia tɔgbewo lɔ sɔfiɔn mi le yo ŋmɛ. ⁸ Tsi Yakob ku yo xomɛa yi ɖo Egipte, yi Egitetɔwo te wo ɖo anyi lɔ, wodo axua yɔ Yehowa. Yi Yehowa dɔ Mose ku Aron ɖoɖa woyi vɛkplɔ wo so Egipte va texue yɛ. ⁹ Ke woŋlɔ be Yehowa, yo Mawu lɔ nɛnɛ eɖe asi le wo ŋtsi, yi na Filititɔwo ku Moab-fiɔ kuɖo Sisera Xazor du yo ahuakplɔtɔ wa ahua ku wo. ¹⁰ Woɖo axua yɔ Yehowa to be: "Miwa nuvɔn ɖoŋtsia migble da ɖɛ Yehowa, yi misubɔ Baal ku nyɔnu mawa Astrarte yo legbawo. Ke fifiɛ lɔ, ɖe mi so miɔn ketɔwo simɛ yi miasubɔwo. ¹¹ Yehowa dɔ Yerub-Baal, Bedan, Yefta ku Samuel ɖoɖa, wova ɖe mí so miɔ kɛtɔ tsiwo trɔ do mi godoo lɔ simɛ, yi minɔ anyi le djidjemɛ nɛ. ¹² Ke etsi mikpɔ be Amontɔwo fiɔ Nahas ɖo be yeawa ahua ku mi bɔ, migbe Yehowa, miɔ fiɔ yi mito nuŋ be: "Ɖo fiɔ nɔn mi yaɖu mia dji." ¹³ Mikpɔ ɖo, fiɔ tsi mi tsa lɔ ke yi mibiɔ yi fifiɛ lɔ, Yehowa sɔɛ na mi. ¹⁴ Nɛ mi ku fiɔ tsi le mia dji ɖuɔ lɔ mianɔ Yehowa miɔ Mawu lɔ yomɛ, avɔɛ, asubɔɛ, ase yo gbe yi migbedje agla ɖo ye sewo ŋtsi o lɔ, nu sia nu adje dji nɔn mi. ¹⁵ Gaŋke ne mise Yehowa yo gbe o, ke boŋ midje agla ɖo yo sewo ŋtsi lɔ, kexɔan Yehowa ahɛ to nɔn mi ku miɔ fiɔ a lɔ. ¹⁶ Minɔ te nɛ miakpɔ nu ga tsi Yehowa dja wa le miɔ ŋmɛ lɔ ɖa. ¹⁷ Ɖe yi mi le yovowɔ ku ɖeɖe yo game oa? Na yo Yehowa yi lana dji la ɖegbe yi dji la kɔɖɛ. Minyɛn fifiɛ yi mí kpɔɛ be miatɔ ŋdedjɔ le Yehowa yo ŋmɛ tsi mi dji be woa ɖo fiɔ nɛ yewo. ¹⁸ Samuel do gbe ɖa nɔn Yehowa. Mawu na dji dja gbe xɔn gge. Amɛwo kpata vɔn Yehowa ku Samuel. ¹⁹ Ye dua lɔ kpata to nɔ Samuel be: "Ɖe kuku nɔn Yehowa axo mawu lɔ, ɖo mi axo dɔlawo ta be migbeku o. Miɖo dje sii be miwa nuvɔn kpe miɔn nuvɔwo le gatsimɛ mibiɔ be woaɖo fiɔ nɔn mi." ²⁰ Samuel ɖo ŋtsi nɔn dua lɔ be: "migbevɔ o. Togbe be miwanuvɔ yɛ tsan lɔ, migbetrɔ le Yehowa yomɛ o, ke boŋ misubɔe ku dji blibo. ²¹ Migbetrɔ dje nu gbalo tsiwo nɛ viɖe ɖekpekpe ŋdele o, yi woɖatɛŋ aɖe mi tsan o lɔ yomɛ o, ɖotsia nu gbalowo kpo wo nyi. ²² Le Yehowa ŋtɔ nyikɔ ta lɔ, matɛ ŋ aɖe alɔ le yo dua ŋtsi o ɖotsia ye ŋtɔɛ ɖoe be yeawɔ mi mianyi yo dukɔ. ²³ Le axi gomɛ yɛ lɔ, ŋdeagbeva mɛ gbeɖe be mawa nuvɔ ɖo Yehowa ŋtsi, be magbe kukuɖeɖe ɖo mia ta o; ke boŋ mafiɔ mɔ nyui djɔdjɔɛtɔ lɔ ɖeɖe kpo mi. ²⁴ Miawo yɛ miɖo ŋkui miavɔn Yehowa, yi miasubɔɛ nyawotɔ ku dji blibo, ɖoŋtsia mikpɔ nu gan tsiwo yiwa nɔn milɔ. ²⁵ Gaŋke nɛ migbewa nu vɔn lɔ, mi ku miɔn fiɔa lɔ kpata miatsrɔn.