अध्याय 12
1
तीनामा तीदरे होस खुब होय माणहे आपने ओगोव बोगवानापोर बुरहु कोरीन गोवायी बोणीन जीवतोल ! च्या ओहला सेके खुब माणहे आपु तीनु दोखा हीके ओहला च्या गोवायी बोणीन रोयला ओता
2
आपणी जीवायला यीसुपोर पुरो एकयेक लागाडीन बावीन तेरी जीवाय एने नेतीपोर विचार कोरू । च्यु आपणा बुरहान पायु एने आपणु बुरहु पोक्कु कोरनारू से , काहाके च्यु यीसु सोतान ओगोव मेकली खुसीपोर मोन लागाडीन आपणे कोरता लाजवाये बीगुर कुरूस खांबापोर दुख वेठीन मोरूयु , कोरीन सोरगोमा बोगवानोन जेवडीखेर राजगादी पोर बोठ रोयुहु !
3
मीकह जेतार पापी माणहे बेला पाडया तेतार च्यु केहे काय दुख वेठयू तेरे बारामाज तुमु विचार कोरा रोयु ।
4
यीसु के केदेकाय लुय चुपाडीव मोरे ताहालोगोण खोरू रोयीन मोरलु । पुण तुमु ते पाप कोरावणेन फारकमा तोहलाते नी मोंख्या ,
5
तुमु पोवित्र पुस्तोकोमा लेखायला हीकोह जुण विहरता , तीनामा तुमुह पुरया कोरीन बुलाडलु से बोगवान तुमुहु एहे कोयतलु , एमार पुरया पोरबु बोगवान तोहो हुदारने कोरीन डोंड आपेते तीना होकोह कोम जुण सोमजतु ,
6
काहाके पोरबु जीनुहु मोंग कोरतलु तीनुहु आखानुहु सुदारनेन कोरता डोंड बी आपतलु एने जीनुह च्यु सोतान पुरया सोमजतलु , तीनुहु डोंड बी आपतलु ।
7
बोगवान तुमुहु सोतान पुरया सोनजतलु ! कोरीन जेतार च्यु हुदारने कोरीन डोंड आपतलु , ते वेठीन रोयु !
बाह तेरा पुरयाहा हुदारने कोरीन डोंड आपतलु के नी ?
8
बोगवान तेरा बोठा पुरयाहा हुदारने कोरीन डोंड आपतलु जोर च्यु तुमुह हुदारने कोरीन डोंड नी आपतलु ते तुमु तेरो खोरा पुरया निंबे ! तुमु सीनावान पुरया से ।
9
जोर आपना दोरती पोरला बाबा आपुहु हुदारने कोरीन डोंड आपतला ते आप तींदरू आबरू राखतला एने वातु मानतला ते आपणु जीव आत्मान बाह आपुह हुदारने कोरीन डोंड आपल्लु ते आपु तीनाह कोरतरो होंटो मान वान आपणु जुवे एने तेरे वातु होंबीन तेर काबामा रोयीन होमेस्या जीवणु जुवे ।
10
आपना कोवीन बाबा । । जोतरो तीनुहु हाजो लाग्यो तोतरो च्या थुडाक साल आपुहु हुदारने कोरीन डोंड आपतला पुण बोगवान होमेस्या आपना कायदान कोरता आपुहु हुदारने कोरीन डोंड आपतलु !
11
जोर कुण बी आपुहु हुदारने कोरीन डोंड आपतला ते सुख नी लागतलो पुण आपुहु काठो लागतलो । पुण हिहरा आपुहु हुदारने कोरीन डोंड आपतला ते जोर मानने हीक जाहे ते ओवता आपु दोरमीन एने सांतीन जीवाय जीवहु
12
कोरोन थाकला आखेह एने कोमजुर मांडाहा टोणका कोर लेयु ।
13
तुमरा पायोन कोरता वाट होव्वी बोणावीन चालता रोयजु , तेतार ज्यु कुण बरहामा कोमजुर से च्यु पांगवान होस से च्यु लोथडाणेनी , बाकीन च्यु एक दोम हजु ओयजाये एने बरहामा पोक्कु ओय जाहे !
14
आखा हाते सांतीवार रोयणे खुब कुसीस कोरनु , एने पोवित्र जीवाय जीवणे टेवायजु, काहाके पोवित्र ओये बीगुर कुणबी पोरबु बोगवानोह नी देख सोकतला !
15
सोमावीन रोयनु के तुमरामा एक बी जोण बोगवानोन कुरपा जडनेम दोखु आगे नी रोयणु कोरीन मानहु मुबाहु केहेक आखा जाडोह मा वहु कोर देतलु तोहला तुमु नी रोयणु जुवे काहाके तोहला माणहे दीहराह बी बोगवानोपोर बुरहु कोरनेम दोखा सेटा कोरीन बीगाड देतला !
16
तुमु सोमवीन रोयजु के तुमरामा कुणबी सीतावो कोरणारू नी बोणनु जुवो एसावोन होस बोगवानोपोर बुरहु नी कोरनारू नी बोणनु जुवे । च्यु एकवार एक रेमोन खाणाम कोरता मोटला पुरयान आसीरवादोन होकोह वेच देल्लु ।
17
आवतु फोसु तेरा बाबाहा तीनाहा आसीरवाद आपने फुस्यु पुण तेर बाबु तीनाह आसीरवाद नी आप्यु । एने च्यु निकार कोरनेम आव्यु , काहाके खुब आहवा पाडपाडीन रोडलु ती बी एसावोह तेर पापोन कोरता मोन फिरावणे सोंदीनी जुडी !
18
तुमु सीने नावोन बोयडा होते नी आव्या , ज्यो तुमु देख सोकतला एने आय लागाड सोकतला । च्या हरी होलोगणेन आगठो , एने काव्वा वादवान बोवावो , एने खुब आंदारो सांववलो , एने वादुण सुरलु , यो आखो ओतो । तीन जागामा बोगवान इसरायेल माणहोह तेरे नेम आप्यू !
19
च्या पवारयान नोटलु , आवाज एने बोगवानोन मोटलु आवाज हो होंब्या , तेतार च्या बोगवानोह एदे रावया कोरया , आमुहु घेबांवणे जुण देतु ! च्या कोठीन कोया के ज्यी वातु आमुहु गाबरावतली च्ची दिहरी वातु होंबोवणे जुण देतु कोयतोता ।
20
काहाके बोगवान तीनुहु एहे कोयलु ओतु , जोर कालणे बी माणुहु एने जोनवर लोगोण तीन बोयडाहा दुयलाये तीबी तीनाह दोगडायने मारवु पोडहे । तीनुह यु हुकुम वेठायु नी ।
21
च्यो देखीन मुसा खुब गाबरी गोयु एने कोयु , मी खुब वी गोयु कोरीन कापणे बाज रोयुहु !
22
पुण तुमु सोय्योन बोयडा हाते ज्यो सोरगोन येरूसलेम एने जीवतला बोगपानोन सेदये होते , एने लाखो कोरुडो सोदगदुतो होते आव रोयाह ।
23
तुमु एक मोंडलीमा टुव्वाय रोयाह ज्या बोगवानोन पेल्ला पुरयान होस से । तिंदरा नावे सोरगोमा लेखाय रोयाह , ज्यु आखा माणहोन नियाव कोरनारू से , आखा पोवित्र , ओयीन पोक्का ओयीन दोरमी माणहोन जीव आत्मा बी हाजीर से ।
24
तुमु यीसुहाते आप रोयाहा च्यु बोगवान एने माणहोन वीस्मा नोवला वायदान मेवाव कोरावणारू से । च्यु माणहोन पाप माफ कोरनेन करता कुरुसोपोर मोरीन तेरो लुय सीतोडलु तीना लुयोहोते तुमु आव रोयाह । च्यो हाबीलोन लुय बोदलु लेने रोडयो पुण यीसुन लुय हाबीलोन लुय दोखु वोडीन खुब पापोन माफीन कोरता वात कोरयु ।
25
तुमु हाते बुलनारा बोगवानोन वात मानने सोमायिन रोयु । काहाके दोरती पोरला मुसाहा लागाडीन कोयलु ओतु तीनी चेतावनीह च्या काय नी मान्या कोरीन , बोगवान इसरायेल माणहोह डोंड आपलु , ते बोगवान ज्यु सोरम दोखु तुमुहाते बुलने बाज रोयुह तेर वात तुमु नी मानतला ते बोगवान खोरा खोर तुमुहु डोंड आपहेत । तुमु केहेकाय डोंड दोखा वाच सोकतला !
26
जेतार बोगवान सीनाय बोयडापोर दोखु वातु कोरयु ते तेर आवाज दोरतीह आलवी देल्लु , पुण एवी च्यु उंजु एकवार मी दोरती ओतरूज नी , बाकीन सोरग बी आलवीह एहे रीहरु वायदु कोरतलु ।
27
एर मोतलोब यो से के बगवान बोणावलु कोवी मो मायला आख चीजे आलो वहे एने नास ओय जाहे । एने सोरग मायला चीजे ज्या आलवाये च्या ओतराज जोलमकाज टिकीन रोयणेन कोरता च्यु गोडलु आखा चीजे एकखेर कोर देहे !
28
कोरीन आलेनी एने नास नी ओये ओहलो बोगवानोन राज आपु जुडलो से । कोरीन आपु बोगवानोन दोन्यवाद कोरहु एने बोगवानोन बीख होते एने तेर मोरजीन इसाबे तेर बोक्ती कोरीन सेवा कोरहु ।
29
काहाके आपणु बोगवान होलगाडीन रुखडु बोणावणारो आगठो से ।