अध्याय 10
1
काहाके नियम जिनामा आवनेवावी हाजी चीजोन साव्वान होस से , च्या ओसली चीजे निबें , पुण मसीह काय कोरलु च्यो खोरो , ऐन हाजो से , कोरीन च्या जुनला रीतीमा गोडी- गोडी बादा चोडवतला आवला पुण च्या बादा चोडावणेन काम च्या बोगवानोन बोक्ती कोरने आवतला तीनुहु कोदी सुखलो नी कोर सोकतला !
2
नी ते तिंदरा चढावलो बंद काहा नी ओयतलो , इनान कोरीन सेवा करनेवावा एकुच वार शुद्ध ओय जाता ! एने तिंदरा मायला मोनमा पापोन फोसतावु नी कोरता !
3
पुण एहेनी ओयो . बाकीन बादा चोडावणेन कामे कोरया एने च्या बादा चोडावणेन काम माणहोन तिंदरा पापो ओवी कोरावता आव्या !
4
काहाके ढाडान एने बुकडान लुय कोदी तुमरा पापोह नी दुव सोकतला !
5
इना कारण दोखु मसीहा जगतमा आवणेन यो कोयतलु , बलिदान एने भेट तोहो जुवे पुण मारेन कोरीन एक डिल तोयार कोरलो से !
6
होमबली एने पापबली दोखु तु खुश नी ओयु ।
7
एने यीसु मसीह उजुकोयु एने बोगवान जेहे तारा चापडामा मारा बारामा लेख रोयलो तेहेज , तारी इस्सा पुरी कोरने मी तियार से ।
8
उपर देखु च्यु कायतलु से , तु बलिदान एने भेट एने होमबली, एने पापबोली चाहतलु ओवी नी तिना से खुश ओयतलु , यद्यपी यो बलिदान से नियमोन के अनुसार चढावो जातलो !
9
यीसु एहे बी कोयु , ए बोगवान मी तारी इस्सा पुरी कोरने , भी चाहरी आवलागलु से ।
कोरीन बोगवान दीहरा वायदाम मोजबुत कोरनेन कोरता पेल्ला वायदाह काड देल्लु !
10
काहा के जेत्यार यीसु तेरा डीलोन बादा सुरणे आपीन बोगवानोन इस्सा पुरी कोरलु , कोरीन आपु पोवित्र बोण गोयला । यो एकवार ओयलो से , एने लासो कोदी जोरूडी नी ओऐ !
11
एने आखा येहुदीन पुजारा दाडीन तेरी सेवा कोरने एने गोडी – गोडी बादा चोडावणे एने पुजा पायेन रीती कोरने , तीना जागापोर उबरोयतोला । पुण चा आखा बादा सुरणेन कामे माणहोन पाप कोदी सेये नी कोर सकतला !
12
पुण आपणु यीसु मोसी आखा माणहोन पापोन कोरता सोतान जीव एकुज वार बादा चोडावने होच्यु ! ओवतु च्यु बोगवानोन जेवडी खेर , खास जागापोर होमेस्या कोरीन बोण्यु !
13
एने एवी तेरे दुस्मोनोह जीकीन बोगवान तेरे पाय मेकणेन पाटडु बोणाव देये ताहालोगन च्यु च्या हरिज वाट जुवीन रोयतलु ।
14
काहाके च्या एकुज चढावान मा द्वारा पोवित्र कर देल्लु , हमेशा कोरीन तिनुहु सिद्ध कर देल्लु से ।
15
ओवी पवित्र आत्मा आमुहु गवाही आपतली कि काहाके च्यु आमुहु कोयतलु से !
16
पोरबु कोयतलु से कि जी वाचा मी तीना दोहोन बादमा तिनमा बांधी चो यो सके मी मारी व्यवस्था भी तिंदरा मन पो लिखी ओवी मी तिंदरा दिमाग मा नाखीही ।
17
एने च्यु एहेंबी कोयलु , एने मी तुनुपोर दोया कोरीन तिंदरा पापोह माफ कोर दीह , एने फोसु कोदी ओर नी कोरो ।
18
आपणो आखो पाप एने गुना माफ कोर देल्लु से , कोरीन अपुहु काय बी बादा । चोडावणेन जोरूड़ी नींबे !
19
ए बायहों यीसु मोसी आपेणा कोरता तेरे जीव बादा चोड़ावणे आव्यु , इनान कोरीन आपुहु पोवित्र जागामा जाणेन कोरीन आसान ओय गोयो ।
20
आपणे कोरोता यीशु मसीन जी खोरो वार आपनुहु पोवित्र बोइढ़ान ओयती बोगवान खोर ली जाणेन नोवली जीवाय बोणाव्यु च्यु पोडदु तेरो डील से !
21
एवी यीशु आपणेन कोरता बोगवाणोन घरानान मुखी पुजारू से , चु बोगवानोन घरानान अधिकारी से ।
22
तेत्यार आवु आमु खरला मन एने पुरो विश्वास देखो एने आमरो विचार दोष सेये करनेन कोरीन मनो पोर छिडकाव करेरीन ए ओवी दिलोहो साफ पाणी कोरीन दुवीन बोगवानोन आहणे जाए !
23
एने आपणी आशा हा मानीन तीना पोर जोजबुत दोखा थामीन रोयु , काहा ज्यु प्रतिज्ञा कोरलु से , च्यु विश्वास योग्य से !
24
एने आपु माणहोह केहेंक मोदत कोरहु एने केहेकाय दिहराह मोंग कोरहु , एने हाजो काम कोरहु कोरीन चिंता कोरहु !
25
ओवी एक दुहरा हाते एकठ्ठा ओयणु सुडु काहाके कोतरा माणहोन खीरितो से , पुण एक दिहरा सोमजाता रायु , ओवी जो जो तिना दिहोन आहणो आवतलो देखीन तेतार - तेतार ओवी भी जादा यो कोरता रोयु !
26
काहके खोरली पोहिचान प्राप्त कोरेन बाद ओवी आमु जाण बुझीन पाप कोरता रोयहु ते पापोन कोरीन काल्ली बी बादा चाडावनो बाकी निंबे !
27
हा दंड एकुच भयान उम्मीद एने आठ्ठान जलन बाकी से जो विरोध कोरने वावा भस्म कर देहे ।
28
जेत्यार मुसान व्यवस्थान नी माननेवावा दुय या तीन जोणत गवाही पोर बीना दोया कोरला मारणेम आवतलो से , ।
29
तेत्यार सोचलेवु कि कातरा ओवी बाहरी दण्ड के योग्य ठहराव्यु , जोतरा बोगवानोन पुन्यान पायो मा कुचलायला एने वाचा लुय जिना दोखा यो पोवित्र ठहरावणेमा आवलो ओणो , ओपोवित्र जाणला से , एने अनुग्रह की आत्यान अपमान ओयले से !
30
काहाके आमु तिनाहा जाणतला से च्यु कोयलु पोलटु लेनु मारो काम से , मीय बरलु लीही ओवी यो कि पोरबु आपणा माणहोन निवाडु पाडहे ।
31
जीवता देवोन हातोमा पोडणु खतरनाक वात से !
32
पुण च्या पेल्ला दिहोहो और कोरनु जिनामा तुमु उजड देखीन दुःखोमा संघर्ष मा स्थिर रोयु !
33
काय ते या कि तुमु निंदा एने क्लेश सोहन करतु ओवी तमासु बने , ओवी काय यो के तुमु तीनान सहभाग ओया जिंदरी दुर्दशी करने मा आवतलो
34
काहाके तुमु कैदीने गोत दुःख माथी दुःखी ओया , ओवी आपणी संपती भी खुशी मा दोखु लुटने देहु पर जाणीन के तुमरा हाते एक ओवी भी उत्तम एने हमेशा ठहरने वावी संपती से !
35
इनान कोरीन आपणो हिमान मा सुडु काहा के तेरो प्रतिफोव मोटो से ।
36
काहाके तुमुहु धीरज धरणु आवश्य से , काहा बोगवान इच्छा पूरी करनेन तुमुहु प्रतिज्ञा फोव जुडे !
37
काहाके एवी खुब कम समय रोय गोयलो से । जेत्यार कि आवनेवावु आवहे एने देर नी कोरे ।
38
मारा धर्मी माणहे विश्वास से जीवता रोयहे ओवी यदी च्या फोसा हर जाहे ते मारा मन तिनुहु खुश नी रोये , ।
39
पुण च्या बुरहु सुडीन फोसा वोसरीन नास ओय जातला तिंदरे होस आपु नी , बावीन आपु बोगवानोपोर बुरहु कोरतला एने च्यु आपणा जीवोह वाचाडहे ।