अध्याय 1
1
मी पोवलुस यी चीट्डी लेखतलु मी यीसु मोसीन बारामा माणहोह वात देखाड्यु कोरीन एंवी मी जेलोमा से ए फीलेमोन मी एने आमरा गुरु बायह तीमुथी तोहो जेय यीसु कोयतला तु आमरू खुब लाडकु गुरू बायह एने आमेर होस यीसु मोसीन सेवा कोरनारू से !
2
एने आपणे होस यीसु मोसीपोर बुरहु कोरनारी आमरी बोणीह आफ्फीया एने आरखीपुस ज्यु आपणे होते बोगवानोन सोयनीकोन होस हाजी खोबर पोक्की देखाडतलु तीनुह आमुजेय यीसु कोयतला आमु तार गोरमा बोगवानोन बोकती कोरने दुव्वायणारी मांडली मायलाह बी आमु जेय यीसु कोयतला !
3
आपणु बाह बोगवान एने पोरबु यीसु मोसीखेर दोखी दोया एने सुख सांती तुमु आखाह जुडती रोये !
4
जेतार बी मी तार कोरता पोरथना कोरतलु ते जीना बोगवानोन मी
बोकती कोरतलु तीनाह मी तार कोरता होमेस्या दोन्यवाद कोरतलु !
5
काहाके मी होबोवल के आखा बोगवानोन पोवीत्र माणहोह तु मोंग
कोरतलु एने तु पोरबु यीसु मोसीपोर पोक्को बुरहु कोरतलु ।
6
मी पोरथना कोरतलु के यीसु मोसीमा खुब आसीरवाद जुडला से कोरीन तु यीसु मोसीपोर बुरहु कोरीनुज बोगवानोन सुखला माणहोपोर मोंग देखाडीन
आखी वातोन हाजी वातोमा तींदरी होगोमा बाग लेणेमा तु वोडतु जाये एहे कोरीन यीसु मासीहोह नावल्या कोरे !
7
लाडका बायह दीहरापोर तारों मोंग देखीन मी खुब खुस ओय गोयु एने
मार मोनमा हाजो लागलो काहाके तु बोगवानोन पोवीत्र माणहोन जीवोह खुस कोरलु से
8
ए फीलेमोन मी तोहो एक वात कोयण्यु से च्यो तोहो कोरनुज पोडहे तु काय कोरनु यो च्यो यीसु मोसी आपलु हुकुम दोखु मी हुकुम आप सोकतलु तोहो कोयतलु
9
मी पोवलुस एंवी डायलु ओय गोगलु से एने यीसु मोसीन सेवा कोरलु कोरीन माणेह मेहे जेलोम कुड देल्ला
10
उनेसीमुसोह मोदत कोरने मी तोहो मोंग दोखु रावण्या कोरतलु काहाके जेतार मी जेलोमा ओतु तेतार तीनाह यीसु मोसीपोर बुरहु कोरने मी मोदत कोरयु कोरीन च्यु मारा सुरान होस से
11
पेल च्यु तार कोरता काय कामाने नी ओतु पुण एंवी मार कोरता एने तार कोरता खुब कामो से।
12
एंवी मी मार लाडकाह तोहोपाह फोसु मुकोलतलु च्यु मार जीवो दोखु खाससे
13
जेलोम रोयणेन टेमे मी तीनाह याहरी मारहाते मेकणे हुत्तोतु मी यीसु मोसीन हाजी खोबर देखाडलु कोरीन जेलोमा से उनेसीमुस तार जागे रोयीन मेहे मोदत कोर सोकतलु !
14
पुण मी तारी इस्या बीगुर कायीज नी कोरतलु काहाके मी जोबोरजस्ती कोरलु कोरीन नी पुण मोन दोखु हाजा कामे कोरने तु इस्या कोरलु ओतु ।
15
बोगवान उनेसीमुसोह थुडाक दीही तारहाते दोखु सेटु कोर देल्लु कोरीन जेतार च्यू फोसु आवहे तेतार च्यु तारहाते जोलमकु रोयु सोकतलु !
16
एने एंवी दोखुतु तीनाह पावरोन होस जुण सोमजतु एंवी च्यु पावोर ओतरूज नीबंदे तार होस च्यु एंवी यीसु मोसीपोर बुरहु कोरनारू से कोरीन तोहो तीनापोर खुब मोंग कोरनुज पोडहे च्यु मारू लाडकु से पोरबु यीसु मोसीमा आपणे कोरता बायहोन होस से कोरीन तु बी तीनाह खुब मोंग कोरजी !
17
जोर तु यीसु मोसीन सेवामा मेहे गोवादयु सोमजतलु ते जेतार उनेसीमुस फोसु तारहाते आवहे तेतार तु मेहे जोहलु मोंग कोरयु तोहलुज तीनाह बी मोंग कोरजी
18
जोर च्यु काय बी नुकसाण कोरलु आहे नीते काय बी कोरजु तोहो च्यु आपणु ओये नी ते काय बी कोरनु तोहो च्यु आपणु ओये ते च्यो आखो मारे नावे कोर देजी
19
मी मार आथो कोरीन यो लेखतलु मी पोवलुस उनेसीमुस काय बी तोहो आपणु आहे ते मी आखो कोरजो फेड दीह ! पुण मी तोहो काय कोयतलु च्यो
मानजी काहाके मीज तोहो यीसु मोसीन बारामा वात देखाडलु कोरीन बोगवान तार जीव वाचाडलु!
20
कोरीन ए मारा लाडका बायह पोरबुमा मार फायदु ओयणे दे उनेसीमुसोह
माफ कोरीन मार मोनोह यीसु मोसीमा हीम्मोत आप काहोके आपु दुय यीसु मोसीपोर बुरहु कोरला से !
21
जेतार मी यो तोहो लेखतलु ते मेहे पोक्कु बुरहु से के मी काय मांगलु च्यो तु कोरहे होव मेहे मालुम से के मार मांग दोखो बीतु वोत्तोज कोरहे
22
एने उंजु एक वात से मार वाटु रोयणेन एक खुली तीयार कोरजी ! काहाके मेरे बुरहु से के बोगवान तुमरी पोरथना होबोवहे एने माणहे मेहे जोलदी जेलोम दोखा सुड देहहोत एने मी तुमु आखाह मीवायणे फोसु आवीह
23
इपफोरास मोसी यीसुन बारामा वात देखाडलु कोरीन मारहाते जेलोम से च्यु बी तुमुह जेय यीसु कोयतलु
24
एंहे मोरकुस एने आरीसतरखुस एने देमासा एने लुका आ मारहाते सेवा कोरला ओता तोहो जेय यीसु कोयतला !
25
आपणा पोरबु यीसु मोसीन दोया तुमरी आखान जीव आत्माहाते रोये !