¹ Paul, Silvanus, renu Timothy, Thessalonia dubu gahavaya ni Diravate uhura ni Mame renu Rohi Iesu Keriso. ² Magera yai era Dirava ni Mame maive renu Rohi Iesu Keriso yauseni ori yai. ³ Noma vani aubogi Diarava mage gahisa yai dainehe, ni ogo nanuheya, era dodihegera badivara yai gabidadamavera rahoherave goime auki, ya bebe mage gahigevare dainehe. ⁴ Noka yakera noki ya mote gahigeva Dirava dubu ve uhurahe, yai uhu berebe dainehe renu gabidadamave huhu uhurahe, renu ya huhu bauge uhura hero kiare dainehe. ⁵ Era Dirava mage riagave uhurahegera, eige aka ihitera Dirava Yaga uhurahe, edainehege Ali o huhu nagima. ⁶ Riaga, era riagavara Diravara daure mi goiragi oti ogere yabenu a daure gaha, daure va mohi geigevara, ⁷ mati a mage gahigavara ai daure e renu no gainage, Rohite Iesu vavaseni horivare aneru ruga, ⁸ vene bubunagare uhurahe, daure miorogi Dirava dibane veite yau ada renu Rohite Iesu hari mage maguri gahiga veite yau adatage. ⁹ Yauka huhu nagohi navara behibehive daureva mimivara beta ni Rohhite vairenehe renu au hedokehe. ¹⁰ Auka ena kikivara, au orogare vanivahe yauka hegiri gahigavara, au aena koitatuhe yabera au ihe yageya vara, era riaga gahara koitava yaukena enakisa, badivara au meve riaga gahara renu meva kiare dainehe. ¹¹ Edainehege nakamu o dagedage ai dainehe imimi ragoh, ni Dirava vera ai meve dainehe a mage gahisa ai totove uhurahe, renu au hedokehe ai meve mage gahisa renu ai gabidadama meve dainehe. ¹² No imimi ragohare makavara, ni Rohite ihe magegahisa ai mevehe uhurahe renu aka au uhurehe, Dirava mageve renu ni Rohite Iesu Keriso autage