¹ . Mulinai Iesu ewalao Bethlehem ai Judea ai Herod wa veleapua wa laganinai emauliwai, ia eripa au wariwari vairi East na gekwarao Jerusalem ai negeiwao, ² . "Ariai eia pewala jews geria Vele? Th- aina viu paga ia East avana na pe thai pag- a veamai iga vanamara e airupu alivenia. ³ . Pe Herod, Judea geria vele eamonagi erorirori, ia wa eparuo, e Jerusalem mapa- rana mai ia genai. ⁴ . Herod na rupu veleri eve vai koukouri e aloalo auri, thaonai ia na erenagi thao, "Ariai Keriso pewala?" ⁵ . Ila na gevaila thao, "Bethlehem ai Judea ai, no eveaina ge aloa prophet aurana, ⁶ . Namu goi, Bethlehem, Judea alimana- i, ila mavairi thaorai, manoai vevai auri Ju- dea ai, gaurai mui thaomui na vele apuna pene veamai ia thau geku Israel aunilima- limari pene iama ri." ⁷ . Muliwai nai Herod na pothopotho ai geripao auri erenagiria ari ora auna auna veaina na viu emagaio. ⁸ . Ia natha eun- agi thao Bethlehem ai, neiwai, "Igo thao igo veavu namanama na melo valivuna. Wanai muina pigo verawalia, na rori pigo mivaripaku pe thauna maina veaina pana veamai pe pana veairupu alivenia." ⁹ . Mulinai ilana King ge amonagi ao, ila matharapara apua na gethao, pe wa viu geia east ai ethoa kuneo ila vilarai pene veamai ia eveamai pe ememia nako melo valivuna u-unai. ¹⁰ . Wa orai ila na viu geiao, ila vereleo na geverele kamuvagio. ¹¹ . Ila gethoa waioao numai pe ila na melo valivuna mainana Mary ila geiathao. Ila geala alio thaonai ge airupu aliveniao. Ila geria rina uvuri geala pathao geve ven- io gold , frankincense, e myrrh. ¹² . Palau Velegaua na eva ripathao nivi thaonai ila pigene lavu ulewai Herod elenai, gaurai ila geria alukapuna gelavu ule venia ma tharapara apuana. ¹³ Ila gethoao mulinai, Velegaua gena aneru (angel) apua Joseph gena nivi thao- nai eva ilathao, "Ono lai, emelo valivuna mainana, ono uleagiri igo thao Egypt ai. Wanai pigo alu penethao thau natha pana vailamu, repana Herod na emelo valivuna ene avua ene vagi waregara." ¹⁴ Pe wa- poginai mo Joseph elaio emelo valivuna mainana evairi gethoao Egypt ai. ¹⁵ Ila wanai gealuwai penethao Herod ewarega. E olema ewalaiwao wa Velegaua natha ra thori eilagia peroveta (prophet) auna tha- ona na, "Egypt thaonai thau na pagogoa thau nauku." ¹⁶ Pe Herod, wanai ia na eiathao wara ia geva viviao ethaoneka aurana, pe eparu gauavagio. Ia gena veali auri euthao wara Bethlehem ai e wakapu maparana thaonai melo kimukimuri riairi geria rigolo lualua e verivona gevagi waregari, wa orai ia eve ripao ragau ethaoneka aurana gealathao. ¹⁷ Pe eolema wara ewalao ethori maina Prophet Jeremiah thaona na eilagiao, ¹⁸ "Karo apuna ge amonagiao Ramah thaonai, ge mainivilowai e geagi gogo wai, Rachel mae agiwai repana nauna mae waregao, pe ia ne ririwao thaona pige vapikapikara, repana ila apua mai manoai au." ¹⁹ Herod ewaregaole, thaonai, Joseph wara Egypt ai pe enivio thaonai aneru na eva ilathao, ²⁰ "Ono lai emelo mainana ono vairi igo thoa Israel ai, repana riai na namelo navuana eovoani auna pewarega." ²¹ Pe Joseph elaio, emelo mainana evai- rao gethao Israel alimaparanai. ²² Namu wanai ia eamonagio Archelaus wara ia amana Herod kapuna mae gapiao Judah alimaparanai, Joseph wara maekalio wanai penethao. Namu Palau Velegaua na Joseph thori gauagauana vagi eveniao nivi thaonai, pe ia na evairao Galilee thaonai ²³ pe wanai gethao gealuwai wavanuai (city) tharana wara Nazareth. Pe emi auna aunao ragau prophets thaorana geilagiao, ia pige gogoa Nazarene auna apua.