¹ Wanai wara Iesu evanagiwai thaonai, au apuna mana pupupupu ewala agiao ia natha eiathao. ² Gena vevaripa aurana gerenagiao ia(Iesu), "Rabbi, riai egalamao, eau pa ia amana inana, gaurai eia mana pupupupu ewalao?" ³ Iesu na eva ilathao, "Nori eau egalam- ao, pa amana o inana, namu ethaorai wa Palau Velegaua gena ulavunu mapene ve- vamagai eia thaonana. ⁴ Ia maina pe ul- avunu ia gena ulavunuai ia riai na peuku thau no garo thaonai. Pogi wa eveami nia pe uma apua pe-ene ulavunu ripa. ⁵ Thau thoaukuera ealimaparai, thau w- ara ealimapara matha ana." ⁶ Mulinai Iesu na eilagithao egau, ia ea- tiuruo alimai, ealathao pali ia kelevona na, pe eapali euru lovolovoao ia manai. ⁷ Ia natha ila eva ilathao, "Ono thoa, ono vevu- ligi vagiri nalu eraini Siloam ai" (ethori ga- nina "Sent"). Pe eau ethao, eve vuligia, eve lavu ulewai mana geve namanamaole eve iawai. ⁸ Thaonai eau epinai gealuwai auri e ri- ai rana geripa kunea ia wara noginogi au- na pe negeiwai, "E wara nori wau apuna ealuwai e enoginogiwai auna?" ⁹ Vairia negeiwai, "E ia." Mavairi negeiwai, "Noaia, namu eia wara ia veaina." Namu ia neiwa- o, "Na thau." ¹⁰ Ila na geva ilathao eau, "Pe wa rave- aina mamu pege vealapa?" ¹¹ Eau etho- ri lavu uleo, "Na au gegogoani Iesu na pali pegapia peuru lovolovori thau makuai pe peva ilaku, 'Ono thao Siloam ono vevuligi ria.' Pe thau athao maku ave vuligiri, muli- wainai thau maku aveia agiri." ¹² Ila na eau geva ilathao, "Ariai na au?" Eau na eva ila iwathao, "Thau noriripaku." ¹³ Ila natha ema apuapu auna kunenai gevaio gethao agiao Pharisee auri elethai. ¹⁴ Wa garo wara Airupuali(Vea) garona Iesu na eulavunu ealathao ema apuapu a- una elenai. ¹⁵ Gaurai Pharisee aurana e au mage renagiwaio raveaina ia mana ev- eia agithao. Eau na eva ilathao ila, "Ia na pali pegapia thau maku peururia, naluna pavuli vagiri pe thau evanamona aveiani." ¹⁶ Pharisees auri vairi negeiwao, "Na au nara ia nori Palau Velegaua gena avana na repana ia Airupuali o Vea garona(Sabbath) garona nevagelea."Mavairi negeiwao, "Ra- veaina au apua riai magalamana na egau veairi ealathana?" Pe wanai vekeru ewalao Pharisees auri vekarawathai. ¹⁷ Gaurai ila natha eapuapu auna mage renagiwaia, "Ragau goina poro ilagi iwara eau(Iesu), pene goi mamu ealapathao thaonai?" Eap- uapu auna neiwao, "Ia wa prophet auna apua." ¹⁸ Wanai wa Jews aurana nonoai geva auna auna ia olemana ia apuapu ew- alao thaonai ia emeveiao gaurai ila natha geva walathao auri unagiri gealathao geve vaithao. ¹⁹ Ila na vawalana auri gerenagi thao, "Ia era naumui maluanena eia mui go ila iwani ewala mana apuapu?" ²⁰ Pe ia va- vawalana aurana geva ilathao, "Thai ripa- mai eia thai naumai ia ewala mana apuap- u. ²¹ Raveaina ia evanamo eve iani, thai wa nori ripamai, pe riai na ia mana peala paria, thai nori ripamai. Igo renagia ia, ia nape iakamu. Ia natha enethori mauna." ²² Eau vawalana natha ethori geilagiria, repana ila gekalio Jews umari elerai. Pewa Jews na iarau gethoriao pene au apua na ethori iliania ia wa no Keriso, ia wara pige igogo thakwathai e synagogue na. ²³ Repana wave aina pakunai, ia geva walathao auri negeiwao, "Ia wara iakamu, igo renagia." ²⁴ Pe vaga lualuana ila na mage gogoa- o eapuapu auna, pe geva ilathao ia, "Ono thorithai Palau Velegaua thaonai. Thai rip- amai eau ia magalamana." ²⁵ Thaonai eau ethori lavu ulewaio, "Thauna naripath- ao eia wara magalamana. Gau apunamo thau ripaku: Thau wa apuapu, namu evan- amona thau ave iania." ²⁶ Thaonai ila na geva ilathao ia, "Raga- u ealatha goi elemuai? Raveaina ia na eala pathao goi mamu?" ²⁷ Ia na eva ilathao, "Thau na pava ilamui iarau, pe mui noai g- oamunagi! Ragau na mui goririwani maig- o amonagi waia? Mui noai goririwani pigo mia ia gena vevaripa auri veairi, pa mui?" ²⁸ Ila na geva thavarao ia e ge ilaiwao, "Goi wara ia gena veva ripa auna, namu thai wara Moses gena veva ripa auri. ²⁹ Thai ripamai wara Palau Velegaua na ethori venia Moses, namu thai nori ripam- ai arinatha eia apua." ³⁰ Eau na eva ila lavu ulethao ila pe nei- wao, "Eia wara maga aivagi, wa mui nori ripamui ia gena veamai arinatha, pe rave- aina ia natha ealapathao thau maku. ³¹ Ia riparia wara Palau Velegaua natha neamonagi rana galama uumari, namu p- ene au apua na devout e gena ririwa eala agiani, ia na eamonagia nia ia. ³² E alimapara emama thaonai eve aina manoai geamonagio au apua mana ealap- a thao ia wara apuapu ewalao. ³³ Pere eau nori Palau Velegaua na, ia natha gau apua pere alatha." ³⁴ Ila gethori lavu ul- eo ia geva ilathao, "Goi wara magugulumu owala magalamamu, pe goi natha eva ripa maini?" Mulinai ila na ia gethakwa raiao. ³⁵ Iesu eamonagio wara ila na ia ge ole thakwa raiao synagogue na. Ia natha era- waliao eva ilathao, "Goi ove vauna aunani Palau Velegaua Nauna thaonai?" ³⁶ Ia na eva ilalavu uleao neiwao, "Ia wara riai, Palau Velegaua, pe thau mapara veva aun- a auna ia thaonai?" ³⁷ Iesu natha ia eva ilathao, "Goi na irau oiathaole, pe eapuna riai na goi ethori venimu nia." ³⁸ Eau na eva ilathao, "Velegaua, thau aveva auna a- unani," pe ia natha eairupuali veniao. ³⁹ Iesu neiwao, "Veaithori pakunai thau ami rivo ealimaparai pe thaonai riairi noai geve iani mapige veia pe thaonai riai geve iani ila pige apuapu." ⁴⁰ Wanai Pharise- es vairi riairi ia elenai geamonagio ethori pe ia gerenagiao, "Pe thai maina mamai pupu?" ⁴¹ Iesu na ila eva ilathao, "Ere mui wara mapupuole, mui wara noai gala- mui, namu evanamona mui nogoini, 'Thai gave iani,' pe galamamui ige mia mogo."