¹ Egau mulinai Iesu ethoao Galilee ai, namu ia neririwao pene thoaoa Judea ai repana Jews natha geavuawai piga vagi warega. ² Wanai Jewish geria velewa a- puna eaviavi wai. Evelewa tharana wara Jewish Festival of Shelters. ³ Ia walawala na gaurai ia geva ilatthao, "Ekapu ono kaliwania e ono thao Judea ai, pe wanai gemu vevaripa aurana maina pi- ge iamu goina eulavunu oalathana. ⁴ Au apua natha ulavunu pothopotho ai pe-ene alatha pene ia geregana eririwa ni mapige ripatha aunilimalima natha. Pene goinatha egau oalathana, goi maumu po- no vevamagai ealimaparai." ⁵ Pe nomaveaina ia walawalana natha noai geva auna auna ia. ⁶ Iesu na gau- rai ila eva ilathao, "Thau geku ora rogo re- veamai, namu mui gemui ora emia mavu- ni vanagi vanagi. ⁷ Ealimapara na mui pe-ene paruvenimui, namu ia natha thau pene paru veniku repana thauna ava mag- aiao wara ila geria ulavunu wara iathara ava (evil). ⁸ Mui igo thao wa velewai; thau pa-ana thao na velewai repana thau geku ora tho- re gugulu." ⁹ Ia natha ethori eva ilathao mulinai, ia ealu Galilee ai. ¹⁰ Namu wa orai ia walawalana wage veragewai wa velewai, mulinai ia maina mae thao wa velewai, ia ne veva eme uma elethai namu ethoa pothopotho. ¹¹ Pe Jews aurana ia geavuawai e velewa kapun- ai pe geve renagio, "Ariai eia?" ¹² Wanai ia thorina ekamuvagio aunili- malima thaorai. Vairi negeiwai, "Ia wara au namana." Magelea negeiwai, "Noaia, ia natha aunilimalima vogovagi evailea rana. ¹³ Pe au apua maina natha mane ilagia wai ia thorina repana ila gekalio Jews auri elerai. ¹⁴ Wa velewa orana avatha evanagio mulinai, Iesu everageo airupuali numana thaonai ia gena vevaripa emamathao. ¹⁵ Pe wathaorai Jews gekalileao negei wai, "Wa raveaina eauna egau kamuvagi eripathao? Ia pe noai geva thaoneka." ¹⁶ Iesu natha evaila lavu ulethao, "Thau na evevaripa era nori thau mauku geku, namu evevaripa era eia gena riai natha peuku (peunagiku) thau. ¹⁷ Pene uma apua euamagini gena riri- wa ene ala agia, iana pene ripa evevaripa, pewatha eveamini Palau Velegaua elenat- ha, o pa thau athorini geregaku thaokuna. ¹⁸ Riai ethorini ia mauna thaona natha ia mauna gena nama eavuania, namu riai natha evevamathalagi eavuani ia emi uriv- oa thaona natha, wau wara ia auna auna, pe wanai ia thaonai noai ravarava gauri. ¹⁹ Namu Moses natha ne venimui rova? Pe mui apua na maina erova noai gorogoa nia. Ragauna muina goavukuni igo vagi w- aregaku?" ²⁰ Wa aunilimalima mapara- na gethori lavu ulewaio, "Goi thaomuai ra- va rava palauna. Ia natha eavumunia ene vagi waregamu goi?" ²¹ Iesu natha ethori lavu ule venithao, "Thauna ulavunu apuna palatha, pe mui maparamui natha pogo vegalaiga agiku repana wagau pakunai. ²² Moses natha evenimui circumcision (ewara nori peve ami Moses elena natha, namu ia kalakala- na thaorana), pe wa Sabbath garonai goi natha pono circumcise au apua. ²³ Pene au apua natha egapiani circum- cision Sabbath garoanai Moses na rova ne ala thavara, namu wa ragauna muina thau pogo paru veniku repana au apuna aunip- aranai vivi pava namatha e Sabbath ai. ²⁴ Pigono vevarava wa iaiana namavagi pakunai, namu pigo iatha thakwathakwai." ²⁵ Jerusalem auri vairi geilaiwao, "Ei pe nori wa apuna ila natha geavuani ige vagi waregatha? ²⁶ Wa, ia ethoriraini, namu ila natha ia thori apuavagi noai geva ilani. Eolema pe no rova aurana geripao era eia Keriso, eveaina pa? ²⁷ Namu ia na paga ripa eia apuna ari kapu na peveami. Namu waora Keriso pene veamai, au apua natha pe-ene ripa ari kapuna ia peveami." ²⁸ Thaonai Iesu eagi kamukamuo rupu numana (temple) thaonai, ewapawai e ila- iwawai, "Muina goripakuo thau emaina g- oripao arinatha thau aveamio. Thau nori paveami thau mauku, namu ia natha thau peuku ia wara auna auna, pe muina roai goripathao ia. ²⁹ Thauna aripao ia repa- na thau paveamai ia elena natha era ia na peuku thau." ³⁰ Ila wa geve aoleawai Iesu pige gapia, namu ila apua imana ne rogo auo ia auni- paranai repana ia gena ora thore kwara. ³¹ Namu uma iavogo wa aunilimalima kamuvagi thaorai geve vauna aunao ia el- enai, pe geilaiwao, "Waorai Keriso pene v- eamai, thaonai eulavunu iavogo pene ala riparia pa ragau eianatha pealari?" ³² Pharisees na geamonagi thao ila mu- rurana gethori kimukimuwai Iesu thorina geilagiawai, pe rupu veleria e Phaisees au- rana geria ulavunu auri geuthao Iesu pige gapia. ³³ Pe Iesu na evailathao, "Thau thoera mui ria ora nori kamukamu, muliwai nai pana lavu ule ia elenai thau emi urivoku ia natha. ³⁴ Mui na pigo avuku namu mui na pigono rawaliku thau; ariai thau pana thoa, mui nopigono veamai ripa." ³⁵ Jews gaurai mauri thaorai geilaiwa, "Ariai eau ene thao pe ia natha mapigana rawalia ripa? Ia ene thao uma geuthaora- na Greek auri thaorai pe Greek ige varipa ria? ³⁶ Wa rathori veaina ia na peilagia, 'Mui natha igo avuku thau namu namu pi- gono rawaliku thau; ariai thau pana thoa, mui maina mapigono veamai ripa'?" ³⁷ Evanamo e kapikapi, garo iwavagina evelewa thaonai, Iesu erualaio e eagi gog- o aoio, eilaiwao, "Pene uma apua pemalu- vua, ene veami thau elekuai pe eneniu. ³⁸ Ia riai na evauna aunakuni thau, em- aina pukaveana natha mae ilagiani, wai naluna pene galurai ia inagena thaona natha. ^{39 40} Uma vogovagi thaorana vairana, eth- orithori geamonagi thao, negei wai, "E wara noveaina prophet." ⁴¹ Mavairi ge- ilaiwa, "Eia wara Keriso." Namu vairi geila- iwa, "Pe Keriso wa Galilee natha peveami? ⁴² Pa ethori vearana noai geilagiao (ge- aloao vea book nai) Keriso wara pene vea- mai David kalakalana thaona na e kapuna Bethlehem, evanuai David ewala e emauli kapuna?" ⁴³ Pe wanai veware ewalao uma thaorai repana ia pakunai. ⁴⁴ Wauma vairana ia gere gapiao, namu uma apua imana na ne napa aunagiao ia auniparanai. ⁴⁵ Pe ulavunu auri gelavu ulewaio rupu auri kakamuri (chief preists) e Pharisees e- lethai, pe eilana geva ilathao, "Ragauna n- oai gomi vaimaia ia?" ⁴⁶ Ula vunu auri negeiwao, "Au apua eve aina maina mare thori." ⁴⁷ Pe Pharisees natha geva ilathao, "Pe mui maina veainamo mapege vaileamui? ⁴⁸ Pe mui rova auna apua natha mapo vauna aunatha ia, o pa Pharisees apua na? ⁴⁹ Namu euma iavogo wara nori riparia rova, ila wara gemuruthao." ⁵⁰ Nicodemus (Pharisees auna apua, ia maethao kune ia elenai) eva ilathao neiwa- o, ⁵¹ "Pe ia gera rova thaonai au apua mape ai thorikunea ia gena thori roai ga- monagia e roai garipara ia na ra ulavunu ealani?" ⁵² Ila na gethori lavu ule veni- ao geva ilathao ia, "Pe goi maina Galilee na oveamio? Igo avuria e igo iari prophet apua Galilee na pe-ene veamai." ⁵³ Pe wanana uma maparari gethoao geria numai.