¹ Ni sa vosatainia vosa ai o Jisu, sa qai iga cae i lomalagi o oya qa a'a, tamaqu a ena gauna sa aco mai. Varo'oro'o tainia Luvemu ena qai varo'oro'o taini emi au leqaga a Luvemu. ² Me va'a ni sa solia vee'e me lewai edra tamata tauco'o ga. Me solia o o'a a bula tawa mudu vei edra yadua miau sa solia vee'a. ³ Ai ina bula tawa mudu. Medra ilai io, a Alou duaduaga, qo o'a o sa tala, Jisu Karisito. ⁴ Au sa varo'oro'a tai nio e vuravura au sa va devunia a tavi o'a solia vei au meu vele'e. ⁵ Ena gauna ai, Tamaqu, Varo'oro'o tai au ena vu'umu ena varo'ro'o sa tu vei au ni daru a notu vata ni se bere ni buli o vuravura. ⁶ Au varaitainia a omu aca vei edra tamata o o'a sa sola mai vei au i vuravura. O odra omu, o odra sa maroro miau vosa. ⁷ Gauna ai dra na ila a autoco'o o solia vei au e la'o mai vei io. ⁸ Ni'u sa solia vei edra tauco'o a vosa o solia vei au, dra ciqomi edra qa dra vadinatia niu sa la'o mai vei io, qa dra vabautia nio talai au mai. ⁹ Au masu lai odra, au maqa ni masulai nia vuravura, io o odra o sa solia mai vei au, vei edra omu. ¹⁰ A atauco'o e ou edra omu, ga omu e ogu, au varo'oro'o tai ni edra. ¹¹ Au sa waqa ni qai tui vuravura, qo odra tamata sa notu i vuravura, quu na lao mai vei io, Alou a halo tabu, marora edra ena omu aca o oya o'a solia mai vei au baletia ni dra dua bouga me va'a ni daru dua bauga. ¹² Niu a notu vata ei edra, au maroroi edra ena omu aca, o'oa sa solia vei au au maroroi edra, emaqa ni du avei edra ma va cacani, o oaga sa dodonu me rusa, me nayacori ina vola Tabu. ¹³ Oya ai au la'o mai vei io, ia au sa a'a a'ai e vuravura, me levu odra marau ena vu'uqu. ¹⁴ Au sa solia vei edra a omu vosa. Sa maqa ni goti odra a vuravura. Ni dra sa maqa ni vavuravura, me va'a niu maqa ni va vuravura. ¹⁵ Au maqa ni erei io mo di edra tani mai vuravura, qo io mo maroroi edra mai na tevoro. ¹⁶ Edra sa maqa ni va vuravura, me va'a au sa maqa ni va vuravura. ¹⁷ Varau taini edra yudua e dina, a omu vosa e a dina. ¹⁸ Me va'a nio sa talai au i vuravura, me va'a au sa talai edra i vuravura. ¹⁹ Ia au sa vatabui au ena vu'udra, me dra vatabui leqa ga ena vavuvuli dina. ²⁰ Au masu maqa nio o'a ga ai ia ena vu'udra leqaga edra na vabauti au e na vu'u ni odra vosa ²¹ me dra sa dua buluga, me va'a edaru sa dua buluga. Me dua buluga ei edaru me rawa ni va dinatia o vuravura nio talai au mai. ²² A varo'oro'o o ma solia vei au, au sa solia ve'edra. Oya me dra sa duabuluga me va'a ni daru sa duabuluga. ²³ Au sa notu vata ei edra, qo io sa notu vata ei au, ena dia vata mai ve'edra a duavata. O'oa ana me ila o vuravura nio sa talai au mai. ²⁴ Tamaqu, au sa gutia me dra notu vata ei au ena vanua au sa notu ina o'odra o sa solia vei au, medra igavia a oqu u'uu'u o a solia mai vei aui nio a lomani au ni se bere ni buli a vuravura. ²⁵ Tamaqu yalododonu, a vuravura e maqa ni ilai io, io au ilai io; sa ila orda ai nio talai au mai. ²⁶ Au vele'e a omu aca medra ila qau na vele'e medra ila a loloma o oya a omu loloma me notu vata ei edra, qau na notu vata ei edra.