¹ "O au a vaini dina, sai ratawa ni were o tamaqu. ² Sa dia tani veian a tabaqu taco'o ga sa maqa ni vua, qa sa samainia o oya a tabana tacoo ga sa vua me rawa ni vua va levu sara. ³ Dou sa qai rasarasara tai ena vu'u ni rosa au sa vosatainia ve emu dou. ⁴ Dou no tu ga vei au, O yau na tu ve emudou, ni sa maqa ni rawa ni vuatainia a ena vua vai eya vavo ga e sema no ina vuni vaini, ena tautaurata leqa ga ina o emudou e mudou sa maqa ni notu vei au. ⁵ O au a vaini, o mudou a ena ba o oya sa notu vata ei au o au na tu ve eya, o oya sa vua valevu sara: e dou tawase tani mai vei au, dou na maqa ni rawatia e dua'a. ⁶ O oya dua sa maqa ni sema vei au, ena daitani me tautau vata ei na ba-ni-acu sa adu, qa soqoni vata qa viritai ina quto reak, me dra vayaruni. ⁷ E dou sa sema vei au, la dou sa sema ina oqu rosa, a are cava ga dou gutia ena qai soli vei emudou. ⁸ E na qai valagilagi ina o tamaqu ena a ai, ia dou sa na qai valevu dou vadei tai nia ai ni mudou sa qai oqu tisaipeli. ⁹ Ia a tamaqu sa lomani au, o yau leqaga au sa lomani emudou dou sema noga ina oqu loloma. ¹⁰ E walega dou sa maroro a oqu i rasale, dou na qai sema ina oqu loloma, niu sa maroro ai rasala mai vei tamaqa ia, au sa sema no ga ina ona loloma. ¹¹ Au sa tovele'e a vei a ai me tu ina a oqu marau vei emudou ena qai tauco'o ina a omudou marau. ¹² O oya ai a oqui vasala, mo lomani dua leqa metautau vata a sa lomani io. ¹³ E maqa ni dua e cecere cae a ona loloma me solia a ona bula ena vu'u ni weana. ¹⁴ Dou sa weaqu ni dou sa vavacora a oqui vasala. ¹⁵ Au a maqaleqa ni na qai acivi emu dou ma mudou bobula, ni o oya bobula e maqa ni ila a ceva e vele'e a ona i liuliu. au sa taroqi emu dou mo mudou vreaqu, ena vei atauco'o au sa rogoca mai vei tamaqu a sa re'e a ma mudou ila. ¹⁶ Dou sa maqa ni digitaini au, ia au sa digi tai ni emudou qa lesi emudou mo mudau lao qa rua qa me tu leqa ga a vuamu -dou, ena qai tauco'o a vua mu dou. O oya ai a a tauco'o ga dou na erea vei tamaqu ena yacaqu, ena soli vei emudou. ¹⁷ Mai na vei a tauco'o ai au sa vasala tai ni emudou ina, mo mudou vei lomani. ¹⁸ E sa cafi emu dou o vuravura, mo mudou lila ni sa cati au oti ni bera ni cati emudou. ¹⁹ E dou sa wei vuravura, o vuravura ena lomani emudou me tautauvata ei na a e ona. ²⁰ Na numa a vuravura au na aya vei emudou, a bobula ema maqa ni uwasivi cae vei ea a ona turaga e dou sa vacacani aui edra na qai vacacan emudou i edra sa maroro a oqu rosa, au na qai maroro leqa ga a omu dou. ²¹ E dra na vele'e a atauco'o ai vei emudou ena vu'u ni yacaqu, baleta ni dou sa maqa ni ilai oya sa talai au mai. ²² Me a maqa nia a lao mai me mai rosa vei edra, edra a maqa ni dra valavalaca. O oya ai sa maqa ina a odra ulu bale ena vu'u ni odra i valavala ca. ²³ O oya sa cati au sa cati tamaqu leqa ga. ²⁴ Eu sa maqa niu va otia a ca'aca'a e maqa ni dua e rawa ni vaotia ena emudou maliwa, ena qa maqa ni valavalaca, ia iai edra sa qai igavia qa dra saqai cati au vata ei tamaqu. ²⁵ O oya ai ai voro mo dou vadinadina tai nia ina a sa volai ena vola ni lawa, ni dra sa cati au qa maqa ni dua a vuna. ²⁶ O oya daun vei vacegui sa solia mai vei emudou o tamaqu, o oya ana, a yalotabu a vuni a dina, o oya sa lao mai tuba qa sa lao mai vei tamana, o oya ena qai vele'e a a e gutia me baleti ea. ²⁷ O mudou tauco'o leqaga sa dau vosa ena vu'u qa, baleta ni dou sa dau notuga vata ei au mai nai vateivu ni gauna.