¹ E na i Vateivu sa bula o oya a vosa, edru sa notu vata ei na Alou o oya a vosa, qa sa Alou o oya a vosa. ² E na i Vateivu edru sa notu vata o oya ai ei na Alou. ³ Sa vele'e a vi'a tauco'o ga a oya, qa sa maqa ni dua a a ire vele me maqa ni Velc'e o oya. ⁴ Sa notu ve eya a bula io e rarama ni tamata a bula. ⁵ E sa cilavia a butobuto a rarama, io a butobuto e maqa ni vunitai rawa. ⁶ E sa tala mai a alou e dua a tamata, e ona yaca o Joni. ⁷ Sa la'o mai o oya me mai aya a rarama, me rawa ni dra vabauti oya tauco'o. ⁸ Sa maqa ni rarama o Joni, sa ona i tari ga me aya a rarama. ⁹ A rarama dina, ena solia a rarama ve edra a tamata tauco'o, sa la'o mai vuravura. ¹⁰ Sa notu i vuravura o oya, qa sa buli o vuravura ina vu'una, qa sa maqa ni itai oya o Vuravura. ¹¹ Sa lao mai o oya ve edra a ona, qa dra sa maqa ni o'qomi oya o odra ona. ¹² Io e so ve edra Sa ciqomi oya, qa drasa vabautia a yacana, sa solia ve edra o oya a dodonu me dra yaco medra luve ni Alou. ¹³ Edra sa maqa ni vasucum, se na sucu vayago, se na veitalia ni tamata, mai ve ea ga a Alou. ¹⁴ Sa yaco me tamata a vosa qa sanotu vata ei eda' eitou sa une a ona cecere, ni sa tauvata a cecere ni le dua ga sa vatuburi mai ve ea a Tamana; ni sa Sinai ina loloma ei na dina. ¹⁵ Sa aitai ni oya o Joni, qa aya, "O oya sa muri au sa levu ca'e vei eirua, "O oya ai au sa dau aya no, ni sa matai mai vei au o oya. ¹⁶ E da sa rawatia tauco'o mai na vi'a sa Sinai tu ve ea, a loloma sa vaiuritai. ¹⁷ I'ai a i vunau ina sa soli tu vei Mosese. Sa la'o mai vei Jisu Karisito a loloma ei na dina. ¹⁸ Sa maqa ni dua e une Alou duadua ga, sa vatuburia o oya O oya sa notu ina loma Serei i Tamana, o oya sa vavunia me ilai. ¹⁹ Sa i oya ai a vi'a sa aya o Joni ena gauna edra ma talai waqe ina re ea odra i talatala ei odra a awa i Livai edra talai mai ve edra a Jiu mai Jerusalemi medra la'i tarogi oya, "O cei o io?" ²⁰ Sa aya vododonu o oya - sa maqa ni caitainia, lo sa aya ga vadodonu "Sa maqa ni mai Karisito au," ²¹ Edra sa mai tarogi oya, "O cei o io? O io o ilaila qai aya o oya "E maqa ni o au." Dra sa qai aya "O io a parofita?" Sa qai Saumia o oya "E maqa". ²² Dra sa qai aya ve ea, "O cei ga o io, me rawa ni eitou lai aya ve edra sa talai eitou mai? A cava o sa aya me baleti io?" ²³ Sa qai aya o oya, "O au a domo, sa tagi voli ina loma ni veicaco: "Dou vele'e vadodonu a gaunisala ni Turaga, "me taivata a vi'a ma sa aya tu o Aisea a parofita." ²⁴ Eso ve edra a Farisi madra talai mai, ²⁵ dra sa qai aya ve ea qa tarogi a ve ea, "O sa qai veipapitaisot tai ina vu'u ni cava niasa maqa ni Karisito qa maqa ni O Iliaisa qa maqa ni o parofita? ²⁶ Sa qai Saumia ve edra o Joni, qa aya, "Au sa veipapitaisotai ina wai. Io sa tu maliwai emudou e dua mudou maqa ni ila. ²⁷ O oya ai sa muri au mai, io a wa mada ga ni ona i vava maqa ni rawa vei au meu Sereia." ²⁸ Sa ca'a a vi'a ai mai Pecani ina tai adra ni Joritani, ina varua sa veipapitaiso tai no ina o Joni. ²⁹ Ina Siga tarava sa unei Jisu o Joni ni sa lao voli mai ve ea qa aya, "une, ana ina a Lami ni Alou, o oya ena dia tani ai valavala ca ni vuravura! ³⁰ Ai ina o oya au ma sa aya no, o oya sa muri au mai sa levu cale sara vai vei au, ni sa matai mai vei au o oya. ³¹ Au sa maqa ni i'lai oya, o oya ai e rawa ni vadinadina tainia ve edra a Isireli niu sa la'o mai meu veipapitaisotai ina wai. ³² Sa qai varaitainia leqa o Joni qa aya, "Au sa une a Yalo Tabu ni sa la'o sobu mai me tauvata a ruve mai lomalagi, qa mai ro no ve ea. ³³ Au a maqa ni l'ai oya o oya ma talai au mai me'u veipapitaiso tai ina wai sa ditai vei au, 'O'oya io na une ina ni sa la'o sobu ve ea a Yalo Tabu qa lai ro to'a ve ea, sa i oya ari ena veipapi taisotai ena Yalo Tabu! ³⁴ Io au sa une, qa'u sa aya ni sa i oya ai a Luve ni Alou. ³⁵ I na Siga tarava leqa, ni sa tucae tu o Joni ei na rua leqa a tisaipeli, ³⁶ Edru sa unei Jisu ni sa lao voli waqe, sa qai aya o Joni, "Une, a Lami ni Alou!" ³⁷ Edru sa rogo o odru a rua a tisaipeli a vi'a sa aya qa dru sa muri Jisu sara. ³⁸ Sa qai vui o Jisu ni sa unei odru nidru sa muri oya no mai sa qai aya ve edru, A cava mudou gutia" Edru sa qai aya ve ea, "Rapai (a ena i balebale Vavuvuli), i vei a vanua o miau no tu ina?" ³⁹ Sa qau aya ve edru o oya, "Dou Lao mai dou mai gavia" Edru sa qai lao vata ei oya modru une a vanua sa notu ina; qa dru sa qai notu vata voli ina siga ona ni rautia a i a tin ni aua. ⁴⁰ O Adriu a taci Saimoni Pita e dua ve edru ma rogoca a vosa i Joni qai muri Jisu. ⁴¹ Sa unei Saimoni matai a tacina qa aya ve ea, "Eitou sa une a Mesaia" (a ena i balebale a Karisito). ⁴² Sa qai di oya mai vei Jisu, sa qai va unei oya o Jisu qa aya, "O io o Saimoni a luvei Jona. O na acivi vei kifa" (a ena i balebale Pita). ⁴³ Ina Siga tarava, ena gauna sa mata daidai ina o Jisu me lao i Kaleli, sa qai unei filipe qa aya ve ea, "Muri au." ⁴⁴ E ai Peciseita o Filipe, s oftu oto o Sftiu ri zpiys. ⁴⁵ Sa qai unei Nacanieli o filipe qa aya ve ea, "I ai ina o oya ma vola ina o Mosese ei odra a parofita a lawa, eitou sa unei oya: O Jisu a luve i Josefa, mai Nasareci." ⁴⁶ Sa qai aya ve ea o Nacanieli, "E rawa ni lao mai Nasareci e dua a are? Sa aya ve ea o Filipe, "lao mai mo mai une." ⁴⁷ Ni sa unei Nacaniieli o Jisu ni sa lao mai ve ea qa aitai oya no, "une, a Isireli dina, sa maqa ve ea a dau lawai. ⁴⁸ Sa qai aya ve ea o Nacanieli, "O ilai au vacava?" Sa qai Saumia o Jisu qa aya ve ea, "Ni se bera ni acivi io o filipe, nio ma notu ina ru'u ni vuni lolo, au sa unei io matai. ^{51 49} Sa qai aya ve ea o Nacanieli, "Rapai, o io a Luve ni Alou! O io a odra Tui a Isireli!" ⁵⁰ Sa qai Saumia o Jisu qa aya ve ea, "Baleta ni'u sa aya vei io, 'niu ma unei io ina ru'u ni vuni lalo, ' o sa vabautia? Ona une e levu sara a vi'a lelevu mai vei oya ai." Sa qai aya o oya, "E dina, e dina, au sa aya ve emudou, dou na une ni sa tadola a lomalagi, qa unei odra a Agilasi ni Alou ni ra aba ca'e qa siro sobu ve ea a Luve ni Tamata."