¹ Sa qai yaco mai a siga ni Penitiko Era sa qai tio lomavata kecega na dua tiina. ² Va;a sauri ga sa lao mai Lomalagi e dua rorogo va;a a cagi va ce va ruru kau kauwa, sa qai vasinaita a lomani vale tauco'o era tio voli ina. ³ Sa qai rairai mai edra a yae yame ni baa waqa e veise'ai, qa dabe va yadua vei edra. ⁴ Era sa qai va sinaiti tau co'o ga na yalotabu, e ra sa qai vateim me ra vosa na vosa ni veivanua tani, ni sa solia qa vei edra a Yalo tabu. ⁵ E na gauna edra no tu ina a Jiu mai Jeruisalemi ei edra a tamata lotu mou na veivanua ena yasana va lomalagi. ⁶ Ni dra sa rogocia a rorogo ai, e ra sa qai urabui tainia ni ra dui vosa tainia no ga o dra dui vosa. ⁷ E ra sa qai Urabui tauco'o ga qa ra vei tarogi tai nia va ai era no ga "Era maqa li ni ai Kalili o odra ai? ⁸ Ia e enai vei ni da sa rogo ni dra vosa no va oda vosa, o oya mada sucu vata mai. ⁹ O odra a ai Paricia, Mitia ei Ilama ei, edra sa tio mai Mesopotemia ei Jutia ei Kapotosia mai Ponito ei Esia, ¹⁰ O odra mai Firijia, ei Pamipilia mai Ijipita ena veiyasana va'a Lipia me va'a dodonu ware i Sirini ei ira vulogi mai Roma, ¹¹ O odra ai Jutia oi odra sa vui na lotu va'a Jiu o odra ai Kiriti ei Arapea, eda sa rogoci edra ni ra va yasatainia no a oda vosa me baleta a ca'aca'a mana ni turaga". ¹² Era sa qai Ruabui tau co'o ga qa ra taqaya tainia, era sa qai dui veivo sai ga va ai edra a cava mada ai baleblea ni a ai? ¹³ Era sa valialiai edra qa ra tovola E dra sa mateni ra naini. ¹⁴ Sa qou Tucae o Pita vata ei edra a lewe tinia dua, qa tabalainia cae a domona qa aya vei edra vei emudai a ai Jerulsalemi mo dou ila a vei a ai qo dou rogoca oqu vasa. ¹⁵ Ni dra sa maqa ni mateni o odra ai me tautauvata a vei a o dou nanumia, ni sa qai yaco walega ai a tolu ni Auwa. ¹⁶ I ai ga e vatusa a Parofita O Joeli ¹⁷ u sa aya turaga era yaco ena gauna mai muri, Au na saaraina a Yaloqu vei edra a tamata Kecega. Era na qai Parofisai ina o odra a Omudon gone Yalewa ei na gone Tagane. Edra na Une a Raivotu Eso o edra a Omudou Cauravon. Ia o odra omudai qase era na tadra tainia a vei tadra eso. ¹⁸ Vei edra oqu tamata ei na oqu vada. Au na solia rainia a Yaloqu ena gauna ana; ara na Parofisai ina. ¹⁹ Ia au na varaitainia eso a ani veivaida cala tai mai Lomalagi e ca'e qa so e vuravura e ra. ²⁰ Era vui a matany siga me iloio vata e a vula me dra. Ena qai yaco i muri a siga i Jiova sa a lem qa rogo tio. ²¹ Ia era na qai vabulai ga o odra era masuta no a yacai Jiova. ²² Omudou a ai Isireli dou rogoca a vosa ail O Jisu a ai Nasarici a tamata sa va dinadina tai nia vei emudou a alon ena vei ca'ca'a mana ei na vei a vei vaurabuitai eso ei na veivatailaila eso, sa solia a Alou mo dou vole'e ni dou sa ila. ²³ O oya ai sa soli oti waqe ei emudou me tauvata ga ni a solia vei- emudou a Alou qa lewa mo dou va o tia ina Kauveila tai qa vamatea ena ligadra a tamato ca. ²⁴ O oya sa biuti oya cae a alon ni sa sere ia ai vau ni mate, ni sa maqa ni rawa ni vauci no ga ina. ²⁵ Sa qai vosa o Tevita qa aya "Au unei Jiova no ga ni sa tu noqu mata qa mai tu e yasaqu matau qau maqa ni yavala rawa. ²⁶ "O oya ai au sa qai marau valem ina, gau sa anuinui niu sa vacegu. ²⁷ Ni miau na maqa leqa ni biutia a yaloqu mai Etesi, se biutia a omiau Le dua Yalo = Sava sava me taali mai. ²⁸ O mi au sa varaitainia vei an a sala ni bula qo miau vasi naiti au e na mamarau." ²⁹ Omudou a wecqu, dou vosotia niu sa maqa ni rere ni tovoli tevita tio a dau qase vei emudou ni sa mate qa da sa mai vananumi oya no ga. ³⁰ O oya ou eda sa qau ila ina ni o oya e dua Parofita qa sa bubului vei oya a alou ni na tubu mai vei oya, o odra a awa ei Karisito me ra lewe nia ai noro va Turaga. v ³¹ Sa qai ila o oya, sa qai varaitainia a ona tucae leqa mai na mate a Karisito, ni na maqa ni tu ga mai Etesi se vuca mai ina a yagona. ³² I ai o Jisu sa va turi ea cae leqa a alon qa da sa ona vadinakina. ³³ Ia sa qai di cae ina Liga i matau ni Alai ni sa qai rawa tia mai vei Tamana a Yalo tabu, sa qai Saarainia mai mo olai une qo dou rogo. ³⁴ Sa qai maqa ni lao cae o reita i Lomalagi sa qai aya "Sa aya mai o Jiova a oqu Alai mo tioga ina ligaqu i matau ³⁵ Qau na qai va malumalu mu tai ira a omu meca me i tutu ni anu la. ³⁶ O oya ai me ila ina a mataqali Isireli tau co'o O Jisu ai oya daia vao tia ina Kauveilatai sa lesi oya a alou me turaga qa Karisito leqa ga. ³⁷ E ra sa qai rogo ai qa ra sa rere qa ra sa Toma bibi ina, era sa qai oya vei pita ei edra apositolosa vo. A cava bea me eitou vele'e? ³⁸ Sa qai aya vei edru o Pita "dou veinituni qa dai papitaiso O emudou va yadua ena yaco i Jisu Darisito me booci ina a omudou valavala ca dai na qai rawatia a yalotabu me amudou solisoli. ³⁹ Ni sa vala vei emudou a vosa ni yalayala, vei edra leqa ga amudou gone ei edra va yadua e ra tu va yawa vata ei edra leqa ga edra tarogi vei oya Turaga. ⁴⁰ Sa vuqa leqa a vosa e varaitainia o o ya vei edra qa vei varoti vei edra "Dou va'abulai emudou mai vei edra ai tabu tamata ca ai. ⁴¹ O odra ga sa vabautia a ona vosa, era sa papitaisotai. Sa qai ena i uri o edra sa lotu ina siga ana era lewe tolu bea udolu a tamata. ⁴² E dra sa qai qaravia vagumatua ai va nivuli veidovi madrai qa ra masumasu. ⁴³ Era sa gai rere tauco'o ga ni ra sa une e so ai vatailaila veiva urabuitai edra sa vele'e o edra ai apositolo. ⁴⁴ Ia o odra sa vabauta era sa no tu vata era sa dui solia a odra i yau yadua me ra Tau era vata. ⁴⁵ Edra sa qai volitainia a odra Vanua ei na odrai yau, era sa qai veivotai va ai edra me ra tau ei nia vata. ⁴⁶ E ra sa qai gumatua ena lao i valeni soro na veisiga, ena sa qai lomarata, e ra sa veidovi madrai e na vei vuvale, era sa qai ania a edra ena marau ena Yalo dina. ⁴⁷ Edra sa qai va vinavina'a no vei oya a Alai, ena sa qai taleitaini edra. Sa qai vauritaini edra ai Soqosoqo lotu a Turaga ena veisiga mai vei edra era vabulai no.