¹ Ne dxique xaique ro' Asuero bidiibe reina Ester layú xti' Amán, ca ni nanala'dxi ca judiu. Ne Mardoqueo bizulú bi'ni dxiiña nezalú xaique ro', purti Ester gudxi xaique ro' que xiinga nácanebe Mardoqueo. ² Xaique ro' que gucuaa aniu xti ni rucaa ne lu gui'chi, ni ma bigueta laabe napa Amá, ne bidiibeni Mardoqueo. Ester gulí Mardoqueo laa nga gapa' ca xlayú xti' Amán. ³ Ti ora que Ester guni'ne xaique guidxi que xti tiru. Laabe gutarilúbe layú ne biina laga cayábi laabe gunduuxebe guendanadxaba nuu Amán guni Agagueo, ni gula'qui chaahui guni ca judiu. ⁴ Ti ora que rey que bisigaa bara de oro xti' nezalú Ester, ne laa biasa ne bizuhuaa nezalú xaique ro' que. ⁵ Gunaa que guni': "pa nga na' xaique, ne pa cayábe naa, ne pa neza ndi nezalú xaique ro', ne naa neza ruuyabe naa, gucaabe lu ti gui'chi ne guzeendabe guixia ca gui'chi ni bicaa Amán, xiiñi Hamedata ni naca Agagueo, ca gui'chi ni bicaabe ti gunidébe ca judiu ca ni nuu lu guira' ca guidxi xti xaique ro' que. ⁶ Purti ¿Ximodo zanda guuya guendananá luguia' xquidxe di? ¿Ximodo zanda guuya gunduuxe cabe ca lisaa xtine? ⁷ Ne xaique Asuero gudxibe reina Ester ne Mardoqueo, Judiu:'' biiya jma bidie Ester lidxi Amán ne laacave jma bigandacabela raa randa binnni que , pur ti laa chidxelazaa ca judiu. ⁸ bicaa xti dixha para ca Judiu lu laa xti xaique ne biteguni ne aniu xti ni ricane lu guichi. Pr ti didxa xtibe ni gucuaa pur mediu de xaique ro' ne ni jma bisegucabe que zandadi guidxaleni.'' ⁹ Ti ora que ca ni rucaa xti xaique ro' bisendacaa cabe laaca ca dxi que, lu guiona beu' ni naca beu' xti Siván lu dxi gande ne chonna de beu que'. Ti diidxa bicaacabe gaca' ne cá lu guira' ni cuseenda Mardoqueo gaca ca Judiu que. Cáni para xaique xti ca guidxi ro', ne ca xaique guidxi ne ca dxu' xti ca guidxi que ni nuu dede India dede Etiopía, 127 guidxi, cada guidxi cáni lu diidxa rini'ca', ne cada guidxi ne diidxa rini'ca, ne ca Judiu cáni lu diidxa rini'ca'. ¹⁰ Mordoqueo bicaa lu lá xaique ro' Asuero ne bicaabe lu gui'chi' ne aniu xti xaique ro' que. Laabe biseendabe ca gui'chi que chiné ca ni rinee diidxa dxi'baca lu ca mani ruxooñe ca' ni riquiiñe cabe guniné cabe xhiiña xaique ro' que, ni bisini'si ti mani ro' xti ca xaique que. ¹¹ Xaique ro' que bidiibe ca judiu ni nuu ndaani ca guidxi que, bisaanabe laaca guidagulisaa ca' ne guzuhuaa ca' ti guilá xguendanabáni ca': ti quiñe ca', guuti ca'. ne gunidé ca' tutiica hua'chu' ni guiaba luguiacabe, maca ne xcuidi ne gunaa, o gaxhacabe ca xti ca'. ¹² Ndi la chi gacani ndaani guira' ca guidxi xti xaique ro' Asuero, lu dxi chii ne chona xti chii ne chupa beu', beu' xti Adar. ¹³ Ti gui'chi casica ni bicaa xaique ro' que gaca ne biseendabe casi ti ley ni bi'ya guira' binni. Ca judiu naquiiñe gataná ca' ti gudxigueta ca' gunináca' ca ni nanala'dxi laaca. ¹⁴ Ngue runi ca ni rinee diidxa que bixooñe ca lu ca mani xti ca xaique que riquiiñecabe ni para guira' xhiiña xaique ro' que. Laaca guyeca' ne que nindaa ca'. Ni guni' xaique ro' que laaca biseenda ni dede palaciu xti Susa. ¹⁵ Ti ora que Mardoqueo birebe de nezalú xaique ro' que nacube lari xti' ca xaique que azul ne blancu, ne ti la'pa de oro ique ne nacu ti larisoo púrpura nacani de linu lase'. Ne guidxi xti' Susa bicaaridxi ne biecha ca'. ¹⁶ Ca Judiu bixele xpiaani cabe ne cayechepécabe, ne biuu guendanayeche ladxido'cabe ne bi'ni cabe saa. ¹⁷ Cada guidxi ro' ne cada guidxi, rati'casi ni chindá ni bicaa xaique ro' que gaca, riuu guendanayeche ne rieche' ladxido' ca ne runi ca' saa lade ca judiu, ti saa ne ti guendanayeche. Xtale de ca ni nuu lade ca binni lu ca guidxi que gucaca' judiu, purti dxiibi xti ca judiu nuu luguiacabe.