¹ Gudidi' si chonna dxi, Ester gucube ca lari ni racu xaique ne bizuhuaabe ndaani le' guie ni nuu ndani yoo laahui xti xaique guidxi, ne zaalu lidxi xaique ro' . Ne xaique ro' que zuba lu bangu xti, nudxiilu neza lidxiibe. ² Ora xaique yoo la'hui bi'yabe Ester xaique yoo lahui zuhua nezaalube, ne bidxela guendanacha'hui xtibe. Laabe bisigaanábe xa bara de oro ni naazebe lu nábeque neza ra nuu. Ester bidxiñaa ne gudaana'be punta bara xti. ³ Ne oraque xaique que gudxi laabe:'' ¿Xii napu gana pue xaique Ester? ¿Xiinga ni canábu'? Dede galaa de guira ra rune mandar zudiee lii. ⁴ Ester guunii:'' Pa xaique caa ná,gudii que xaique ne Amán guedaaca ñadadxii raa saa ni ná bii'ne para xaique.'' ⁵ Ne oraque xaique que guniibe, ''laa taané Amán naguendaa, para que gaca ni ná Ester.'' Ne sicaca xaique que ne Amán guyecaa raa saa ni Ester biinii. ⁶ Laga cagaacabe nisa dxu'nu que ne guendaró, xaique que gudxiibe Ester: ¿Xiinga ni canabu? Ndi zacouni. ¿Xii nga ni zedana' bu? Dede galaa de guira ra ni rune mandar zudiee lii. ⁷ Ester bicabi : "Ni canaba ne gui'chi gulua nga ndi': ⁸ pa biganda guenda nachahui nezaluulu xaique roo ne pa guiale lii gudiilu naa ni canaba lii, ne guizala'dxilu' ni naa canaba lii, guda' xaique ne Amán ra saa ni ná chigune' guixi' para laatu, ne ora caa zuucabe ni Xaique canabadidxa ná.'' ⁹ Amán biree dxi que nayeche' ne laca neyeche nuu ladxido'. Peru ora Amán bi'ya' Mardoqueo rua puerta roo xti yoo laahui xti xaique roo que' ne laa que licaa ñasaa ninca que nidxibi de nasa luube, Amán bidaa xiana luguia Mardoqueo. ¹⁰ Ne nga runi, Amán guyuu dxi ne yebi' ra lidxi. Ne bisendayubibe ca xhamigube ne bieegucabe ra nuu xheelabe ,Zeres. ¹¹ Amán biuu ne laacabe de pabia' sicarú ca ni risaca nápabe, ne de panda xiiñibe nápabe , guira' diidxa sicaru ni xaique ga guni' de laabe, ne ximodo laabe gudxibabe jma luguia'de ca ni runi manfdar ne ca ni runi dxiiña para xaique ro' que. ¹² Amán guniibe: ''Ester xaique guidxi caru gabi'dibe xti binni, sinu que naa, para chaa ra nuu xaique ro' saa ni laabe bi'nibe. Ne zaqueca guixi' laaca jma gudxibe naa para chua gaxaa de raa nu xaique guidxi. ¹³ Peru de guiraa ndi que risacadini nin ti ndaa huini para ná oraa na guya Mardoqueo judiu que subaa rua puerta roo xti yoo laahui xti xaique ro'. ¹⁴ Ne gudxicabe Zeres xhelaabe ne de guira ca xhamigu:'' guzacabe ti ra randa binni lu yaga de chupa late gande ne chii codo de nasoo. Ne siado' que guni' xaique que ti ugaandaca' Mardoqueo lu ni. Ne ora ca guyé nayech'e ne xaique ro' ca ra saa caa.'' Ndi bisiecheni Amán ne biseendabe iza' doo ra rixii yanicabe.