2 ¹ Mi olsem wanpela plaua i kamap long stretpela hap ples bilong Saron na naispela plaua long ol ples daun bilong maunten. ² Pren, mi laikim tumas, em i stap namel long ol yangpela meri olsem naispela plaua i kamap namel long ol gras i gat nil ³ Man mi laikim tumas, em i stap namel long ol yangpela man olsem diwai i karim gutpela pikinini kaikai namel long ol diwai long bikbus.Mi sindaun aninit long karamap bilong em wantaim bikpela amamas olsem diwai i karamapim mi na em i swit long maus bilong mi, olsem pikinini kaikai bilong diwai ⁴ Em i kisim mi i go long haus bilong kaikai na laikim bilong em long mi i mekim mi amamas olsem laplap i karamapim mi. ⁵ Kirapim mi na givim strong wantaim laikim bilong yu long mi, olsem drai kaikai na pikinini bilong diwai long wanem laikim bilong yu long mi i mas strong. ⁶ Em i putim han kais bilong em aninit long het bilong mi na em i holim pasim mi long han sut bilong em. ⁷ Mi laikim yu long mekim promis, ol pikinin meri bilong Jerusalem olsem ol wel abus bilong ol hap graun i harim i stap, olsem bai yupela i noken kirapim laikim bilong mitupela inap mitupela i pilim pulap long amamas bilong laikim namel long mitupela. ⁸ Mi harim nois bilong man husait mi laikim tumas. Harim! em i kam nau olsem em i kalap kalap antap long ol mauten na kalapim ol liklik maunten. ⁹ Man mi laikim tumas, em i olsem strongpela wel abus o yangpela man dia i ran, lukim em i sanap autsait long banis bilong haus na i lukluk stret insait long windua namel long liklik hap i gat hul long en. ¹⁰ Man, mi laikim long en i tokim mi na i tok,"Kirap, laikim bilong mi na naispela tru bilong mi, kam na yu go wantaim mi. ¹¹ Lukim, taim bilong win i pinis na ren tu i pinis. ¹² Ol plaua i kamap long graun, taim bilong katim ol plaua na ol pisin bilong singsing i kam nau na mipela harim nois bilong ol liklik pisin long ol graun bilong mipela. ¹³ Ol nupela pikinini diwai bilong diwai fik i mau na ol diwai rop i karim plaua na ol plaua i gat gutpela smel. Kirap, laikim bilong mi na naispela tru bilong mi na yu kam. ¹⁴ Yu olsem liklik pisin i hait insait long liklik hul bilong ston, long ples nogut bilong maunten, larim mi lukim pes bilong yu na harim nek bilong yu. Kam autsait na mi harim switpela nek bilong yu na lukim naispela pes bilong yu." ¹⁵ Was gut ol wel dok, nogut ol liklik wel dok i kam insait long gaden wain na bagarapim ol naispela plaua i op long ol gaden wain bilong mipela. ¹⁶ Man, mi i laikim tumas em i bilong mi na mi bilong em,em i olsem meme i go na kaikai gras i stap namel long ol naispela plaua wantaim amamas. ¹⁷ Man mi laikim tumas, Yu go, bipo long san i go daun na ples i kol long tudak i kam. Yu go, olsem strongpela wel abus o yangpela man dia i ran i kam long ples nogut bilong ol maunten.