3
1
God Yawe, Planti bilong ol i laik birua long mi na pait long mi.
2
Ol i tok long mi olsem, "God i no inap helpim em." Sela
3
Tasol God Yawe yu yet yu karamap bilong mi na yu strong bilong mi na oltaim yu save hapim het bilong mi.
4
Mi toktok strong i go long God Yawe na em i bekim tok bilong mi long holi maunten bilong em yet. Sela
5
Mi kirap pinis long wanem God Yawe i bin lukautim mi taim mi slip.
6
Mi no inap pret long bikpela lain manmeri husait ol i laik birua long mi long olgeta hap.
7
God Yawe! yu helpim mi, God bilong mi! Long wanem bai yu brukim wasket bilong ol birua bilong mi na brukim tit bilong ol man nogut.
8
Helpim i kam long God Yawe na ol gutpela bilong yu i ken kamap long ol manmeri bilong yu. Sela