3 ¹ Mi tok, "Nau harim, yupela ol lida bilong Jekop na ol hetman long haus bilong Israel. Ating em i no stret long yupela i mas save na klia long gutpela sindaun? ² Yupela husat i les long gutpela na laikim nogut na yupela husat i kamautim ol skin na mit long bun bilong ol, ³ na yu husait tu i kaikai bodi bilong ol manmeri na kamautim skin, brukim ol bun bilong ol na katim ol i go liklik, i olsem mit insait long bikpela sospen bilong boilim mit. ⁴ Na bai yupela ol hetman i krai i go long God Yawe, tasol em bai i no inap harim krai bilong yupela. Em bai haitim pes bilong em long yupela, bilong wanem yupela i mekim pasin nogut long dispela taim." ⁵ God Yawe i tok olsem, "Ol profet husat i bin kisim ol manmeri bilong mi i go longwe tru long gutpela rot na sapos wanpela i givim ol samting long kaikai, ol bai i tok, 'Bel isi i stap wantaim yupela.' Tasol, sapos wanpela i no givim ol wanpela samting long kaikai, orait ol bai kirapim kros wantaim ol man i no givim kaikai long ol. ⁶ Em bai olsem, nait long yupela na yupela bai i no inap lukim driman na em bai olsem tudak long yupela na yupela bai i no inap kamapim ol tokhait bilong driman. San bai go daun long ol profet na tulait bai kamap olsem tudak long ol. ⁷ Ol bai i putim ol hetman long sem, ol glasman na ol man bilong autim samting i stap hait bai paul olgeta. Olgeta bai karamapim maus bilong ol, long wanem mi i no inap bekim tok bilong ol." ⁸ Tasol long mi, mi pulap wantaim spirit bilong God Yawe na mi pulap wantaim gutpela pasin na strong bilong em long kamapim ples klia ol pasin nogut bilong Jekop na sin bilong Isrel. ⁹ Nau harim dispela, yupela ol lida bilong haus bilong Jekop na ol hetman bilong haus bilong Israel, yupela husait i les long gutpela pasin na bagarapim olgeta stretpela pasin. ¹⁰ Yu kamapim Saion wantaim blut na Jerusalem wantaim pasin nogut bilong bel bilong yupela. ¹¹ Ol lida bilong yupela i kisim mani nating long harim kot, ol pris i autim tok long ol man long kisim pei na ol profet i kamapim tokhait bai kamap bihain long kisim mani. Tasol yupela i wetim han bilong God Yawe na tok olsem, "Ating God Yawe i no save stap wantaim mipela? Ol nogut bai i no inap kam antap long mipela." ¹² Olsem na long yupela tasol, Saion bai kamap hap graun we ol brukim pinis wantaim bulmakau bilong planim kaikai na Jerusalem bai kamap hap ples bilong bungim pipia na maunten we haus lotu i stap long en bai kamap bikpela bus.