1 ¹ Dispela em tok bilong God Yawe i kam long Maika man bilong Moras long taim bilong Jotam, Ahas na Hesekia, em ol king bilong Juda, em i bin lukim samting bai kamap long Samaria na Jerusalem. ² Harim, yupela ol manmeri bilong olgeta hap graun. Harim, graun na olgeta samting i stap insait long yu. Larim Bikpela God Yawe bai kamap witnes bilong yu, Bikpela long haus holi bilong em. ³ Lukim, God Yawe i kamaut long ples bilong em na em bai i kam daun na bagarapim ol ples i stap antap long dispela graun. ⁴ Ol maunten bai kamap wara nating na ol ples daun bai bruk nabaut olsem paia i kukim na olsem wara i kapsait i go long ples i stap long en. ⁵ As bilong ol dispela samting i kamap em long ol sin bilong Jacob na long sin bilong ol Israel. Long wanem em i rong bilong Jacob? Em i no Sameria? Long wanem ples bilong Juda em i stap antap? Ating em i no Jerusalem a? ⁶ "Bai mi mekim Sameria i kamap olsem graun i pulap long pipia na em ples bilong planim ol gaden wain, na bai mi kapsaitim ol ston bilong em i go long ples daun na bai mi rausim olgeta samting i save strongim em. ⁷ Olgeta samting em i mekim long han bilong em bai bruk i go liklik, na olgeta gutpela samting em i kisim bai paia i kukim na bai mi bagarapim ol giaman god bilong en. Em kisim ol samting bilong em long ol pasin pamuk, ol bai kamap olsem pei bilong pasin pamuk gen." ⁸ Long dispela as tasol bai mi singaut na krai na bai mi go lek na skin nating. Bai mi krai sori olsem ol wel dok na pisin bilong nait. ⁹ Sua bilong em bai i no inap pinis, long wanem em i bin kam long Juda. Em i bin kamap long dua bilong ol manmeri bilong mi long Jerusalem. ¹⁰ Noken stori long em long Gat, noken krai tu. Long Bet Leafra mi tanim tanim mi yet long dust. ¹¹ Abrusim em na i go, ol lain bilong Saphi, ol i as nating na sem wantaim. Ol lain bilong Sanan noken kamaut. Bet Esel i krai na sori, long wanem ol i rausim olgeta banis bilong ol na karim i go. ¹² Ol lain manmeri bilong Marot yu weit na harim gutnius, long wanem bikpela bagarap bai i kam long God Yawe na i go long olgeta dua bilong Jerusalem. ¹³ Ol lain bilong Lakis yupela pasim ol rop long karis bilong ol hos.. Ol lain manmeri bilong Lakis, long wanem sin i bin stat long yu pikinini meri bilong Saion, long wanem sin bilong Israel ol i painim long yu . ¹⁴ Olsem bai yu lusim Moreset Gat, na taun bilong Aksib bai givim hevi long ol king bilong ol Israel. ¹⁵ Bai mi kisim wanpela man i kam long winim yu, ol lain bilong Maresa, na ol gutpela samting bilong Isrel bai kam long Adulam. ¹⁶ Rausim gras long het bilong yupela na tingim ol pikinini yu save amamas long ol taim ol katim gras long het na mekim yu kamap olsem tarangau na ol pikinini bai lusim yu na go.